Strandapósturinn - 01.06.1995, Blaðsíða 150

5. Úr Reykjarfirði norður til Trékyllisvíkur eru tvær leiðir yfir
fjallið. Önnur heitir Göngumannaskörð.
6. Á norðurströnd Reykjarfjarðar sem er mjög snjóþung vex
mikið af snjósæknum plöntum, t.d. er þar víða gróskumikið
burknastóð. Þar vex frekar sjaldséður burkni, Þúsundblaða-
rós.
7. Út með Reykjarfirði norðanverðum eru sérkennilegir vogar
eða klettabásar sem heita Ónar. Það er tilgáta höfundar að
nafnið sé dregið af „eldstó“ því að básarnir minna á tröll-
aukna hlóðarsteina. E.t.v. er eiganda hlóðanna að leita í hin-
um tröllslegu hamrabeltum Sætrafjalls fyrir ofan.
8. Þegar þetta var sett saman var Axel á Gjögri enn á lífi.
Höfundur hefur ekki séð ástæðu til að breyta erindinu.
9. í Stóru-Ávík er Silfursteinn eða Grásteinn í s.k. Grásteins-
mýri. Það er granítsteinn sem talinn er hafa borist til landsins
með hafís þegar sjávarstaða var hærri en nú. Talið er að
bjargið sé um 30 tonn, en aðeins lítill hluti af því stendur upp
úr mýrinni.
fO. Nokkru innar er s.k. Kolgrafarvík, þar sem fyrrum hefur
verið gert til kola með rekavið og skammt þar frá er Kistuvog-
ur, þar sem galdrabrennur fóru fram þegar galdrafárið var í
Trékyllisvík.
11. Á þessum slóðum gekk Þórður kakali á land með lið sitt á
Jónsmessu árið 1244 eftir Flóabardaga, þar sem hann barðist
við Kolbein unga og hafði betur, þrátt fyrir færra lið.
12. í grein um Hermann Jónasson f.v. forsætisráðherra getur
Guðmundur P. Valgeirsson þess að vorið 1934 þegar Her-
mann var fyrst í framboði á Ströndum og halda átti fram-
boðsfund í Trékyllisvík sáu menn er þeir kornu á fætur mann
standa uppi á Árnesfjalli. Þar var þá korninn Hermann á
morgungöngu.
13. Hér er átt við Ingólfsfjarðarbrekku milli Ingólfsfjarðar og
Ófeigsfjarðar. Hún er snarbrött og torleiði með hesta.
14. Verslunarskipið Fortúna strandaði við Engines í september
1787 og fórst áhöfnin öll. Eitlu tókst að bjarga af farminum
148