Strandapósturinn - 01.06.1995, Blaðsíða 123

á bak og riðum greitt heimleiðis. Það var farið að skyggja þegar
við komum heim að Ósi og allan daginn var í rauninni dumb-
ungsveður, og er kvöldaði lagðist rökkrið yfir allt.
Eg vaknaði fyrir allar aldir morguninn eftir og fór þegar að tína
saman dótið mitt og troða því niður í töskur. Dvöl minni hjá þessu
alúðlega fólki var nú að ljúka. Hér hafði mér liðið prýðilega allan
tímann notið hlýju og góðvildar heimilisfólksins og trúnaðar
barnanna sem ég átti að uppfræða. Launin sem ég fékk frá því
opinbera reyndust nægja fjölskyldu minni á Isafirði til framfæris
út veturinn og ég hlakkaði til að koma heim til hennar eftir þessa
löngu útivist. Upp úr hádeginu kvaddi ég svo heimilisfólkið á Ósi
og þakkaði fyrir mig. Magnús ók mér á dráttarvélinni út á Hólma-
vík í veg fyrir skipið sem átti svo að flytja mig heim. Ytri-Ós var nú
horfinn úr augsýn. Hvenær myndi ég sjá þessar slóðir aftur?
Kannski aldrei? Við Magnús kvöddumst á bryggjunni og ég þakk-
aði honum fyrir ánægjulegar samverustundir og alla gamansem-
ina sem hann átti svo auðvelt með að hafa á takteinum. Hvenær
myndi ég kynnast manni eins og honum?
Tuttugu og sjö árum síðar var ég á ferðalagi um Strandasýslu
ásamt sambýliskonu minni, systur hennar og mági, reistum tjöld
okkar í kjarrivöxnum hvammi við Grjótá í Steingrímsfirði og
sváfum þar við árniðinn næturlangt. Þegar við skriðum úr svefn-
pokunum að morgni kom okkur saman um að skilja tjöldin þarna
eftir og aka bara eitthvað út og suður okkur til gamans, kanna
landslagið og fleira á þessum slóðum. Við vorum á tveimur bílum
og hófum ferðina með því að aka inn fyrir botn fjarðarins, út alla
Selströnd, framhjá Drangsnesi og námum ekki staðar fyrr en í
Norðurfirði. Þar áðum við um stund og í bakaleiðinnijafnframt á
nokkrum stöðum, og höfðum tal af bændum og búaliði. Þegar við
komum að tjöldunum við Grjótá var farið að skyggja og við búin
að fá nóg af akstrinum því ekki voru nú vegirnir alls staðar eins og
hefluð fjöl á þessari leið. Við gengum því snemma til hvílu. A
meðan ég var að lognast útaf urðu þessar hendingar til:
121