Austurglugginn - 26.04.2013, Side 4

4 AUSTUR · GLUGGINN Föstudagur 26. apríl
Hjalli
BÚÐAREYRI 7, 730 REYÐARFJÖRÐUR
Ritstjóri & ábyrgðarmaður: Dr. Sigurður Ingólfsson • frett@austurglugginn.is // drsiggi@gmail.com • Fréttasími: 477 1750
Auglýsingastjóri og þjónusta við áskrifendur: Guðmundur Y Hraunfjörð • 477 1571 & 891 6484 - auglysing@austurglugginn.is
Fréttaritari í Neskaupstað: Áslaug Lárusdóttir s. 695 8498 - aslaugl@gmail.com • Fréttaritari á Vopnafirði: Bjarki Björgólfsson s. 865 7471 - fagri15@simnet.is.
Útgefandi: Útgáfufélag Austurlands ehf. • Umbrot og prentun: Héraðsprent.
Ritstjóraspjall
É
g hef alltaf verið svolítið lélegur að skipa fyrir
verkum og ætla ekki að fara að byrja á því hér.
Aftur á móti finnst mér rétt að benda á að ef
svo undarlega vill til að það hafi farið framhjá ein-
hverjum að kosningar séu í nánd (hljómaði svolítið eins
og heimsendaspá) þá minni ég á það hér.
Nú er Austurglugginn búinn að vera fullur af pólitík
eins og aðrir fjölmiðlar og vísast einhverjir farnir að bíða
eftir einhverju skemmtilegra umræðuefni en pólitík. Til
dæmis sauðburði sem ég hef í hyggju að rifja upp kynni
mín af. Yndisleg tíð. Eitthvað nýtt, lítið og viðkvæmt
sem kemur jarmandi í heiminn. Þegar ég var lítill, snéri
ég einu sinni við lambi, það er reynsla sem mér fannst
og finnst fullkomlega stórfengleg. Og hvað er ég að
blanda saman sauðburði og pólitík? Jú, í sauðburðinum
er maður meira vitni að því nýja. Í kosningahavaríinu,
er maður þátttakandi, hvort sem manni líkar betur eða
ver. Maður býr við það sem þjóðin kýs yfir sig.
Mér finnst persónulega voðalega asnalegt þegar fólk
sem nýtir sér ekki kosningaréttinn, vogar sér að skamm-
ast út í niðurstöður sömu kosninga. Mér finnst asnalegt
að nýta sér ekki kosningaréttinn og allt að því siðferðileg
skylda hvers manns að nýta sér opna leið að lýðræðinu.
Það að kjósa ekki þýðir bara það að maður styður þann
sem vinnur. Þetta hefur ekkert með flokkspólitík að gera,
þetta hefur með jafnan rétt þegnanna til að hafa áhrif.
Og svo er hægt að skammast yfir svörtum sauðum og
höfuðsóttargemlingum sem einhverjir aðrir kusu auð-
vitað. En það að kjósa ekki finnst mér eiginlega ekki
bjóða upp á að skoðun manns á pólitíkinni sé marktæk.
Kjósum, öll sem til þess höfum getu, og förum svo og
horfum á sauðburðinn.
Skipulagsskrá Menningar-
sjóðs Stofnunar Gunnars
Gunnarssonar var staðfest
þann 16. apríl síðastlið-
inn, í Skriðuklaustri með
undirritun mennta- og
menningarmálaráðherra,
Katrínar Jakobsdóttur, og
Sigríðar Sigmundsdóttur,
varaformanns stjórnar
Gunnarsstofnunar.
Tilgangur menningar-
sjóðsins er tvíþættur:
Annars vegar að renna
stoðum undir starfsemi
Stofnunar Gunnars Gunn-
arssonar á Skriðuklaustri
með árlegum framlögum til hennar; hins vegar
að styðja rithöfunda, listamenn, fræðimenn
og námsfólk til verka er samræmast fjölþættu
hlutverki stofnunarinnar. Sjóðnum er því bæði
ætlað að efla menningarstarf á Skriðuklaustri og
styrkja ímynd Gunnarsstofnunar sem menn-
ingarstofnunar á landsvísu.
Stofnandi menningarsjóðsins er mennta- og
menningarmálaráðuneytið en þeir sem gerast
sérstakir styrktaraðilar fyrir 18. maí 2014 teljast
einnig til stofnenda hans. Stofnframlag ríkis-
ins er 43.412.013 kr. eða sem samsvarar þeim
fallbótum sem Landsvirkjun greiddi íslenska
ríkinu fyrir vatnsréttindi Skriðuklausturs við
Jökulsá á Dal vegna lands Brattagerðis. Sjóð-
stjórn hefur árlega til ráðstöfunar vaxtatekjur
af eignum sjóðsins að frádregnum verðbótum.
Auglýst verður eftir umsóknum í menn-
ingarsjóðinn árlega í fjölmiðlum og úthlutað
af sjálfstæðri stjórn eftir úthlutunarreglum sem
stjórnin setur. Í stjórn sitja þrír og einn til vara.
Stjórn Gunnarsstofnunar skipar tvo fulltrúa og
varamann en mennta- og menningarmálaráð-
herra einn fulltrúa úr hópi afkomenda skáldsins.
Reiknað er með að úthluta árlega úr sjóðnum
á fæðingardegi Gunnars Gunnarssonar, 18. maí
og fyrsta úthlutun fari fram vorið 2014 þegar
125 ár verða liðin frá fæðingu skáldsins. (nánari
upplýsingar veitir Skúli Björn Gunnarsson,
forstöðumaður Gunnarsstofnunar í síma 471-
2990 eða netfang skuli@skriduklaustur.is)
Skriðuklaustur
Menningarssjóður Gunnars-
stofnunar stofnaður
Katrín Jakobsdóttir mennta- og menningarmálaráðherra og Sigríður Sigmundsdóttir.