Sjómannablaðið Víkingur - 01.02.2012, Page 36

36 – Sjómannablaðið Víkingur
túr og hringdi í forstjórann og vildi fá að
landa þessu og byrja nýjan túr. Það varð
úr að við reyndum lengur enda eigum
við ekki að selja fyrr en nítjánda.
Sett var á N stím fyrir hádegi og
stöðvað í Djúpkróknum til kl. 2100, þá
farinn að minnka ofsinn, og kastað.
Togað var austurúr Djúpkróknum og var
skaufi í. Þarna var einn annar togari.
Didda á afmæli í dag, held að hún
hafi orðið 19 ára eða 20, ekki viss. Ég
hringdi í hana í kvöld, allir höfðu það
gott þar.
Ég svaf í kojunni í nótt, hef annars
legið á bekknum í fötunum meðan er
svona bræla. Spáin er SV-kaldi seinni-
partinn á morgun.
11. nóvember, sunnudagur.
Fyrsta holið þegar ég vaknaði var góður
poki af þorski, annars hafa verið skaufar
í nótt og í dag. Afli virðist heldur
glæðast suðurfrá.
Við vorum 40 mílur N af Straumnesi
en nú erum við á stími vestur. Það hefur
húðrignt í nær allan dag og er SSV
stinningskaldi.
Mjög slæm skilyrði hafa verið á stutt-
bylgjunni undanfarið en voru góð í
kvöld. Tillaga kom fram um að fara á
425Kc/s en var felld vegna takmarkaðs
langdrægis bylgjunnar og líka vegna
hvað hún truflar mikið útvarpið.
Við Birgir TFBC2 prófuðum í morgun
8Mc/s QSO3 og var það ágætt en tæplega
nógu langt milli okkar til að dæma um
langdrægni. Okkur hefur virst að 8Mc/s
séu jafnbest til að skipta við TFA þegar
við erum í siglingum.
12. nóvember, mánudagur.
Það var lítið fiskirí í nótt en góður fisk-
ur. Við vorum í SV-hallanum þegar ég
vaknaði og höfum færst vestureftir í dag.
Heldur skánaði fiskiríið er leið á daginn.
Vindurinn hefur verið að snúa sér í
vestrið og var komið logn um ellefuleyt-
ið. Hann spáir NA allhvössum á morgun.
Ég finn það alltaf betur að ég er orð-
inn sjóhræddur. Ég var skjálfandi á
beinunum þegar híft var úr slæmri festu
í kvöld. Hallinn var ekki mikill á skipinu
en mér leið ekki vel. Ég fór uppá brúar-
þak á eftir og skorðaði geymana betur og
hlóð þá svo upp í 25V.
Ég er farinn að hugsa um í alvöru að
hætta þessu og setjast að í landi ef ég
kemst að í mínu starfi.
Ég heyrði aðeins í Diddu í kvöld, allt
var gott að frétta en hún sagðist þurfa að
tala við mig er í land kæmi ?
13. nóvember, þriðjudagur.
Ekkert fiskirí. Ég var á næturvakt í nótt
til kl. 04:00, þá tók togarinn Ágúst við.
Lognið hélst til kl. 03:35 en þá á
nokkrum sekúndum var kominn ANA
5-6 og blindbylur. Við kipptum svo í
morgun og köstuðum í minni sjó útaf
Deild, tókum þar þrjú hol, enginn fiskur.
Þá var lagt af stað norðurfyrir. Þar eru
Kaldbakur og Harðbakur í skaufafiskiríi.
Það er búið að vera frost í nokkra
daga en norðanáttina er heldur að lægja.
Við vorum við Horn um 20:30 og vor-
um ekki farnir að kasta á miðnætti.
Sennilega verðum við inni á morgun því
hvort sem við siglum eða ekki þá þurf-
um við að taka olíu og vistir.
Bræðslumaðurinn fer í siglingafrí og
er búinn að biðja mig að kaupa fyrir sig
tvö togaramódel.
