Fréttablaðið - 01.10.2022, Síða 88

Fyrirtæki og stofn-
anir á almennum
vinnumarkaði sem vilja
leggja sitt af mörkum
með samfélagslegri
ábyrgð og stuðla að
fjölbreytileika í starfs-
mannahópnum.
Anna Monika Arnórsdóttir
Vinnumálastofnun býður
upp á þjónustu fyrir fyrir-
tæki og stofnanir sem vilja
ráða öryrkja og atvinnuleit-
endur með skerta starfsgetu.
Þjónustan er margþætt og
fer eftir þörfum atvinnu-
rekenda sem og atvinnuleit-
enda, sem óska eftir störfum
á almennum vinnumarkaði.
„Við þjónustum breiðan hóp
atvinnuleitenda með mismikla
vinnufærni, reynslu og menntun,“
segja ráðgjafarnir Anna Monika
Arnórsdóttir, Björn Finnbogason
og Valdimar Halldórsson.
Hvaða atvinnurekendur geta
nýtt sér þjónustuna?
„Fyrirtæki og stofnanir á
almennum vinnumarkaði sem
vilja leggja sitt af mörkum með
samfélagslegri ábyrgð og stuðla
að fjölbreytileika í starfsmanna-
hópnum,“ segir Anna Monika og
bætir við að þjónustan hafi notið
mikillar velgengni um árabil og
að myndast hafi árangursrík
samskipti við ótal fyrirtæki, ríkis-
stofnanir og sveitarfélög. Enda sé
ávinningurinn mikill og að allir
aðilar hagnist – fjárhagslega, fag-
lega og félagslega.
Hvers konar ráðgjöf og stuðn-
ingur er í boði?
„Ráðgjafar aðstoða atvinnu-
rekendur við að finna einstakling
í tiltekið starf út frá óskum beggja
aðila,“ segir Björn. „Við veitum
atvinnurekanda og starfsmanni
ráðgjöf og stuðning eftir aðstæð-
um og þörfum og getum einnig
aðstoðað við að kortleggja störf
og verkefni sem koma til greina,“
bætir hann við. „Við leggjum
einnig mikið upp úr því að veita
einstaklingsmiðaða þjónustu og
að hafa ferlið einfalt og þægilegt í
sniðum,“ segir Valdimar.
Þau taka fram að vinnusamn-
ingur öryrkja sé í boði ef atvinnu-
leitandinn uppfylli ákveðin
skilyrði. „Vinnusamningurinn
er endurgreiðslusamningur við
atvinnurekendur sem ráða fólk
með skerta starfsgetu. Samningur-
inn felur í sér 75% endurgreiðslu
launa og launatengdra gjalda í allt
að tvö ár. Endurgreiðslan lækkar
síðan um 10% á ári eftir það uns
25% endurgreiðslu er náð,“ segir
Anna Monika.
Ávinningur atvinnurekenda
Hvaða atvinnuleitendur eiga rétt á
ráðgjöf og stuðningi?
„Það eru öryrkjar og einstakl-
ingar sem búa við skerta starfsgetu
og/eða skilgreinda fötlun og þurfa
aðstoð við að fá vinnu á almennum
vinnumarkaði. Flestir atvinnu-
leitendur óska eftir hlutastörfum
eða tímabundinni ráðningu,“ segir
Valdimar.
„Þeir sem eiga rétt á að nýta
vinnusamning öryrkja eru meðal
annars atvinnuleitendur sem hafa
fengið starf á almennum vinnu-
markaði, hafa gilt örorkumat eða
eru á endurhæfingarlífeyri,“ bætir
Björn við.
Hver er ávinningur atvinnurek-
enda?
Að sögn Önnu Moniku er ávinn-
ingur atvinnurekenda mikill.
„Atvinnurekendur fá áhugasama
starfsmenn sem vilja vera virkir á
vinnumarkaði. Þeir sýna jafn-
framt samfélagslega ábyrgð, sem
hefur jákvæð áhrif á ímynd fyrir-
tækisins eða stofnunarinnar með
því að mæta mismunandi þörfum
atvinnuleitenda og stuðla þannig
að réttlátara og betra samfélagi.“
Hvað er skemmtilegast við
starfið?
