Fréttablaðið - 01.10.2022, Side 65

Átt þú heima í stjórn stærsta
veitufyrirtækis landsins?
Veitur eru eitt af dótturfélögum OR og hefur það hlutverk að þróa og byggja upp
veitukerfi sem er grundvöllur lífsgæða, og tryggja að viðskiptavinir hafi aðgengi að
hitaveitu, rafveitu, vatnsveitu og fráveitu. Veitusvæðið er að mestu á höfuðborgar-
svæðinu, en einnig á Suður- og Vesturlandi. Lagnir og strengir eru alls 9.000 km
að lengd, sem samsvarar vegalengdinni frá Reykjavík til Shanghai. Veitur þjónusta
ríflega 70% landsmanna á einn eða annan hátt. Starfsemin er því fjölbreytt og
samfélagslega mikilvæg.
Stjórn Veitna er skipuð fimm einstaklingum og leitast er við að hafa gott samval þekkingar
innan hennar ásamt jöfnum kynjahlutföllum. Tvær konur og tveir karlar hafa verið skipuð í
stjórn og nú leitum við að manneskju með góða þekkingu og haldbæra reynslu af stjórnun
fyrirtækja. Þetta er tækifæri fyrir þau sem brenna fyrir ábyrgri nýtingu náttúruauðlinda til
hagsbóta fyrir samfélagið.
Störf stjórna innan samstæðu Orkuveitu Reykjavíkur byggja á hugarfari sem einkennist
af gagnrýnum spurningum og umræðu, lausnamiðaðri nálgun og færni til þess að hafa
góða yfirsýn yfir hagsmuni og velferð fyrirtækisins og Orkuveitu Reykjavíkur í heild.
Hafirðu áhuga og teljir þig eiga samleið með Veitum er hægt að gefa kost á sér
með því að fara á veitur.is undir Störf í boði.
Nánari upplýsingar veitir Guðrún Erla Jónsdóttir, formaður stjórnar Veitna
– gudrun.erla.jonsdottir@or.is
Orkuveita Reykjavíkur leitar að öflugri manneskju
til stjórnarsetu í Veitum