Strandapósturinn - 01.06.2014, Page 55

53
fyrir af landbúnaðarfélagi Dana. Eftir að Gunnlaugur flutti að
Tannastöðum fæddist honum sonur er skírður var Björn. Hann
varð þjóðkunnur sem mikill stærðfræðingur og yfirkennari við
Latínuskólann. Björns er kannski helst minnst í dag fyrir það að
hann mældi og kortlagði landið fyrstur manna sem var mikið
afrek miðað við samgöngur og tækjabúnað þess tíma. Hann var
sagður strax á unga aldri hafa verið með hugann við allt annað
en hin daglegu bústörf. Sagt er að hann hafi verið sendur ungur
að árum frá Tanna stöðum einhverra erinda inn að Valdasteins-
stöðum. Þetta var að vetrarlagi og fjörðurinn á ís. Frá Valdasteins-
stöðum sást hvar drengurinn gekk út á ísinn en miðaði hægt.
Enginn skildi hvernig á því stóð. Þegar hann svo loksins kom að
Valdasteinsstöðum hafði hann gleymt erindinu en hann gat sagt
fólkinu hvað fjörðurinn væri mörg fet á milli landa.
Þegar Halldór Júlíusson, sýslumaður Strandmanna, bjó á Borð-
eyri (1909–1938) keypti hann Valdasteinsstaðina og rak þar fjár-
bú.
Land jarðarinnar nær norður á svonefnda Háumela. Þar hefur
Vegagerðin stundað mikla efnistöku og grjótnám.
Lyngholt
Lyngholt er byggt úr landi Borðeyrar sem nýbýli 1936 af hjón-
un um Guðlaugi Jónssyni frá Kolbeinsá og Margréti Soffíu Ólafs-
dóttur. Bærinn er rétt sunnan og ofan við kauptún ið sem byggst
hefur í áttina til hans síðustu ár og það á landi Lyngholts. Ofan
bæjarins er brött hlíð sem dregst saman efst í klettahjalla sem
nefnist Stóraborg. Þaðan er gott útsýni yfir Hrútafjörð allan frá
fjarðarbotni til Húnaflóa. Upphaflega fylgdi stofnun nýbýlisins
lítill landskiki en grasgefinn.
Árið 1942 kaupir Bjarni Þorsteinsson Lyngholt og jók hann við
landið með því að kaupa nyrsta hlutann af Valdasteinsstaðalandi
frá Stúfeyri inn að Háumelum og land ræmu upp í Fýlingjavötn.
Bjarni Þorsteinsson bjó í Lyngholti 1942–1973 og var kennari og
skólastjóri við barnaskóla Bæjarhrepps um áratugaskeið. Hann
stundaði einnig ritstörf og er höfundur bókanna Ást í meinum og
Stúdentinn í Hvammi.