Bjarmi - 01.10.2021, Síða 12

12 | bjarmi | október 2021
Lesendur Bjarma hafa fylgst með
kristniboðsstarfi á Grænlandi um nokkurt
skeið og síðast fyrir einu og hálfu ári. Þá sagði
Erna Eyjólfsdóttir frá köllun sinni til þjónustu
á Grænlandi, drauminum um trúboðshús,
starf meðal innfæddra og framtíðar áætlun
með starfið í Tasiilaq, þorpinu við fjörðinn.
„Við höfum eignast lóð fyrir hús og í sumar
ætlum við að byrja á húsgrunninum og
treysta Guði fyrir framhaldinu að reisa Hús
friðarins,“ sagði Erna þá.
Hvernig hefur gengið?
Með hjálp netsins fundum við fyrirtæki í
Danmörku sem framleiðir einingahús. Við
báðum um tilboð í hús sem mundi henta
starfinu, hús með öllu tilheyrandi. Þeir gerðu
okkur mjög gott tilboð sem okkur leist vel á
og var hafist handa við að fjármagna kaupin,
en tilboðið átti að renna út 1. apríl 2020.
Þið voruð í kapphlaupi við tímann,
hvernig gekk þetta?
Já, við vorum í kapphlaupi við tímann að
fjármagna húsið vegna þess að við þurftum
að staðgreiða 21 milljón króna. Í sjóðnum
okkar var bara brot af þeirri upphæð. Guð
er Guð allsnægta, við treystum á hjálp hans
og allt hið góða fólk sem sýndi verkinu
brennandi áhuga. Í lok mars var ljóst að við
áttum ekki nóg fyrir húsinu og tilboðið var að
renna út. Bænin er dásamleg gjöf til okkar
frá Guði. Hróp okkar steig upp til himinsins,
tíminn var naumur: „Guð sendu hjálpina.“
Gleðidagur sem rennur okkur seint úr
minni er svo sannarlega 29. mars þegar við
skoðuðum bankareikninginn okkar og ljóst
var að umsamin upphæð blasti við okkur
og við gátum greitt fyrir húsið og bókað far
fyrir gámana með skipi til Grænlands fyrir 1.
apríl. Allt gekk upp á síðustu stundu, lof sé
Guði. Það var mikill léttir.
Þetta var í upphafi heimsfaraldurs
Covid-19, hvernig gekk að fjármagna
og fá iðnaðarmenn til verksins?
Já, þessi tími hefur verið eins og í ævintýri.
Fjármunir komu víða að frá vinum og
áhugafólki um trúboðsstarf á Grænlandi,
gjafir frá Noregi, Íslandi, Hollandi,
Þýskalandi og víðar. Gjafir smáar og stórar
sem sönnuðu að það er dropinn sem holar
steininn. En ekki var allt búið, við þurftum að
fjármagna flutning með skipinu og útvega
Hugsjónin um Hús
friðarins er falleg
framhaldssaga
VIÐTAL VIÐ ERNU EYJÓLFSDÓTTUR
HELENA LEIFSDÓTTIR
Tveir sjálfboðaliðar. Hans Ragnar frá Íslandi
og Tabani frá Finnlandi.