Strandapósturinn - 01.06.1978, Síða 68

meðal þeirra Brandur og Ingimundur er bjuggu á Reykhólum.
Kona Bergþórs hét Helga Ásgrímsdóttir.
Helga átti barn framhjá manni sínum, með Bárði Snorrasyni
bróður Þorvaldar í Vatnsfirði. Út af því urðu miklar deilur og
tók Snorri Sturluson þátt í þeim með frændum sinum. Af þessu
urðu vígaferli og eltu þar hvorir aðra til skiptis, þeir Jónssynir og
Þorvaldur í Vatnsfirði bróðir Bárðar, en Þorvaldur var meiri
valda- og ofsamaður og gátu Jónssynir ekki setið að búum sínum
meðan veldi hans var sem mest. Þorvaldur var brenndur inni
árið 1228, en Jónssynir stóðu ekki fyrir því. Bergþór prestur kom
nokkuð víða við sögu, þó þess verði ekki getið hér, hann dó á Stað
árið 1232.
Ásgrímur Bergþórsson tók við búi föður síns á Stað, en flutti
brátt að Kaldrananesi (Kallaðarnesi) og bjó þar til æviloka. Þó
er vitað, að hann býr á Stað árið 1234, það ár 1234, fékk hann
bréf, er sagt var, að væri frá Oddi Álasyni á Eyri í Arnarfirði og
Þórdísi Snorradóttur og var á bréfinu kveðjusending frá þeim til
Ásgríms, en efni bréfsins var, að þau öll saman skyldu geyma
ríkis Sturlu með ráði Sighvats og setjast að Órækju Snorrasyni,
þau að vestan, en hann að norðan, svo að Órækja kæmi engu
fram.
Svo vitur var Ásgrímur, að hann mun hafa séð að bréfið var
falsað og vildi ekki blanda sér í málið. Hann sendi bréfið til
Órækju, en er hann sá bréfið taldi hann það fjörráð við sig.
Órækja fór þá vestur í Grunnavík og átti fund með Grunnvík-
ingum og fóru hvorutveggja fjölmennir að Eyri í Arnarfirði,
brenndu bæinn og drápu Odd Álason. Síðar komst í hámæli að
Grunnvíkingar hefðu látið gera bréf það er kom til Ásgríms.
Ásgrímur var oft í herferðum með Órækju frænda sínum og
oft nauðugur, meðal annars var hann með honum er Órækja dró
her að föður sínum Snorra i Reykholti, en Loftur biskupsson og
Þorleifur úr Görðum komu á sættum milli þeirra feðga og mun
Ásgrímur hafa staðið að sáttagerðinni með þeim.
Ásgrímur var með Sturlu Sighvatssyni i Bæjarbardaga. Þegar
Sturla Sighvatsson safnaði liði til norðurferðar, fyrir Örlygs-
staðabardaga 1238, sendi hann menn til Ásgríms, að hann skyldi
66