Strandapósturinn - 01.06.1986, Side 81

Ingólfur Jónsson
Jrá Prestsbakka
?
Hrútfirðingaþættir
Nú legg ég af stað frá Borðeyri í síðustu ferð mína um sveitina
sem ég tók ástfóstri við í æsku og einnig á fullorðinsárum.
Farkosturinn er léttur og hraðgengur enda er hann hugurinn
sem rennur fyrirstöðulaust þangað sem fara skal.
Nú liggur leiðin inn með firðinum fram hjá Lyngholti, þar
sem skáldbændurnir Guðlaugur Jónsson og Bjarni Þorsteinsson
(Bjarni úr Firði) bjuggu en þess bæjar hef ég áður getið og geng
því hjá garði, en það hefði ég ógjarna gert meðan þeir réðu hús-
um.
Næsti bær verður því:
Valdasteinsstaðir
Einu sinni kom ég að Valdastöðum eins og bærinn var í dag-
legu tali kallaður. Þar bjó þá Jón Jónsson sent var talinn rammur
að aíli enda af mörgum kallaður Jón sterki, en aldrei notaði
hann kraftana öðruvísi en til góðs, því hann var hið mesta val-
menni, ókvæntur var Jón og barnlaus.
Ffann reisti gott steinhús á eignajörð sinni, sem hann hafði
keypt af Halldóri Kr. Júlíussyni sýslumanni, er þar hafði rekið
búskap um skeið. Ráðskona Jóns og hægri hönd var Guðrún syst-
ir hans sem einnig var ógift og barnlaus.
Gott var að koma til þeirra systkina.
A Valdasteinsstöðum ólst upp að miklu leyti Guðni Einarsson,
síðar bóndi á Óspaksstöðum og síðast verslunarmaður á Borðeyri
en hann mun hafa fæðst í Kvíslum. Hann var afi þess er hér rit-
ar.
Eitt sinn sem oftar sátu þeir Guðni og Jón bróðir hans er síðar
79