Skessuhorn - 22.06.2022, Page 6

MIÐVIKUDAGUR 22. JÚNÍ 20226
Dregur úr
atvinnuleysi
LANDIÐ: Skráð atvinnuleysi
mældist 3,9% á landinu í maí og
dróst saman um 0,6 prósentu­
stig milli mánaða. Þetta kem­
ur fram í nýrri mánaðarskýrslu
Vinnumálastofnunar. Stofnunin
spáir því að atvinnuleysi dragist
áfram saman í júní og verði á
bilinu 3,5­3,8%. Atvinnuleysi
dróst saman í öllum landshlut­
um en þó mest á Norðurlandi
vestra og Vestfjörðum. Mest
er atvinnuleysi á Suðurnesjum
6,6% en minnst á Norðurlandi
vestra, 1,2%. Hér á Vestur­
landi er atvinnuleysi 1,4% í
röðum karla og 2,5% hjá kon­
um. Atvinnuleysi náði hámarki
í janúar í fyrra þegar það mæld­
ist 11,6% en því til viðbótar
voru 1,2% í skertu starfshlut­
falli á hlutabótaleið stjórnvalda,
tímabundnu úrræði sem kom­
ið var á í kórónuveirufaraldrin­
um. Síðan þá hefur nær samfellt
dregið úr atvinnuleysi. -mm
Handsama ketti á
Hvanneyri
BORGARFJ: Gæludýraeftirliti
Borgarbyggðar hafa borist til­
kynningar og ábendingar um
ágang villtra eða hálfvilltra
katta á Hvanneyri, en frá þessu
segir í frétt á heimasíðu Borgar­
byggðar. Hvanneyri er innan
friðlandsins í Andakíl þar sem
í stjórnunar­ og verndaráætlun
koma fram þau tilmæli til íbúa
á verndarsvæðinu að halda kött­
um sínum innandyra yfir varp­
tímann, frá 20. apríl til 20. júlí
ár hvert til verndar fuglalífi. Til
að bregðast við þessum tilkynn­
ingum er áætlað að setja út búr
á Hvanneyri á næstu dögum til
að fanga villta og hálfvillta ketti.
Þeim tilmælum er því beint til
íbúa að halda heimilisköttum
innandyra á næstunni. Þá er
minnt á að skylt er að einstak­
lingsmerkja hunda og ketti og
sækja um leyfi til sveitarfélags­
ins til að halda hunda og ketti í
þéttbýli. -vaks
Ungviður plantar
í Brynjudal
HVALFJ: Skógræktarfélag­
ið Ungviður hóf gróðursetn­
ingu á nýjum skógræktarreit
sínum í Brynjudal í Hvalfirði í
maí. Í sumar mun félagið efna
til opinna gróðursetningardaga
helgarnar 18.–19. júní, 16.–17.
júlí og 20.–21. ágúst og býður
alla áhugasama hjartanlega vel­
komna. Gróðursettar verða um
tíu þúsund plöntur. Ungvið­
ur er skógræktarfélag sem vill
auka þátttöku ungs fólks við
að græða landið. Nánari upp­
lýsingar má finna á fésbókar­
síðu félagsins. Þess má geta að
nokkrir af meðlimum félagsins
eru skógfræðinemar við Land­
búnaðarháskólann á Hvanneyri.
-mm
Fjöldi skemmti-
ferðaskipa
bókuð
GRUNDARFJ: Í Grundar­
fjarðarhöfn í sumar eru bók­
aðar 43 komur skemmtiferða­
skipa með um 50 þúsund far­
þega. Hægt er að sjá inn á veg
Grundarfjarðarhafnar grund­
port.is hvaða dag og klukkan
hvað skipin koma í höfn. Til að
mynda má sjá að tvö skip eiga
eftir að kíkja í heimsókn í júní.
Mánudaginn 27. júní verður
skemmtiferðaskipið Spirit Of
Discovery við ankeri frá klukk­
an 8 til 17 og daginn eftir skip­
ið Le Bellot frá klukkan 12 til
18.30 en það skip kemur nán­
ast alla þriðjudaga í sumar. Á
næsta ári er þegar búið að bóka
54 skip í Grundarfjarðarhöfn.
