Andvari - 01.01.2018, Blaðsíða 16

ANDVARI ÁRMANN SNÆVARR 15
Árið 1933 hóf Ármann nám í Menntaskólanum á Akureyri. Þegar hann átti
tvö ár eftir nyrðra höfðu armar kreppunnar rústað samfélagið svo að enga
vinnu var að fá. Dag eftir dag og viku eftir viku fór Ármann á fætur og stóð
klukkutímum saman í biðröð eftir uppskipunarvinnu, en án árangurs. Þar sem
hann beið kaldur og útskúfaður dagaði á hann, að hann yrði aldrei stúdent eins
og bræður hans. Hann yrði að sætta sig við stöðu sína og vonbrigðin. Hann
ákvað að menntast hið innra þótt hann fengi ekki húfu og hákólamenntun.
Hann settist niður með skruddurnar í verkleysinu og lærði eins og hann ætti
líf að leysa. Ármann fékk óvænt að taka utanskólapróf. Hann glansaði ekki
aðeins heldur fékk líka að vera á heimavist upp á krít síðasta veturinn í MA.
Á þessum æskudögum lærði Ármann að láta aldrei einangraðan vanda stöðva
sig. Vandi er verkefni til lausnar. Þetta er eina rétta kreppuviðbragðið. Í lífi
Ármanns var ljóst að markmið voru mikilvægari en hindranir. Ármann varð
afar stefnufastur. Og mikilvægur þáttur í habitus hans varð áræðni og andlegt
þrek [...]. Nám reyndist Ármanni sem leikur. Móðurbróðir minn deildi heima-
vistarherbergi með honum síðasta ár í skóla fyrir norðan. Hann var sjálfur
mikill námsmaður en sagði mér, að Ármann hefði verið öllum fremri hvað
varðar vinnuskipulag og öguð vinnubrögð. Á undan öllum var hann kominn á
fætur og hafði unnið gott dagsverk, þegar aðrir vöknuðu. Ármann var árrisull
og borinn til stórvirkja. Hann varð dúx á stúdentsprófi og hæstur í landinu.
Ármann hélt alltaf tryggð við Menntaskólann á Akureyri og naut þess
ævinlega að koma til Akureyrar í stuttar heimsóknir. Í maímánuði 1947
var Ármann staddur í Reykjavík, þótt enn stundaði hann framhalds-
nám erlendis, en hugðist bregða sér til Akureyrar. 6 Þar hitti hann þá
á götu gamlan vin sinn og sveitunga, Bjarna Vilhjálmsson, síðar þjóð-
skjalavörð. Kom í ljós í tali þeirra, að Bjarni hafði pantað sér flugfar
til Akureyrar næsta dag, en Ármann vildi endilega að þeir yrðu heldur
samferða í rútu þann dag og brugðu þeir á það ráð. Svo fóru leikar, að
vélin, sem átti að fara til Akureyrar þennan dag, fórst í Héðinsfirði og
með henni 25 manns, eða allir sem voru í vélinni. Er það mesta flug-
slys, sem orðið hefur á Íslandi.
Ármann lauk stúdentsprófi frá Menntaskólanum á Akureyri vorið
1938 með afar góðum árangri eins og fyrr segir. Þá um haustið settist
hann síðan í Lagadeild Háskóla Íslands – eða Laga- og hagfræðideild
eins og hún nefndist þá. Embættisprófi í lögfræði þaðan lauk hann
með mjög góðum vitnisburði vorið 1944. Hann sagði sjálfur í gamni,
að hann væri „síðasti konunglegi lögfræðingurinn á Íslandi“ því að
landið var enn undir konungsstjórn þegar hann og félagar hans út-
skrifuðust. Ármanni fórust svo orð fimmtíu árum síðar: