Strandapósturinn - 01.06.1995, Blaðsíða 40
D Strandamenn aðrir en ábúendur.
Mér telst svo til að Strandamenn aðrir en ábúendur og heimilis-
fólk hafi átt sem svarar 12,3 jörðum. Hér er um að ræða 7 heilar
jarðir og hluta í 10 jörðurn. Þessar jarðir og jarðahlutar voru
metnar á 218 hundruð en það er tæplega 18% allra jarðeigna
sýslunnar. Nær 30% þessara jarða voru í Bæjarhreppi. Mér telst
til að þessir jarðaeigendur séu 17 (þess ber þó að geta að í 3ur
tilvikum er talað um systkini). Mestar eignir á sr. Magnús Einars-
son á Stað í Steingrímsfirði alls 27 hundruð (Sr. Magnús er talinn
eigandi þó að hann væri látinn fyrir 2ur árum þegar jarðabókin er
skráð). En ef talin eru saman eignir sr. Magnúsar'og barna hans
eru það alls 52 hundruð. Aðrir stærstu eigendur innan þessa
flokks eru sr. Bjarni Guðmundsson í Arnesi og kona hans 26
hundruð og Þórður Þorkelsson í Bæ Hrútafirði og fólk honurn
venslað 23 hundruð. Enginjörð í þessum flokki er í Bæjarhreppi.
E Einstaklingar utan Strandasýslu.
Þá er komið að þeirn flokknum sem er langstærstur. Einstaklingar
búsettir utan Strandasýslu hafa á þessum tíma átt nær 45% allra
jarðeigna sýslunnar, jarðeignir sem metnar voru á 838 hundruð.
Mest áttu þessir einstaklingar í Bitruhreppi nær 65% jarðeign-
anna en minnst í Trékyllisvíkurhreppi tæplega !4 jarðeignanna.
Þessi hópur er rnjög stór eða fleiri en 50 og dreifðir mjög víða, þó
mest um Vesturland og Vestfirði. Sá úr þessum flokki sem mestar
eignir átti, var Guðmundur Þorleifsson ríki á Narfeyri (sonur
þess fræga sýslumanns og galdrabrennumanns Þorleifs Kortsson-
ar), hann er talin eiga 91 hundrað. Jarðeignir Guðmundar voru
allar í Bæjarhreppi. Mestu eignirnar voru hjá afkomendum Egg-
erts Björnssonar (1612—1681) ríka sýslumanns á Bæ á Rauðasandi
og Skarði, 113 hundruð. Þá áttu feðgar á Klukkufelli á Barða-
strönd, sem báðir hétu Einar Einarsson, 84 hundruð og bræðurn-
ir sr. Árni í Hvítadal og sr. Jón í Garpsdal Jónssynir 76 hundruð.
Mér telst svo til, að í Jarðabókinni séu taldir 142 bændur
(ábúendur), 36 í Trékyllisvíkurhreppi, 29 í Kaldrananeshreppi,
38