Fréttablaðið - 01.10.2022, Page 2

Nú tekur við eftirfylgni
og eftirlit hjá Árna sem
varð þrítugur á meðan
hann barðist fyrir lífi
sínu.
Siggi Stormur
Elínborg Harpa var
handtekin í Gleðigöng-
unni árið 2019.
Borinn í viði af Ströndum
Börn, ættingjar og vinir Hrafns Jökulssonar, blaðamanns og rithöfundar, báru kistu hans, en fjölmenn útför hans fór fram í Hallgrímskirkju í gærdag. Kistan
var smíðuð úr rekaviði frá Ströndum, en seinustu árin vann Hrafn mikið hreinsunarstarf í Kolgrafarvík og barðist af elju fyrir strandhreinsun. Hrafn var einnig
þekktur sem skákfrömuður og vann til að mynda mikið góðgerðarstarf á Grænlandi tengt skákíþróttinni. FRÉTTABLAÐIÐ/SIGTRYGGUR ARI.
vísindavaka
rannís 2022
ka
í 2i davaka
í dag!
öll
velkomin!
Laugardalshöll
laugardagur 1. október
kl. 13.00 - 18.00
2022
Árni Þórður, sonur Sigga
Storms, er útskrifaður eftir
tíu mánaða dvöl á Landspítal-
anum. Hann barðist fyrir lífi
sínu eftir alvarlega líffæra-
bilun. Þeir feðgar gengu út
af spítalanum í gær glaðir
í bragði og þakklátir fyrir
góðar kveðjur.
benediktboas@frettabladid.is
SAMFÉLAG „Nú er drengurinn að
útskrifast eftir tæplega tíu mánaða
dvöl á Landspítalanum, sem eru
vissulega stórkostleg kaflaskil og er
dásamlegt,“ segir Sigurður Þ. Ragn-
arsson, betur þekktur sem Siggi
Stormur, en sonur hans, Árni Þórður,
fékk læknabréf á fimmtudag þar sem
hann var útskrifaður.
Nú tekur við eftirfylgni og eftirlit
hjá Árna sem varð þrítugur á meðan
hann barðist fyrir lífi sínu. Árni varð
fyrir alvarlegri líffærabilun 19. des-
ember síðastliðinn og var vart hugað
líf á tímabili. Þjóðin hefur fylgst vel
með baráttu fjölskyldunnar en Sig-
urður hefur leyft þjóðinni að fylgjast
með á Facebook-síðu sinni.
Árni mun þurfa á næstunni að
hitta meltingarsérfræðinga, fara í
blóðprufur, í sneiðmyndatökur og
vera í ströngu eftirliti. „Fyrir okkur
foreldrana og fjölskylduna er þetta
hálfgert kraftaverk. Það er eiginlega
ekkert hægt að lýsa því öðruvísi.
Hann var svo svakalega veikur og
það leist ekki öllum á blikuna á tíma-
bili,“ segir Sigurður og tekur sér smá
hlé.
„Ég ákvað að tjá mig á Facebook.
Það var mín aðferð til að komast í
gegnum þetta. Sumir gagnrýna það
eflaust að opna sig svona, en ég bara
trúi á gott fólk og það stóðst. Það var
dásamleg og ólýsanleg tilfinning
hvað svona góðar kveðjur geta stutt
mann þegar öll sund virðast lokuð.
Ég get aldrei þakkað þeim sem með
einum eða öðrum hætti sýndu styrk
og góðan hug. Þegar svona kemur
upp þá er maður svo aleinn í eyði-
mörkinni, maður er alveg hjálpar-
laus því maður kann auðvitað ekkert
í læknisfræðum. Getur ekkert gert
og þarf að treysta á Guð og lukkuna,
góða lækna og hjúkrunarfólk.
