Strandapósturinn - 01.06.1995, Blaðsíða 63

göngu 20 ára og eldri og þeir Garðar Halldórsson á Munaðarnesi
og Magnvís Guðjónsson á Kjörvogi í göngu 15 tíl 16 ára. Magnús
tók einnig þátt í svigi drengja. I C-flokki í svigi tóku þátt þeir
Friðgeir Sörlason á Gjögri sem varð í fyrsta sæti og Pálmi Guð-
mundsson í Bæ og Jóhann Elíasson í Bæ. Jóhann var keppandi á
mótinu í Reykjarfirði 1940. Til þessarar ferðar var safnast saman í
Bæ.
Gengið var yfir Naustvíkurskörð. I Naustvík beið Sveinn í
Djúpuvík á trillu og ferjaði hópinn yflr Reykjarfjörð. Frá Djúpu-
vík var haldið á Trékyllisheiði til Bjarnarfjarðar og gist þar.
Daginn eftir var gengið að Kaldrananesi en þaðan fengið far á
trillu með Andrési föður Magnúsar skíðakennara að Drangsnesi.
Eftir mótið var gengið í Bjarnarfjörð og gist þar. Morgunin eftir
var besta veður og var ákveðið að fara beinustu leið yfir fjöllin frá
Svanshóli að Kúvíkum. Þegar kom upp úr Bjarnarfirði fór veður
að versna og var brátt kominn hríðarbylur. Jóhann sem var þeirra
ferðareyndastur lagði til að breyta um stefnu og fara niður í
Goðdal og fara síðan venjulega leið um Trékyllisheiði. Þetta var
gert. í Goðdal brotnaði annað skíðið hjá Garðari og við það
gerðist ferðin enn erfiðari. Til Djúpuvíkur kornu þeir ekki fyrr en
seint um kvöldið og var farið að óttast um þá. i Djúpuvík fengu
þeir hinar bestu viðtökur og gistingu og voru fegnir hvíldinni.
Og árið 1953 mæta 5 félagar frá Leifi lieppna á Skíðamót
Strandamanna sem var á Drangsnesi 7. til 8. mars. Þeir Rögnvald-
ur Pétursson, Jóhann Elíasson, Magnús Guðjónsson, Jón Guð-
mundsson í Bæ og Sólmundur Jóhannsson á Gíslabala keppa í
svigi og göngu. Rögnvaldur Pétursson kemur einn til leiks 1954
og keppir í göngu. Árin 1955 og 1956 falla sýsluskíðamótin niður
en 1957 kemur Rögnvaldur Pétursson enn og er þá einn að
norðan og keppir í göngu á sýslumóti á Drangsnesi. Á Skíðamóti
Strandamanna í Bjarnarfirði 22. til 24. mars 1958 kemur 5 manna
hópur frá Leifi heppna. Þar koma ungir menn en enn er þar
Rögnvaldur Pétursson sem verður í öðru sæti af 6 keppendum í
15 km göngu. Þeir sem með honum koma eru: Guðmundur
Guðjónsson á Kjörvogi, Jóhann Elíasson, Guðmundur Þorsteins-
son á Finnbogastöðum og Lýður Sörlason á Gjögri sem kepptu
61