Andvari - 01.01.2018, Blaðsíða 49

48 PÁLL SIGURÐSSON ANDVARI
Árið 2010, að Ármanni látnum, efndi hin nýja rannsóknastofnun,
sem tengd er nafni hans, til útgáfu mikils rits (505 bls.), sem ber heitið
Heiðursrit – Ármann Snævarr 1919-2010. Hefur það meðal annars að
geyma, auk margvíslegra kveðjuorða, á þriðja tug fræðilegra ritgerða á
þeim sviðum, sem stofnunin hefur helgað sér. Mun þetta grundvallar-
rit vissulega stuðla að því, ásamt öðrum starfsþáttum stofnunarinnar
sjálfrar, að halda uppi minningu Ármanns með verðugum hætti.
Efstu ár og ævilok
Ármann Snævarr andaðist 15. febrúar 2010, níræður að aldri, en frú
Valborg hvarf af þessum heimi 25. nóvember 2012. Hafði sannarlega
munað mikið um þau hjónin bæði, hvort í sínu lagi, á þeim starfsvett-
vangi, er þau kusu sér, en margt var einnig unnið með sameiginlegu
átaki þeirra.
Undir ævilok voru þau orðin heilsulítil en fengu góða heimilisað-
stoð. Ármann var orðinn mjög sjóndapur en Valborg átti það til að
detta heima hjá sér og slasa sig. Ármann andaðist á Landspítalanum í
Reykjavík en Valborg á elliheimilinu Grund. Þau höfðu um langt skeið
búið að Aragötu 8 í Reykjavík, í rúmgóðu húsi, sem orðið var of stórt
fyrir þau, og brugðu þau á það ráð 2007 að flytja í hentuga og vandaða
íbúð í fjölbýlishúsi að Þorragötu 7. Þar áttu þau góða vist síðustu ævi-
árin þegar þrek og heilsa fóru þverrandi. Þau hjónin hvíla í kirkjugarð-
inum að Görðum á Álftanesi.
Þrátt fyrir háan aldur og sjóndepru hélt Ármann mjög lengi þeim
fasta hætti sínum að ganga sér til hressingar í grennd við heimili sitt,
ekki síst hið næsta Háskólanum, þaðan sem hann átti margar góðar
minningar. Hitti hann þá gjarnan ýmsa mæta menn, er hann tók tali,
hvort sem voru starfsmenn Háskólans eða nemendur í þeirri stofnun,
sem hann unni svo mjög. Gekk margur fróðari af þeim fundum.
Lokaorð
Ármann Snævarr var um margt óvenjulegur maður, gegnheill að allri
gerð en átti sér afar fjölbreytt kunnáttu- og áhugamál. Hann beinlín-