Bjarmi - 01.10.2021, Page 31

bjarmi | október 2021 | 31
Að óttast Drottin er upphaf þekkingar
(Orðskviðirnir 1.7).
Þegar við lesum í Biblíunni um það
„að óttast Drottin“ merkir það að bera
ómælda virðingu fyrir honum, meðvituð
um að Guð ræður yfir allri sköpuninni
og er á allan hátt réttlátur. Þegar við
skiljum alveldi hans og mátt á þennan
hátt og dáumst að og beygjum okkur fyrir
persónuleika hans kallar það á auðmýkt
og hlýðni.
Ætlun Guðs var aldrei að við værum
hrædd við hann. Þvert á móti, hann elskar
okkur og gefur okkur það sem er okkur
fyrir bestu.
Hins vegar væntir hann þess að við
hlýðum leiðbeiningum hans. Því er þannig
háttað á lífsins leið að ótti vex fram sem
hindrar okkur í að gera það sem hann
biður okkur um – að boða fagnaðarerindið,
að hjálpa fólki í neyð, að beygja sig fyrir
vilja hans. En að óttast Drottin – að bera
virðingu fyrir honum – ætti að hvetja okkur
til að hlýða honum engu að síður.
Þess vegna skulum við í dag, hvað
svo sem hann kallar okkur til að gera,
gera það, þrátt fyrir ótta okkar. Leyfum
tilbeiðslu okkar á honum að vinna sigur á
jarðneskum kvíða okkar. Tökum ákvörðun
um að við ætlum að trúa kærleiksríkum
Guði sem er alltaf með okkur og hefur
stjórn á lífi okkar öllum stundum.
Faðir, hjálpa mér að sigrast á ótta
mínum og treysta þér.
Hjálpa mér að hlýða þér, sérhvert
skref á minni leið. Amen.
Hugvekja þessi er úr bókinni Every Day in
His Presence. 365 Devotions, fyrir 13.
september.
Að óttast Drottin
CHARLES STANLEY