Fréttablaðið - 01.10.2022, Qupperneq 86

Áttin er sameiginleg vefgátt
átta starfsmenntasjóða sem
gerir fyrirtækjum auðveld-
ara að sækja um styrk vegna
starfsmenntunar starfsfólks
til eins, tveggja eða fleiri
sjóða í einu.
„Árlega greiða starfsmennta­
sjóðir hundruð milljóna til
einstaklinga og fyrirtækja vegna
starfsmenntunar. Um er að ræða
endurgreiðslustyrki og getur
fjárhæð styrks numið allt að 90%
af reikningi. Enga betri ávöxtun er
að finna á nokkru fé ef tekið er mið
af meðalgreiðslu starfsmennta­
iðgjalds á ársgrundvelli og mögu­
legum styrkfjárhæðum,“ segir
Lísbet Einarsdóttir, framkvæmda­
stjóri Starfsafls fræðslusjóðs.
Átta starfsmenntasjóðir hafa
tekið höndum saman og reka
sameiginlega vefgátt, Áttina. „Þar
geta fyrirtæki lagt inn umsókn á
einum stað til allra þessara sjóða.
Hlutverk, markmið og uppbygg­
ing er breytileg á milli sjóða en
rauði þráðurinn er að efla starfs­
menntun, að byggja undir starfs­
fólk og fyrirtæki með réttri hæfni
og þekkingu,“ segir Lísbet.
Sjóðir fyrirtækja á
almennum vinnumarkaði
Tekjur sjóðanna eru að sögn
Lísbetar samningsbundin gjöld
atvinnurekenda, starfsmennta­
iðgjald, eins og um semst á
hverjum tíma. „Það greiða því allir
þetta gjald svo því sé haldið til
haga, það er ekki valkvætt. Fyrir­
tæki á almennum vinnumarkaði
getur sótt um í sjóðina svo lengi
sem starfsfólk fyrirtækisins er í
þeim félögum sem standa að baki
sjóðunum. Í því felst þá að stofn­
anir á vegum hins opinbera geta
ekki sótt í sjóðina né einkareknir
leikskólar, svo dæmi séu tekin.
Réttur fyrirtækis til að sækja um
styrk myndast sjálfkrafa um leið
og launatengd gjöld starfsmanns
eru greidd. Í því felst að ekki þarf
að sækja um aðild eða neitt slíkt
heldur gerist þetta allt sjálfkrafa.
Það er hins vegar skilyrði að
fyrirtækið standi í skilum með
iðgjaldagreiðslur og þá er horft til
síðustu 12 mánaða.“
Svara kallinu um einföldun
Stéttarfélögin eru fjölmörg
um allt land og sjóðirnir þar af
leiðandi margir. Að sögn Lísbetar
má ætla að sjóðirnir nái til um
110­120 þúsund starfsmanna á
almenna vinnumarkaðinum eða
um 75­80% starfsmanna á þeim
vinnumarkaði. Þá eru vinnustaðir
alla jafna fjölbreyttir og mörg
stéttarfélög geta tengst hverjum
og einum.
„Það var þannig hér áður fyrr, að
ef fyrirtæki greiddi fyrir námskeið
fyrir hóp af starfsfólki og ætlaði að
sækja um styrk, þá þurfti að senda
umsókn á marga staði ef starfs­
hópurinn var stéttarfélagslega
mjög fjölbreyttur. Þær raddir urðu
því sífellt háværari þar sem kallað
var eftir því að þetta kerfi væri
einfaldað og rætt um mikilvægi
þess að það væru bara „einar dyr“
að öllum þessum sjóðum.
Árið 2015 varð það að veruleika
og Áttin var sett á laggirnar og
það gjörbreytti landslaginu. Nú er
hægt að nálgast átta sjóði á einum
stað. Fyrsta skrefið er þó alltaf
að finna út í hvaða stéttarfélag er
greitt starfsmenntaiðgjald vegna
þess starfsfólks sem um ræðir.“ Á
vef Áttarinnar, attin.is, má finna
gott yfirlitsblað yfir starfsmennta­
sjóði og tengd stéttarfélög.
„Það er aðeins breytilegt á milli
sjóða hvernig fræðsla er styrk­
hæf en almennt er það fræðsla
sem myndi teljast starfstengd
eða starfsmenntun og ég ráðlegg
öllum að kynna sér það hjá þeim
sjóðum sem við á hverju sinni,“
segir Lísbet.
Fræðslustjóri að láni
Það er ekki hægt að tala um starf­
menntasjóðina án þess að tala
um Fræðslustjóri að láni, sem
er samstarfsverkefni sjóðanna.
„Verkefnið byggist á að lána út
mannauðsráðgjafa, sérhæfðan í
vinnustaðafræðslu og óformlegri
menntun, til fyrirtækja í tiltekinn
tíma. Ráðgjafinn fer yfir fræðslu­
og þjálfunarmál fyrirtækisins
og gerir greiningu á þörfum þess
í samvinnu við stjórnendur og
starfsfólk. Út frá greiningunni er
unnin fræðslu­ og símenntunar­
áætlun sem leggur grunn að
mark vissri fræðslu starfsmanna.
Enginn útlagður kostnaður er
vegna fræðslustjórans umfram
þann kostnað sem fellur til vegna
þátttöku starfsfólks í verkefninu.
Að því sögðu er mikilvægt að
fræðslusjóðir í atvinnulífinu starfi
saman og það hafa þeir sannarlega
gert í fjölmörgum verkefnum. Það
fer þá eftir félagsaðild starfsmanna
hvaða sjóðir koma að hverju sinni.
Slíkt samstarf er mikilvægt og
undirstaða þess að verkefnin geti
skilað sínu.“
Að síðustu
„Ánægjulegast er þegar fyrirtæki
átta sig á umhverfinu og hve ein­
falt þetta er, þá halda þessi sömu
fyrirtæki áfram, leggja jafnvel
enn meira í fræðslu sinna starfs­
manna, vitandi að starfsmennta­
sjóðirnir eru þeirra bakhjarl. Þá er
tilganginum náð,“ segir Lísbet að
lokum. n
Áttin og fyrirtækin Lísbet Einars-
dóttir, fram-
kvæmdastjóri
Starfsafls
fræðslusjóðs,
segir það mikil-
vægt að byggja
undir starfsfólk
og fyrirtæki
með réttri
hæfni
og þekkingu.
Fréttablaðið/
Ernir
Sjóðir sem standa að
baki Áttinni:
n Starfsmenntasjóður
verslunarinnar (SV)
n Starfsmenntasjóður versl-
unar- og skrifstofufólks
(SVS)
n Starfsafl
n Landsmennt
n IÐAN fræðslusetur
n Menntunarsjóður Sam-
bands stjórnendafélaga
n Rafmennt
n Sjómennt
Er fyrirtækið þitt búið að sækja um styrk á Áttinni vegna fræðslu?
Nánari upplýsingar er að finna á attin.is
HAFNARVERNDARNÁM
SKEIÐLYFTARANÁMSKEIÐ
BÓKLEGT VINNUVÉLANÁMSKEIÐ
LÍKAMSTJÓN
RAKI OG
MYGLA Í HÚSUM
26 kynningarblað 1. október 2022 LAUGARDAGURMannauður