Þau eru sammála um að starfið
sé bæði fjölbreytt og lifandi – „við
erum í rauninni millistykkið á
milli atvinnuleitenda og atvinnu-
rekenda og erum því í miklum
samskiptum við mjög fjölbreyttan
hóp af fólki í okkar starfi,“ segir
Björn. „Það er ótrúlega gaman
og gefandi að aðstoða atvinnu-
leitandann við að kortleggja hvar
áhuginn, færnin og styrkleikarnir
liggja og að fylgja viðkomandi í
starf þegar vel gengur er auðvitað
það skemmtilegasta,“ segir Valdi-
mar.
Hver eru næstu skref fyrir fyrir-
tæki og stofnanir sem vilja ráða
atvinnuleitanda með skerta starfs-
getu?
„Vinnumálastofnun vill skapa
fjölbreytt starfstækifæri fyrir
atvinnuleitendur með skerta
starfsgetu og leitar sífellt eftir
samstarfi við ný fyrirtæki og
stofnanir sem eru hvött til þess
að senda fyrirspurn á ams@vmst.
is, þá hafa ráðgjafar samband og
veita nánari upplýsingar.“ Anna
Monika hvetur þá sem hafa áhuga
á starfseminni einnig til að afla
sér nánari upplýsinga inni á
vinnumalastofnun.is. n
Ráðgjöf og þjónusta vegna skertrar starfsgetu
Björn Finnbogason, Anna Monika Arnórsdóttir og Valdimar Halldórsson eru ráðgjafar hjá Vinnumálastofnun.
FRÉTTABLAÐIÐ/ERNIR
Opni háskólinn í HR starfar
náið með akademískum
deildum Háskólans í Reykja-
vík í því verkefni að þróa
og sérsníða blandað nám,
fræðslu og þjálfun fyrir fyrir-
tæki og stofnanir.
„Námskeiðum Opna háskólans
er með öðrum orðum ætlað að
auka hæfni fólks með blönduðum
námsaðferðum, gagnvirkri miðlun
og hnitmiðaðri nálgun á bæði
framandi og kunnugleg viðfangs-
efni úr starfsumhverfinu,“ segir
Kristinn Hjálmarsson, þróunar-
stjóri hjá Opna háskólanum í HR.
Blandaðar námsaðferðir
„Við teljum að sérsniðnu nám-
skeiðin okkar skeri sig úr meiri-
hluta annars námsframboðs
á netinu, þar sem þau byggja á
blönduðum námsaðferðum. Þau
eru sem sagt ekki bara gagnvirk
og stafræn heldur líka jafnframt
keyrð í staðarkennslu, verkefna-
vinnu og vinnustofum í húsnæði
Opna háskólans í HR. Þannig getur
fólk farið yfir námsefnið á sínum
hraða og hlustað, horft og æft sig
á stafrænu formi og mætt svo á
vinnustofur til að vinna frekar
með efnið. Þannig nýtist tíminn
á vinnustofunni betur,“ segir
Kristinn.
Hann kveður rannsóknir sýna
að flest starfsfólk vinnustaða vilji
helst læra störf og styrkja færni
sína með blönduðum námsað-
ferðum.
„Fæstir kjósa að læra eingöngu í
staðnámi eða eingöngu í fjarnámi,
með eða án leiðbeinanda. Það eru
skýrir kostir við blöndun aðferða
og Opni háskólinn í HR hefur
þróað kröftuga og sveigjanlega
þjónustu til að efla færni í námi og
vinnu,“ segir Kristinn.
Náið samstarf við atvinnulífið
Kristinn kveður nám við Opna
háskólann í HR svara ítrustu
kröfum íslenskra fyrirtækja um
nýjustu þekkingu starfsfólks
hverju sinni og að námskeiðin
séu þróuð í nánu samstarfi við
atvinnulífið.
