Strandapósturinn - 01.06.1980, Side 90

ins Guðjón Guðlaugsson til Skotlands og Kaupmannahafnar og
kom aftur með talsvert miklar vörur er þóttu ódýrar, sérstaklega
var álnavara og búsáhöld ódýrari en menn höfðu vanist. Líka
kom þá skip til félagsins frá Noregi fermt með salti og timbri.
Var þá um sumarið byggt hús, verzlunarbúð niðri en íbúð uppi.
Einnig nauðsynlegustu útihús. Þótt frumbýlisbragur væri á öllu
var þó tekið á móti sláturfé og fiski um haustið. Frá þeim tíma
má telja að kaupfélagið hafi haft fasta verzlun á Hólmavík.
Fyrstu árin var pantað líka, en smáhvarf eftir því sem fasta
verzlunin þroskaðist. Um 1910 mátti heita að pöntunarfyrir-
komulagið væri horfið. Sem lítilsháttar sýnishorn af verðlagi
hinnar pöntuðu vöru eftir aldamótin fylgir hér verðlag á nokkr-
um vörutegundum 1905:
Rúgmjöl 50 kg kr. 8.50
Heilrís 100 kg kr. 23.42
Hveiti 50 kg ,kr. 9.00
Flórmjöl 50 kg kr. 15.92
Bankabygg 50 kg kr. 11.35
Skeifnajárn 1 kg kr. 0.28
Kaffi 1 kg kr. 1.14
Export lkg kr. 0.84
Kandís 1 kg kr. 0.44
Steinolía 1 ltr. kr. 0.1 OV2
Grænsápa 10 lbs. kr. 2.90
Tvinni 1 búnt kr. 1.32
Innlend. vara:
Kjöt 0.36 pr. kg
Ull nr. I 1.48 pr. kg
Ull nr. II 1.40 pr. kg
Ull mislit 1.08 pr. kg
Gærur 1.05 pr. kg
Ekki orkar tvímælis að pantaða varan var búhnykkur mikill
hjá almenningi og ástæður margra heimila gjörólíkar því er áður
88