-vaks
Nýtt fasteigna-
mat aðgengilegt
LANDIÐ: Eigendur fasteigna
geta nú nálgast tilkynningar­
seðil um mat á eignum sín­
um í pósthólfinu á www.island.
is. Fasteignir eru endurmetn­
ar árlega út frá nýjustu mats­
forsendum og byggir matið
meðal annars á upplýsing­
um úr þinglýstum kaupsamn­
ingum auk fjölmargra annarra
þátta sem hafa áhrif á verð­
mæti fasteigna. Nýja fasteigna­
matið miðast við verðlag fast­
eigna í febrúar 2022. Það tek­
ur gildi 31. desember 2022 og
gildir fyrir árið 2023. Frestur til
að gera athugasemdir við nýtt
fasteignamat er til 30. desem­
ber 2022, segir í tilkynningu frá
Þjóðskrá. -mm
Niðurstöður umhverfis­
vöktunar iðnaðarsvæðisins
á Grundaratanga árið 2021
voru kynntar á opnum
fundi Umhverfisstofnunar
á þriðjudag í liðinni viku.
Umhverfisvöktun svæð­
isins fer fram samkvæmt
umhverfisvöktunaráætl­
un sem gerð er samkvæmt
starfsleyfum fyrirtækjanna
á svæðinu og samþykkt er
af Umhverfisstofnun. Þau
fyrirtæki sem taka þátt í
umhverfisvöktuninni eru
Elkem Ísland, Norðurál
Grundartanga og Alur Álvinnsla.
Niðurstöður fyrir flúor og
brennistein voru óvenju háar árið
2021 sem talið er tengjast staðsetn­
ingu mælistöðva, veðurfari og áhrif­
um frá eldgosinu í Geldingadölum.
Niðurstöður umhverfisvöktunar
iðnaðarsvæðisins á Grundartanga
árið 2021 fyrir ferskvatn, gras, sjó
og lífríki sjávar leiða í ljós að öll við­
miðunarmörk eru uppfyllt, sem sett
eru í reglugerðum.
Líkt og fyrri ár var sýnum fyrir
flúormælingar safnað á síur á Kríu­
vörðu og Gröf II, auk þess sem
mælingar voru gerðar á Hálsnesi,
en þar er mælt þriðja hvert ár. Mæl­
ingar á styrk flúors í andrúmslofti
á Kríuvörðu rúmlega tvöfaldaðist
á milli ára og var umfram þau við­
miðunarmörk sem skilgreind eru í
starfsleyfi Norðuráls. Styrkurinn er
innan skilgreindra heilsuverndar­
marka.
Á Gröf II og Hálsnesi var meðal­
styrkur loftkennds flúors og
heildarflúors í samræmi við mæl­
ingar fyrri ára og langt innan við­
miðunarmarka, auk þess sem aðr­
ar loftgæðamælingar í andrúms­
lofti uppfylla öll viðmiðunarmörk í
reglugerðum.
Styrkur flúors á Kríuvörðu mæld­
ist hæstur í júni, júlí, ágúst og sept­
ember en í þessum mánuðum ríktu
þó nokkra daga suðvestanáttir í
óvenjulega marga daga sem höfðu
mikil áhrif á niðurstöðurnar á Kríu­
vörðu. Styrkurinn mældist hæstur
30. ágúst í suðvestan stinningsgolu.
Til að bregðast við háum mæl­
ingum við Kríuvörðu var settur
upp auka mæli­
búnaður á Kríu­
vörðu til sam­
anburðar, til að
tryggja áreiðan­
leika eldri bún­
aðar. Niðurstöð­
ur úr þeim mæl­
ingum eru vænt­
anlegar. Norðurál
óskaði jafnframt
eftir að tekin yrðu
auka barrsýni og
vatnssýni þegar
fyrstu niðurstöður
lágu fyrir. Niður­
stöður úr þeim sýnum voru allar
innan marka.
Hjá Norðuráli eru símælingar
í rjáfri og í háfum á styrk flúor­
íðs og mældist árleg losun flú­
ors árið 2021 svipuð og undan­
farin ár. Ekki er hægt að tengja
háar mælingar við Kríuvörðu
við truflanir eða frávik í rekstri.
Búið er að framkvæma saman­
burðarmælingar á losunarmæl­
um fyrirtækisins og reyndust þeir
áreiðanlegir. Niðurstöður los­
unarmælinga Norðuráls eru ekki
í samræmi við frávik í í mælingu
flúros á Kríuvörðu og eru allar
innan starfsleyfismarka.
Skýrslur um niðurstöður vökt­
unarinnar er að finna á vefsíðu
Umhverfisstofnunar, www.ust.is.
-fréttatilkynning
Miðvikudaginn 15. júní var kún­
um á Eiði í Grundarfirði hleypt
út í fyrsta sinn í sumar og var mik­
ill hamagangur í öskjunni. Kýrn­
ar slettu ærlega úr klaufunum og
hristu sig vel og innilega áður en
þær fóru að róast aðeins og smakka
á safaríku grænu grasinu sem nóg
er af.
tfk
Slett úr
klaufunum
Kynntu niðurstöður umhverfis-
vöktunar á Grundartanga
Hvalfjörður. Ljósm. Jón Helgason