Strandapósturinn - 01.06.2014, Side 97

95
Sverrir Guðbrandsson
Guðmundur
Guðbrandsson
í Reykjaskóla
veturna 1931
og 1932
Reykjaskóli í Hrútafirði tók fyrst til starfa í janúar árið 1931.
Ekki þótti fært að hefja kennslu fyrr um veturinn vegna þess að
þá var skólahúsið enn í smíðum. Þegar kennslan hófst var þó
langt frá því að þessi fyrsti áfangi byggingarinnar væri fullgerður,
engir gólfdúkar og mikið ómálað. Þá var tækjabúnaði öllum
mjög áfátt og ekki síst öllu sem varðaði tómstundaiðkanir. Meðal
nemenda þennan fyrsta vetur var elsti bróðir minn, Guðmundur,
þá 15 ára gamall. Mummi, eins og hann var alltaf kallaður, átti
manntafl sem hann hafði með sér á skólann. Kom í ljós að það
höfðu margir aðrir nemendur líka gert. Varð því skák vinsælasta
tómstundaiðjan um veturinn. Það var svo einhvern tíma á út-
mánuðum að efnt var til símakappskákar við skákmenn á Hvamms-
tanga. Ekki veit ég hvað teflt var á mörgum borðum eða hvernig
þessi keppni fór, en það sem varð til þess að ég minnist þessa
eru vísur sem ortar voru á meðan á keppninni stóð. Ekki er mér
kunnugt um höfund á Hvammstanga, en í Reykjaskóla mun það
hafa verið Helgi H. Valtýsson kennari sem átti drýgstan þátt í
yrkingunum. Því miður man ég ekki lengur nema fjórar vísur af
þessum kveðskap, en mér finnst þær svo skemmtilegar að þær
megi því vel geymast. Eins og þeir vita sem til þekkja er símaskák
á skákklukku oft tímafrek mjög og mikið hugsað. Það gafst því