Norræn tíðindi - 01.05.1964, Blaðsíða 1
0ó~0
JGr
NORRÆN TÍÐINDI
FRÉTTABRÉF NORRÆNA FÉLAGSINS ■ MAl 1964
RITSTJÓRI OG ÁBYRGÐARMAÐUR: MAGNÚS GlSLASON • PÓSTHÓLF 912 • REYKJAVÍK
Fylgt úr hlaði
Á síðasta sambandsþingi Norræna
félagsins, sem haldið var í Reykja-
vík 30. mai 1963, var ákveðið að
gera þá breytingu á útgáfu félags-
ritsins, að félögunum verði í fram-
tíðinni send tvö fréttabréf á ári og
kæmi annað bréfið út að vorinu, en
hitt að haustinu.
Auk þess væri eitt vandað hefti af
Norrænum tiðindum gefið út í árs-
lok, og væri lesmál þess heftis að
nokkru leyti á öðrum Norðurlanda-
málum en íslenzku. Þar væru birtar
yfirlitsgreinar um íslenzk málefni,
m. a. um hvað gerzt hefur á sviði
bók mennta og lista á liðnu ári.
Þarflegt væri að fá gefið út slíkt
tímarit um íslenzk málefni til land-
kynningar meðal norrænu frænd-
þjóðanna. Félagsmönnum Norræna
félagsins væru þannig skapaðir
möguleikar til að senda vinum og
kunningjafólki á Norðurlöndum ár-
lega vandað myndskreytt rit með
greinum og fréttum frá Islandi á öll-
um Norðurlandamálunum.
Fréttabréfum Norræna félagsins
er hins vegar ætlað það hlutverk að
flytja félagsmönnum fréttir og upp-
lýsingar um ýmis málefni, sem efst
eru á baugi í félagsstarfinu hverju
sinni.
Kennaraboð
Nýlega barst félaginu boð frá
Norræna félaginu í Danmörku, þar
sem 25 Islenzkum kennurum er boðin
mánaðardvöl í Danmörku í sumar,
væntanlega i júlímánuði. Ráðgert er
að þeir dveljist mestan hluta dvalar-
tímans á Askov lýðháskóla, en einnig
verður skipulögð nokkurra daga
dvöl í Kaupmannahöfn. — Þetta er
liður í hinum gagnkvæmu kennara-
heimboðum, sem átt hafa sér stað
milli Dana og Islendinga nú um 10
ára skeið.
Vina bœjaferö
Ákveðið hefur verið að efna til
vinabæjaferðar til Norðurlanda í
sumar á vegum Norræna félagsins
eins og tilkynnt hefur verið í blöð-
um og útvarpi.
Farið verður flugleiðis til Kaup-
mannahafnar 20. júní n.k. og dvalið
þar í einn eða tvo daga, en síðan
fara fulltrúarnir hver til síns vina-
bæjar í Danmörku, Noregi, Svíþjóð
og Finnlandi og dvelja þar tvo til
þrjá daga í hverjum vinabæ. Þar
verða þeir gestir viðkomandi vina-
bæjar, en hugmyndin er að allir þátt-
takendurnir verði komnir til Helsing-
fors 5. júlí og taki þar m.a. þátt í
ráðstefnu Norrænu félaganna dag-
ana 6., 7. og 8. júlí, en farið verður
flugleiðis frá Helsingfors beint til
Reykjavíkur síðari hluta dags mánu-
daginn 8. júlí.
Ferðin verður mjög ódýr. Flug-
far til Kaupmannahafnar og heim
aftur frá Helsingfors, dvalarkostnað-
ur í Kaupmannahöfn og Helsingfors
og ferðakostnaður erlendis verður ca.
11.000,00 kr. Þessi 18 daga Norður-
landaferð verður þannig mjög ódýr,
m.a. vegna þess að þátttakendurnir
verða gestir vinabæjanna.
Áríðandi er, að þeir félagsmenn,
sem óska eftir þátttöku í þessari
ferð, útfylli umsóknareyðublaðið á
fjórðu síðu fréttablaðsins og sendi
það sem allra fyrst og eigi síðar en
10. júní n.k. til formanns hlutaðeig-
andi félagsdeildar, — i Reykjavík
til framkvæmdastjóra félagsins (Box
912), og gæti þess, að dagsetja inn-
sóknina, þar sem liklegt er, að þeir
sem fyrst sækja muni ganga fyrir
þátttöku. —• Þeim, sem ekki eru fé-
lagsmenn í Norræna félaginu, en
vilja taka þátt í ferðinni, er heimilt
að sækja um þátttöku, ef þeir gerast
félagsmenn.
Megintilgangur ferðarinnar er að
L/.' ' KASAFN
25384?
ÍSLANDS
efna til gagnkvæmra persónulegra
kynna bæði milli einstaklinga og
vinabæja, en líklegt má telja að
minningar úr slíkri kynnisför geti
orðið þátttakendum til ánægju og
starfsemi félagsdeildanna til örvun-
ar.
Fararstjórar verða Hjálmar Ólafs-
son, bæjarstjóri, og Jónas Eysteins-
son, kennari.
Á undanförnum árum hafa milli
tíu og tuttugu bæir og byggðarlög
hér á landi stofnað til vinabæja-
tengsla við bæi á Norðurlöndum.
Félagsdeildir N. F. eru nú 27 að tölu,
svo tæplega helmingur deildanna
hefur ennþá ekki stofnað til slíkra
tengsla. Unnið er nú að því að fjölga
vinabæjatengslum og æskilegt er
að sem flestir þeir bæir, þar sem
félagsdeild er starfandi, hafi tengzt
vinabæjum á Norðurlöndum áður en
þessi ferð er farin. En félagsmenn
frá bæjum, sem ekki hafa formlega
samþykkt vinabæjatengsl, er einnig
heimilt að gerast þátttakendur og
munu þeir þá væntanlega verða gest-
ir í þeim bæjum, sem ráðgert er, að
verði þeirra vinabæir, eða að öðrum
kosti verða þeir í hópi þátttakanda
frá höfuðborginni.
Vinabæjastarfsemin er víða orðin
vinsæll liður í norrænu samstarfi.
þessi þáttur norrænnar samvinnu er
tiltölulega nýr. Hann hófst fyrst fyr-
ir alvöru að lokinni síðustu heims-
styrjöld, en starfsemi þessi hefur
þegar orðið mörgum til gleði og
gagns. Efnt hefur verið til gagn-
kvæmra heimsókna og margs konar
samskipti hafa átt sér stað milli vina-
bæjanna í nágrannalöndunum. Mörg
mót eru haldin árlega í einhverju
landanna til gagnkvæmra persónu-
legra kynna og aukins sklinings á
högum frændþjóðanna.