Fréttablaðið - 31.12.2021, Page 46

AUGLÝSINGADEILDIR – AUGLÝSINGASTJÓRI: Gústaf Bjarnason gustaf@torg.is, ALMENNAR AUGLÝSINGAR: SÍMI 550 5050:
Auður Húnfjörð audur@frettabladid.is, Hjördís Zoëga hjordis@frettabladid.is, Hlynur Þór Steingrímsson hlynur@frettabladid.is , Reynir Elís Þorvaldsson reynir@frettabladid.is,
Örn Geirsson orn@frettabladid.is FÓLK/SÉRBLÖÐ SÍMI 550 5078: Arnar Magnússon arnarm@frettabladid.is, Jóhann Waage johannwaage@frettabladid.is, Jón Ívar Vilhelmsson
jonivar@frettabladid.is, Ruth Bergsdóttir ruth@frettabladid.is FÓLK OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR /FASTEIGNIR SÍMI 550 5056:
Hrannar Helgason hrannar@frettabladid.is, TÍMAMÓTA- OG ÞJÓNUSTUAUGLÝSINGAR SÍMI 550-5055: Arna Rut Kristinsdóttir arnarut@frettabladid.is
odduraevar@frettabladid.is
Gísli Marteinn Baldursson, Haraldur
Þorleifsson, oftast nefndur Halli í
Ueno, leikarinn Bjarni Snæbjörns-
son, pistlahöfundurinn Unnar
Karl Halldórsson og þátttakendur
í Bandamanna-námskeiði Stíga-
móta fá hvatningarverðlaunin Karl-
mennska ársins, .
Þorsteinn V. Einarsson kynja-
fræðingur, sem heldur utan um
samfélagsverkefnið Karlmennsk-
una, segir þá hafa sýnt mikilvægt
fordæmi um jákvæða karlmennsku
sem styður við jafnrétti og vinnur
gegn misrétti.
Um hundrað tilnefningar bárust.
Þorsteinn og sérfræðingar í jafnrétt-
ismálum fóru yfir þær og segir Þor-
steinn marga hafa komið til greina.
„Viðurkenningin snýst samt í raun
ekki um einstaklingana sjálfa eða
um þá sem einhverjar fyrirmyndir
eða leiðtoga. Þótt þeir séu það að
mörgu leyti. Hvatningarverðlaunin
snúast fyrst og fremst um að vekja
athygli á því sem þeir gerðu og
hvernig þeir nýttu forréttindastöðu
sína“, segir Þorsteinn en viðurkenn-
ingunum fylgdi stuttur rökstuðn-
ingur um hvernig þeir höfðu sýnt
jákvæða karlmennsku í verki.
Þorsteinn segir að sú hegðun sem
þótti fordæmisgefandi fyrir aðra
karla og þótti merki um jákvæða
karlmennsku hafi tengst afstöðu
gegn ofbeldi, líkt og kallað hafi verið
eftir með byltingum líkt og #MeToo.
Þorsteinn tekur fram að þótt
þeir eigi afstöðu gegn ofbeldi sam-
eiginlega þá sé um ólíka nálgun að
ræða. „Unnar beitir til dæmis penn-
anum fyrir sig með óhefluðum og
algjörlega afdráttarlausum skrifum
þar sem hann ber harða og jafn-
vel íhaldssama karlmennsku sem
virkar vel á ákveðinn hóp sem myndi
kannski ekki endilega hlusta á mig
eða femínískar konur. Á meðan
Haraldur beitir fjárhagslegum for-
réttindum sínum og brá þannig hlífi-
skildi yfir þolendur og baráttufólk
sem hótað var meiðyrðakærum.“ n
Holdgervingar hollrar karlmennsku
Þorsteinn V.
Einarsson,
kynjafræðingur
AFGREIÐSLUTÍMI
ÁRAMÓT
Laugavegur
31. des. Gamlársdagur
Opið allan
sólarhringinn
1. jan. Nýársdagur
Opið allan
sólarhringinn
Austurstræti
31. des. Gamlársdagur
Opið
08:00-02:00
1. jan. Nýársdagur
Opið
08:00-02:00
....................................
Viktoría Hermannsdóttir var
kasólétt í vor þegar hún hóf
leit að hvunndagshetjum fyrir
nýjan sjónvarpsþátt. Hún
fann hetjurnar og kláraði
viðtöl við þær áður en sonur
hennar kom í heiminn. Hún
telur hetjusögurnar upp-
lagðan innblástur á nýju ári
en fyrsti þátturinn fer í loftið
á sunnudagskvöld.
toti@frettabladid.is
„Það er komið að þessu. Heldur
betur,“ segir dagskrárgerðarkonan
Viktoría Hermannsdóttir um sýn-
ingu þáttanna Hvunndagshetjur
sem hún gerði kasólétt og rétt náði
að klára áður en sonur hennar vildi
komast í heiminn.
