Strandapósturinn - 01.06.1989, Side 36

kostaði mikil hlaup og marga svitadropa, jafnvel stundum tár
þegar Budda gamla sökk í mýrakeldurnar og setti af sér baggana
eða Peningur valt um koll í sneiðingunum ef reitt var heim af
fjallinu. Einhverntíma þegar ég lenti í vandræðum sá Eggert á
Tind til og hjálpaði mér.
Eg man ennþá fjármarkið hans pabba, stýft hægra og fjöður
aftan. Haustgöngur voru ævintýri.
Þegar ég var á sextánda árinu urðu sorgleg þáttaskil í lífi fjöl-
skyldunnar. Pabbi dó og þá leystist heimilið upp. Mamma fór að
Smáhömrum til Karls bróður síns og Þórdísar Benediktsdóttur
konu hans og hafði með sér næst yngsta barnið en amma mín fór
til sonar síns Aðalsteins Aðalsteinssonar að Heydalsá og hafði
Sigurborgu systur með sér. Ég fór sem vinnukona að Gestsstöðum
til systur mömrnu sem var gift Jóni Bjarna. Olöf systir fór að Tind
til Eggerts og Sigríðar en Stefán bróðir fór að Heiðarbæ til Guð-
jóns Halldórssonar og Ragnheiðar Guðmundsdóttur.
Ég var tvö ár vinnukona á Gestsstöðum. Fyrra árið var kaupið
rnitt eitt hundrað krónur en hundrað og fjörutíu krónur seinna
árið. Mig langaði mikið til að læra eitthvað en sá að seint mundi
ganga að safna fyrir skólavist með sama fjáröflunar áframhaldi.
Ég réði mig því í kaupavinnu gegn hæsta kaupi sem þá var borgað.
Þetta gat ég vegna þess að ég var vön öllurn verkurn til sveita, var
rneðal annars vel liðtæk við slátt. Mér fannst að vísu dálítið erfitt að
slá á túni þar sem hafði verið þurrkað úthey en ég lét það ekki á
mig fá.
Alla þá peninga sem ég fékk fyrir vinnu rnína lagði ég inn á
Sparisjóð Kirkjubólshrepps á Kirkjubóli og þegar ég hafði safnað
all álitlegri upphæð sótti ég um skólavist í Kvennaskólanum á
Blönduósi. En þarna komst ég í nokkurn vanda. Mig langaði
ákaflega mikið til að eignast reiðhestinn sem pabbi hafði átt og
mér var gefinn kostur á því. En fjárráðin voru ekki meiri en það að
ég varð að velja á rnilli skólavistarinnar og þess að eignast hestinn.
Jú, ég valdi skólann.
Þarna féll mér mjög vel. Skólastýran var Sólveig Benediktsdótt-
ir Sövik. Hún var þá ung kona, áhugasöm og vel fær enda vann
34