Strandapósturinn - 01.06.2014, Qupperneq 114

112
Litla-Ávík 1826, 1828, 1830, 1831, 1838, 1839 = 6 ár
Stóra-Ávík 1830, 1838, 1839, 1840, 1841 = 5 ár
Reykjanes 1826, 1828, 1829, 1830, 1831, 1838, 1840, 1841, 1843, 1844,
1845 = 11 ár
Reykjarfjörður 1826, 1828, 1829, 1840, 1844 = 5 ár

Við uppgröft á Finnbogastöðum árið 1990 fundust tvær tennur úr
hákarli (somniosus microcephalus) innan um bein úr fiskum og
fuglum. Þær fóru í ruslið öðru hvoru megin við aldamótin
1800.36 Frá Finnbogastöðum var gert út á hákarl af krafti og
til eru uppskriftir dánarbúa eftir tvo bændur. Haustið 1821 lét
Guðmundur Bjarnason eftir sig hálft hákarlaskip með segli, árum,
færum, sóknum, ífærum og „öllu tilheyrandi“; samanlagt metið
á 16 rbd. Sextán árum síðar átti Jón Grímsson sexæringsskip
gamalt og gallað með áhöldum, fornfálegt segl, tvær sóknir,
ífæru og skutul að verðgildi 15 rbd. 38 sk. Einnig átti hann ný -
legan bát metinn á 16 rbd. og búð við sjóinn virta á 4 rbd.
Stjórafæri átti hann gamalt, 60 faðma langt.37 Jón gerði upp
hospitalshlut árin 1829, 1831 og 1832, en Magnús Guðmundsson
Bjarnasonar sambýlingur hans miklu oftar. Ekki er til uppskrift
frá Reykjanesi á þessum árum, en aftur á móti þrjár frá Krossnesi
sem sýna undirstöðubúnað til hákarlaveiða. Árið 1826 átti Jón
Jónsson hálft áttæringsskip „nýaðgjört“ með hálfum útbúnaði,
virt á 20 rbd., og hálft færi með einum sóknum og ífærum „er
fylgja skipi“ á 6 rbd. Ekki kemur fram hver átti hinn helminginn
en vafalaust annar sona hans, Arngrímur eða Jón. Þegar Guðrún
Grímsdóttir, kona Arngríms, lést haustið 1834 segir af sexærings-
skipi með veiðarfærum og segli, 20 dala virði. Þau áttu það hálft
á móti Jóni, sem lést sumarið 1839 og átti þá gamalt skip með
árum, segli og veiðarfærum, hálft á móti Arngrími, virt á 12
rbd.38 Brotakenndar upplýsingar fást úr nokkrum dánarbúum
enn:
Andrés Guðmundsson í Veiðileysu 17. október 1837
Hálfur þriggja rúma bátur á móti Magnúsi á 6 rbd.
Tvísnúið há kalla færi á 1 rbd. 32 sk.
Ífæra á 16 sk.
Hákallasóknir lélegar á 38 sk.