14. nóvember, miðvikudagur.
Við vorum austanvið Skagagrunn í nótt
og framyfir hádegi en fengum lítið. Um
hádegi hringdi Sigurður í skipstjórann
og sagði að ekki væri um annað að ræða
en sigla með þetta.
Við komum svo á Siglufjörð og fórum
þaðan k. 19:20 eftir 3½ tíma stopp.
Bylgja litla var lengi að átta sig á að
þetta væri ég, svona skegglaus.
Við fengum um borð þrjá farþega,
Stínu, Kristrúnu og svo einhvern karl
sem ég held að sé hafnarstjórinn, hann
var slompfullur.
Ágætisveður var þegar við komum út
og góð spá. Talsvert var um fyllirí og
Óskar kom vel hífaður og talaði við ein-
hverja „elskuna sína“ í Reykjavík í 15
mínútur en orðin hafa verið innan við
100.
Ég lagði mig svo kl. 22:00 og vaknaði
ekki í tímann kl. 23:30 enda ekki
nauðsynlegt.
15. nóvember, fimmtudagur.
Við vorum við Langanes kl. 06:00. Það
var hæg NNA gola sem hélst svo í allan
dag.
Ég tók veðurspá frá Wick Radio kl.
07:48 á 432Kc/s, góð spá. Það er tals-
verður NA sjór og því aðeins veltingur.
Kaldbakur komst ekki að bryggju á
Akureyri fyrr en seint í gærkveldi og fór
ekki af stað út fyrr en 0235 í nótt og
missti þar af leiðandi af mánudags-
markaði en selur í Hull á þriðjudag.
Það var beðið um samtal við dömurn-
ar í dag gegnum TFY4 en það var aðeins
QSA5 1-2 og líka gegnum Hornafjörð en
þar var sama saga og varð að hætta við
allt. Það var í fyrsta skipti sem ég sá þær
um borð en þær hafa ekki farið úr koju
en eru þó ekki sjóveikar. Kiddi er einn
með þeim í klefa og strákarnir halda að
hann hafi nóg að gera.
Hafði QSO öðru hvoru við TFBC.
16. nóvember, föstudagur.
Þegar ég vaknaði í morgun kl 07:45
sáust Færeyjar ekki langt framundan á
stjórnborða.
Það hefur verið NNA gola í allan dag
og sjólaust, heiðskírt að mestu.
Ég heyrði ekki tímana kl. 08:00 eða
11:30 en hina sæmilega.
Útvarp Reykjavík heyrðist vel fram
yfir miðjan dag en var orðið gagnslaust
kl. 2000 í kvöld.
Kl. 21:45, er við áttum eftir innanvið
60 mílur í North Ronaldsey, kallaði Gull-
foss í mig á 500Kc/s. Þar var um borð
vinur minn Guðmundur Daníelsson sem
hefur verið um tíma OM6 með norskum.
Hann er hættur í bili, fór af í Newcastle,
þaðan til Hamborgar og skemmti sér í
rúma viku og svo með Gullfossi heim.
TFGA7 var fyrir nokkru kominn
norðurúr Pentli þegar hann kallaði.
Kl. 24:00 eigum við eftir ca. 30 mílur
í North Ronaldsey. Það er QRU8 hjá
TFA9, sem sagt allt í fínu lagi.
Skýringar:
1 QRM - Truflanir frá öðrum stöðvum
2 TFBC - Kaldbakur
3 QSO - radíósamband
4 TFY - Seyðisfjörður radío
5 QSA - styrkur radíómerkisins
6 OM - loftskeytamaður
7 TFGA - Gullfoss
8 QRU - ekkert skeyti eða símtal
9 TFA - Reykjavík radíó
Hvaleyrarbraut 27 · 220 Hafnarfjörður
Sími: 564 3338 · Fax: 554 4220
GSM: 896 4964 ·898 2773
Kt.: 621297-2529