„Addú framleiðandi og tökuliðið
voru tilbúin að taka á móti en það
kom ekki til þess. Ég gekk tvær vikur
fram yfir og hefði alveg getað verið
lengur að þessu,“ segir Viktoría og
hlær.
Þættirnir fjalla, eins og nafnið
ber með sér, um venjulegt fólk sem
hefur vakið athygli og hrifningu
náungans fyrir óeigingjarnt starf
í þágu annarra. Viktoría lýsti eftir
slíkum hetjum í Fréttablaðinu í mars
og sagðist þá telja víst að allir þekktu
einhverjar hetjur.
„Það var niðurstaðan. Við fengum
endalaust af ábendingum um alls
konar fólk og það bara er ótrúlega
gaman að sjá greinilega hversu mikið
er af góðu fólki þarna úti sem er að
gera alls konar,“ segir Viktoría.
Hún segist gjarnan viljað hafa
fleiri hvunndagshetjur í þáttunum
en stendur uppi með tólf mann-
eskjur sem koma fram í sex þáttum.
Tvær í hverjum.
„Það eru nokkrir sem ég fékk bara
yfir hundrað ábendingar um. Sama
fólkið, þannig að það eru alveg ein-
hverjir þarna sem hafa haft áhrif á
líf margra, þótt það hafi ekki farið
sérstaklega hátt.“
Feimnar hetjur
Viktoría segir aðspurð að hetjurnar
hennar séu það hlédrægar að aðeins
hafi þurft að sannfæra þær um að
vera með í þáttunum. „Ég held að
flest hafi allavegana verið mjög hissa
þegar við höfðum samband við þau,“
segir Viktoría og bendir á að fólk hafi
vitaskuld ekki sjálft sent ábendingar
um sig.
„Þetta kom bara frá fólki í kring-
um þau og flesta þurfti að sannfæra
aðeins. Kannski ekkert mikið en
þetta er kannski fólk sem er ekkert
mikið að láta á sér bera. Allajafna. En
við erum síðan náttúrlega með fólk í
þáttunum sem hjálpar okkur svolítið
að segja frá þeim. Þú kannski situr
ekki sjálfur og segir „ég er frábær“.
Þannig að við tölum við samferða-
fólk og einhverja svona sem geta lýst
þeim.“
Gangverk samfélagsins
Viktoría segist telja fólk eins og það
sem kemur fram í þáttunum í raun
halda samfélaginu gangandi. „Að
mörgu leyti erum við með samfélag
sem sjálfboðaliðar halda gangandi
með því að gera alls konar hluti hér
og þar. Þetta er svona svo víða og ég
held að samfélagið myndi ekki ganga
án alls þessa fólks.
Það er svo mikið af fólki sem er að
gera óeigingjarna hluti og er ekki að
ætlast til að fá neitt í staðinn. Gerir
þetta bara til þess að bæta sam-
félagið og það er svo fallegt.“
Gott veganesti
Fyrsti þátturinn verður sýndur á
RÚV á sunnudagskvöld og Viktoría
segist trúa því að þeir séu fólki gott
veganesti inn í nýtt ár. „Fá svona smá
hlýtt í hjartað og líka svo fólk hugsi
kannski hvað það sjálft geti gert til að
stuðla að betra samfélagi.
Ég held líka að það sé tilvalið fyrir
fólk að fá svona í byrjun árs þegar
allir eru að pæla einhvern veginn í
hvernig þeir geti orðið betri mann-
eskjur. Ég held líka að þetta gefi
manni svo mikið að sjá einhvern
veginn að maður sé að gera eitthvað
gott fyrir aðra,“ segir Viktoría.
„Sumir þarna eru bara að sinna
vinnunni sinni. Gera það bara sér-
lega vel og gera það einhvern veginn
á þann hátt að eftir því er tekið og
breytir einhvern veginn lífi ann-
arra. Ég held að við getum öll tekið
eitthvað svona aðeins til okkar.“ n
Upplífgandi hvunndagshetjur
Viktoría með
Hermann Flóka
sem var svo
huggulegur
að bíða tvær
vikur fram yfir
svo mamma
gæti örugglega
klárað að tala
við Hvunn-
dagshetjurnar.
FRÉTTABLAÐIÐ/
SIGTRYGGUR ARI
Ég held líka að þetta
gefi manni svo mikið
að sjá einhvern veginn
að maður sé að gera
eitthvað gott fyrir aðra.
42 Lífið 31. desember 2021 FÖSTUDAGURFRÉTTABLAÐIÐ