„Opni háskólinn í HR er til
dæmis í virku samstarfi við öll
helstu fagfélög í ólíkum atvinnu-
greinum í þessu skyni. Með sam-
starfinu er stöðugt unnið að þarfa-
greiningu til að þróa einstakar
námsleiðir. Samstarfið nærir einn-
ig nauðsynlegt traust milli skólans
og atvinnulífsins, sem er auðvitað í
takti við aðrar áherslur Háskólans
í Reykjavík,“ segir Kristinn og
heldur áfram:
„Starfsfólk og stjórnendur
treysta okkur til að auka færni
fólks til að þróa og breyta störfum
sínum, ferlum og aðferðum, þann-
ig að framleiðni og skilvirkni á
vinnustöðum geti aukist og þannig
almenn velferð í samfélaginu. Við
höfum undanfarin misseri unnið
að þróunarverkefnum í náms-
framboði með aðilum á borð við
LS Retail og Sambandi íslenskra
sveitarfélaga og þau verkefni hafa
reynst ótrúlega farsæl og skemmti-
leg fyrir alla hlutaðeigandi.“
Auknar kröfur frá starfsgreinum
Kristinn bendir á að umrædd
framþróun og ósk um blandaðar
námsaðferðir teygi nú anga sína
inn í f lestar starfsgreinar og að
stjórnendur vinnustaða hafi haft
frumkvæði að því Opni háskólinn í
HR þrói námsframboðið samhliða.
„Við verðum í síauknum mæli
vör við auknar kröfur um að
samveru í kennslustofum sé ekki
eingöngu varið í þekkingaryfir-
færslu með fyrirlestrum, heldur til
úrlausnar verkefna í samvinnu og
lærdómi, sem vex síðan þegar fólk
tekst sameiginlega á við námið.
Viðfangsefni og úrlausn þeirra eru
í stöðugri framþróun í atvinnu-
lífinu og störfin þurfa auðvitað
að breytast í takti við þá þróun.
Námsframboðið og okkar bland-
aða nálgun í sérsniðinni kennslu,
fræðslu og þjálfun, hverfist að öllu
leyti um þessar staðreyndir og
okkar nýja stafræna veruleika á 21.
öld,“ segir hann.
Elska að tækla stór verkefni
Mismunandi tilgangur er með
þjálfun, námi og fræðslu á vinnu-
stöðum og Kristinn stillir sér-
sniðnum lausnum Opna háskólans
í f ljótu bragði í fjóra flokka.
„Starfstengd þjálfun snýst
þannig um að læra og ná tökum
á störfum sem við erum ráðin til
að sinna og gera það af öryggi og
kunnáttu. Þetta snýst um nokkuð
almenna grunnþekkingu. Sérhæf-
ing fæst hins vegar með aukinni
dýpt í fræðslunni og þar erum við
að stefna að því að verða svo góð
í því sem við gerum í vinnunni að
við getum kennt öðrum og jafnvel
gert greiningar sem stjórnendur
byggja ákvarðanir sínar á . Þegar
við kennum stjórnun og rekstur í
sérsniðnu námi af þessu tagi erum
við að tryggja að fólk kunni að
beita og samhæfa þá sérhæfingu
sem vinnustaðir þurfa að geta
leyst af réttum gæðum, á réttum
tíma, með viðeigandi kostnaði . Svo
er það stefnumótandi leiðtoga-
þjálfun þar sem markmiðið er að
geta sett fram skýra framtíðarsýn
og kunna að leiða starfsemi með
árangursríkum hætti að tilgangi
vinnustaðarins. Þetta eru stór
verkefni, en við hjá Opna háskól-
anum elskum að tækla þau.” n
Opni háskólinn sérsníður
fræðslu fyrir vinnustaði
Kristinn Hjálmarsson, þróunarstjóri hjá Opna háskólanum í HR. MYND/AÐsEND
28 kynningarblað 1. október 2022 LAUGARDAGURMannauðuR