Heilsuvernd - 01.12.1979, Qupperneq 24

brigðisyfirvöldum,þ. ám. daggjaldanefnd.Hinsvegar yrði að leggja
ríka áherslu á í samstarfi um rekstur heilsugæslustöðvarinnar,
að ekki verði slakað á þeirri kröfu, að beitt verði ávallt „náttúr-
legum heilsuverndar- og lækningaaðferðum" eins og segir í lög-
um bandalagsins.
Bygging heilsuhælis NLFA í Kjarnaskógi við Akureyri hófst
í ágúst 1979. Miklar viðræður höfðu farið fram milli stjórnar
NLFÍ og NLFA um hugsanlega eignaraðild NLFÍ að hælinu og
fjárstuðning þess við byggingu hælisins. Stjórnin leitaði álits
lögfræðings bandalagsins um eignaraðildina og var niðurstaða
athugana hans sú, „að slík uppbygging, hvar sem væri á landinu,
yrði algjört framkvæmdaatriði félagsdeildarinnar á þeim stað
þar sem hælið skyldi reisa, en hælið sjálft síðan sjálfseignarstofn-
un.“ Stjórnin samþykkti síðan fjárframlag til byggingar hælisins
samtals 10 millj. kr„ þ.m.t. byggingarstyrkur frá ríkinu, og allur
hagnaður af happdrættinu, hvorttveggja miðað við árið 1978.
Forseta NLFÍ var boðið að vera viðstaddur þegar fyrsta skóflu-
stunga var tekin og flutti hann NLFA árnaðaróskir í tilefni þessa
merka áfanga í sögu félagsins.
Samkvæmt lögum um heilbirgðisþjónustu frá 1978 ber sjúkra-
húsum, sem starfrækt eru af sjálfseignarstofnun, að hafa sér-
staka sjúkrahússtjórn og skulu eigendur kjósa þrjá stjórnar-
menn, hlutaðeigandi sveitarfélag einn og starfsmannaráð sjúkra-
hússins einn. í samræmi við þessi lög setti heilbrigðisráðuneytið
heilsuhælinu reglugerð, sem tók gildi 29. des. 1978. í stjóm voru
skipaðir Arnheiður Jónsdóttir, Eggert V. Kristinsson og Eiður
Sigurðsson af hálfu stjórnar NLFÍ, Þórhallur B. Ólafsson af hálfu
hreppsfélagsins og Jóna Einarsdóttir tilnefnd af starfsmannaráði.
Nýr yfirlæknir, fsak G. Hallgrímsson, tók til starfa á hælinu
1. október 1979. Hafin var smíði viðbyggingar við hælið sumarið
1978 og var stefnt að því að hún yrði fokheld haustið 1979. í lok
skýrslunnar segir, að þótt ekki blási byrlega í bili hvað fram-
kvæmdir varðar vegna þeirrar óðaverðbólgu, er hér geisi, hljótum
við að vera bjartsýn og til þess sé fyllsta ástæða, því náttúru-
lækningastefnunni hafi á undanförnum árum vaxið ört fylgi bæði
innan læknisfræðinnar, hjá heilbrigðisyfirvöldum og meðal al-
144
HEILSUVERND