Strandapósturinn - 01.06.2014, Síða 21

19
og allri þeirri fegurð sem við blasti hvort sem var í skreytingum
eða ómetanlegum listaverkum enda segir sagan að ef hver hlutur
þarna inni er skoðaður í eina mínútu þá taki það tólf ár að skoða
þá alla. Það er alveg mögnuð tilfinning að ganga sal úr sal og
virða í örskotsstund fyrir sér helstu málverk eftir frægustu málara
heimssögunnar eins og Rembrandt, Van Gogh, Picasso, da Vinci
og Goya – og ekki bara eitt málverk eftir hvern og einn heldur
mörg og öll heimsfræg. Síðan má ekki gleyma gullskreytingun-
um á veggjum og í loftum, eða ótrúlegum gólfskreytingum, að
ekki sé minnst á allar kristalsljósakrónurnar, og svona til gamans
má geta þess að ein þeirra er 2,5 tonn að þyngd. Ferðin um
safnið tók um þrjá tíma og því komið vel fram yfir hádegi þegar
yfirferðinni lauk. Nú var komið að síðbúnum og sameiginlegum
hádegisverði og að honum loknum var dagurinn frjáls.
Á þriðja degi, sem var mánudagurinn 10. júní, var haldið
af stað frá hótelinu um kl. 10 og ferðinni heitið að skoða hið
fræga minnismerki sem tileinkað er 900 daga umsátrinu um
Leníngrad en það var nafn borgarinnar í síðari heimsstyrjöldinni.
Ljósm.: Guðni Þór Hauksson.
Allur hópurinn við ofanjarðarhluta minnismerkisins um 900 daga
umsátrið um Leníngrad í síðari heimsstyrjöldinni.