En ég fann að ég var ekki einn. Það
voru svo margir sem sendu hlýja
strauma og ég fann það standandi
einn í myrkrinu. Það voru margir
sem hringdu, sendu mér skilaboð
og gáfu mér góð ráð og sendu góðar
hugsanir. Nokkuð sem ég varð mjög
meyr yfir.“
Hann segir það hafa verið erfitt að
horfa upp á son sinn berjast fyrir lífi
sínu. „Þetta var hryllingur. Þetta stóð
yfir svo lengi og hann varð svo veikur
svo lengi.“
Árni hafði nýverið klárað Tollskól-
ann og var búinn með íþróttafræð-
ina frá Laugarvatni. Hann var því
hinn hraustasti og erfitt að útskýra
hvað það var sem gerðist.
„Nú tekur við þetta eftirlit sér-
fræðinga á göngudeild meltingar-
sjúkdóma. Svo verður endurhæfing,
en hann kann ýmislegt fyrir sér í
að styrkja og efla. Þannig vill hann
byrja, en endurhæfing þarf að ná yfir
huga og hönd. Hann spyr sig eðlilega
af hverju ég?“
Siggi getur vart lýst því hvað
hann er glaður að ganga út í lífið á
ný með Árna sér við hlið. „Ég verð
að koma ítrustu þökkum til þeirra
sem hjálpuðu okkur í gegnum þetta.
Við stöndum í mikilli og ævarandi
þakkarskuld, hvort sem það eru
heilbrigðisstarfsmenn eða fólkið í
landinu. Takk.“ n
Kraftaverkasonur Sigga
Storms loks útskrifaður
Árni varð þrítugur á meðan hann barðist fyrir lífi sínu. Hjúkrunarfólk og
læknar sungu afmælissönginn fyrir hann við rúmið. FRÉTTABLAÐIÐ/ANTON BRINK
benediktboas@frettabladid.is
SAMFÉLAG Stjórn samtakanna ‘78
fagnar farsælum málalyktum sem
tengdust handtöku á hinsegin ein-
staklingi á Hinsegin dögum 2019, og
aðkomu Samtakanna að því máli.
Stjórnin bókaði þetta á síðasta
stjórnarfundi sínum.
Elínborg Harpa var handtekin í
Gleðigöngunni árið 2019, en stjórn
Hinsegin daga sendi frá sér afsökun-
arbeiðni um miðjan ágúst þar sem
hún harmaði að hafa nafngreint
Elínborgu við lögreglu og fyrir sein
viðbrögð. n
Fagna farsælum
málalyktum
Elínborg Harpa var handtekin í
Gleðigöngunni árið 2019.
FRÉTTABLAÐIÐ/ANTON BRINK
ragnarjon@frettablaðið.is
MENNINGARMÁL Menningarsetrið
Hannesarholt verður opnað á ný
eftir að hafa verið lokað í rúmt ár,
vegna þeirra takmarkana sem settar
voru á tímum faraldursins.
Matreiðslumaðurinn Friðrik V.
Hraunfjörð hefur veitingarekstur
í húsinu. Boðið verður upp á fisk-
og grænkerarétti í hádeginu og á
kvöldin verður í boði almenn veislu-
þjónusta og matartengdir menn-
ingarviðburðir.
Það er rausnarlegur stuðningur
Anna-Maria & Stephen Kellen góð-
gerðarsjóðsins í New York, sem
hefur gert Hannesarholti kleift að
halda rekstri hússins áfram.
„Við erum sjóðnum og stjórnar-
formanni hans, Caroline Kellen,
ævarandi þakklát, en Caroline er
góðvinur Hannesarholts og sýnir
nú í verki áhuga og skilning á hug-
sjónastarfi Hannesarholts,“ segir
Ragnheiður Jóna Jónsdóttir, einn af
stofnendum Hannesarholts.
Forsvarsmenn segjast þakk-
látir að löngum óvissutíma sé
lokið. Myndlistarsýning Þórunnar
Elísabetar, Himneskt er að lifa,
prýðir veggina og verður öllum opin
þriðjudaga til laugardaga. n
Hannesarholt opnar dyr sínar á ný
Ragnheiður Jóna Jónsdóttir, stofn-
andi Hannesarholts ásamt Friðrik
V. Hraunfjörð, matreiðslumanni og
Arnheiði Völu rekstrarstjóra.
2 Fréttir 1. október 2022 LAUGARDAGURFRÉTTABLAÐIÐ