Strandapósturinn - 01.06.2014, Side 67

65
litlum hól niður undir sjó á norðurbakka árinnar sem rennur
gegnum túnið. Bát Kolla á að vera hvolft yfir hann í haugnum.
Þessum haug hefur ekkert verið raskað en tilvera hans hefur
vakið forvitni. Sveinn Karlsson bifvélavirki á Borðeyri, sem ólst
upp á Kollsá í stórum systkinahóp, sagði mér að hann og bræður
hans sem börn hefðu trúað sögunni og oft leikið sér á haugnum.
Þegar þeir hoppuðu á hólnum fannst þeim undir taka holhljóð
í bátnum.
Fyrir ofan Kollsá standa hæðir fjær sjó en annars staðar í
þessari sveit. Næst sjónum eru grundir en er þeim sleppir taka
við samfelldar mýrar með hæfilegum halla, ágætt ræktunarland.
Nokkuð ofan við bæinn á Kollsáin upptök sín í litlu stöðuvatni,
Kollsár vatni. Vestur og norður af vatninu eru flóar og mýrar,
stærðar svæði sem er allt ræktan legt með framræslu. Möguleikar
til ræktunar eru óvíða rýmri í Strandasýslu.
Norðan við túnið er lítill tangi í sjó fram, Réttartangi. Þar eru
leifar af gamalli fjárrétt sem hlaðin var úr grjóti, enginn veit um
aldur hennar. Hún var notuð sem skilarétt Bæjar hrepps til 1974
Ljósm.: Lilja Sigurðardóttir.
Íþróttavöllur Ungmennafélagsins Hörpu.