Strandapósturinn - 01.06.1995, Blaðsíða 46

Gjögri var smá þorp og strax eftir byggingu verksmiðjunnar á
Djúpuvík settust þar að nokkrar fjölskyldur, byggðu yfir sig og
höfðu fasta búsetu. Fjölskyldurnar í hreppnum voru sumar fjöl-
mennar, stór ungmennahópur var að vaxa upp.
Margt fór á hreyfmgu á þessum árum. Ungt fólk fór í skóla,
aðallega í héraðsskóla og kvennaskóla. Félög voru stofnuð og
önnur elfd. Líklega mun þó skíðaiðkunin hafa verið sá þáttur sem
gerði garðinn frægastan og um leið tengdist næstum hverjum bæ
í hreppnum þó sérstaklega innhreppnum með Djúpuvík sem
kjarnastað starfseminnar.
Til þess að koma í veg fyrir það að þetta félagslega starf
gleymdist ekki alveg svo og til að minna á að atvimyan í kringum
síldarverkunina var kveikja að ýmsu félagslegu og skemmtilegu
sem gerðist í hreppnum, hefi ég safnað að mér gögnum og
upplýsingum um skíðaiðkunina. Ég hefi fengið dálítið af rituðum
heimildum og myndurn. Upplýsingar mínar eru þó aðallega frá
þeim sem voru þátttakendur í þessu ævintýri og úr mínu eigin
minni.
Hálf öld er nú liðin frá þessurn viðburðum. Sumt af því sem þá
gerðist og hefði verið frásagnarvert er gleymt — því verður ekki
breytt. Vonandi verður það sem ég skrái hér á blað ánægjuefni
fyrir fólk sem hefur áhuga á viðburðum liðins tíma, ekki síst fyrir
þá sem enn eru á lífi og tóku þátt í skíðaævintýrinu í Djúpuvík og
Arneshreppi. Kannski tengir svona upprifjun betur en annars
hefði oi'ðið okkur og okkar fólk við ættarbyggðina.
Ekki er ljóst hver upphaflega kveikjan að skíðaáhuganum var
og hver vakti áhuga frumherjanna. Veturinn f939 er byrjað að
safnast saman og leika sér á skíðum í Kúvíkurdalnum. Líklegt er
að umræða urn stofnum félags ungs fólks hafi átt sér stað á árinu
Í938 og fyrri hluta árs 1939.
Guðmundur Pétursson í Reykjarfirði hafði verið við nám á
Reykjum og Akureyri undanfarna tvo vetur og komið þaðan
fullur áhuga á félagsstarfsemi og mun hann hafa verið í forustu
fyrir því að stofna félag. Æskulýðsfélagið Efling var svo stofnað á
Kúvíkum 30. apríl 1939. Fyrsti formaður þess var Bernódus
Ólafsson á Kúvíkum.
44