Sjálfsbjörg - 01.07.1972, Qupperneq 28

r
Bréf
frá Pálínu
frænku
Hverakróki á hundadögum,
anno 1972.
Kæra Björg.
Það er víst tími til kominn, að ég setj-
ist niður og hripi þér nokkrar línur. Vil
ég þá fyrst þakka þér bréfkornið hér um
árið. Það gladdi einmana sál á eyðilegum
stað.
Þá vil ég þakka þér sendinguna á dög-
unum, þ. e. pennann, blekið, að ógleymdri
andagiftinni. Allt kom það að góðu gagni,
einkum það síðastnefnda, þótt varla nái
hún þyngd sálar minnar, sem ku vera 21
gramm. Vissir þú ef til vill ekki, að búið
var að slá vigt á sálartetrið?
Ójú, og það var nú einfalt mál. Fólk
hefur verið vigtað í andaslitrunum og svo
aftur, er það hefur geyspað golunni og þá
hefur komið í ljós, að við andlátið léttist
það um 21 gramm. Ergo: Sálin er 21
gramm.
En þótt umrædd andagift næði ekki
þessum grammafjölda, kom hún sér vel,
því að veðurlagsins blíða hefur verið á
þann veg síðustu vikurnar, að ég er hreint
alveg búin að gleyma, hvort sólin er gul
eða rauð, nema hvort tveggja sé. Annars
vil ég nú kenna sumarfríi sjónvarpsveður-
fræðinga um, því að þeir vanda veðrið
mun betur, þegar þeir verða að standa
augliti til auglitis við mann, heldur en
þegar þeir geta látið útvarpsþulinn skila
veðurfréttunum á öldum ljósvakans. En
nóg um veðrið að sinni.
Viltu bera félögum þínum á fsafirði
þakkir mínar fyrir höfðinglegar móttökur
og skemmtilega samveru á sambands-
stjórnarfundinum s. 1. vor. Reyndar þótti
mér alveg frábært, að þú skyldir fá þenn-
an fund haldinn á ísafirði, á þeirri for-
28 SJÁLFSBJÖRG