Skessuhorn - 24.08.2022, Side 4

MIÐVIKUDAGUR 24. ÁGÚST 20224
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 4.110 krónur með vsk. á mánuði. Elli- og örorkulífeyrisþegar greiða
kr. 3.550. Rafræn áskrift kostar 3.220 kr. Rafræn áskrift til elli- og örorkulífeyrisþega er 2.968 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Gunnlaug Birta Þorgrímsdóttir gb@skessuhorn.is
Valdimar K. Sigurðsson vaks@skessuhorn.is
Guðrún Jónsdóttir gj@skessuhorn.is
Steinunn Þorvaldsdóttir sth@skessuhorn.is

Auglýsingar og dreifing:
Díana Ósk Heiðarsdóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Mannlegleikans kraftur
Föstudaginn 14. september 2001 sýndum við Bandaríkjamönnum hlut-
tekningu okkar vegna árásanna á Tvíburaturnana í New York með þriggja
mínútna þögn. Sjónvarps- og útvarpsútsendingar voru rofnar, strætis-
vagnar stöðvaðir, Sinfóníuhljómsveit Íslands gerði hlé á æfingu sinni og
skólastofnanir stöðvuðu kennslu um stund. Sorgin náði yfir landamæri og
fjarlægðir og fólk setti sig hvert í annars spor. Atburðurinn var harmur
á heimsvísu og samúð og samkennd ríkti. Engu að síður var hart dæmt
seinna meir og leitað hefnda. Þær standa enn. Þannig tekst hið góða og illa
oft á eða gengur samhliða, svo einkennilega sem það nú hljómar.
Það tilheyrir mannlegu samfélagi að sýna samúð. Hún er eins og hvítu
blóðkorn líkamans, sem ráðast á meinsemdir. Á sama hátt getur skilningur
og hluttekning haft læknandi áhrif á djúpstæð sár. Að finna til með öðrum
er hluti af mannsins eðli og endurspeglar það góða í honum.
Allt í einu er okkar friðsæla land orðið vettvangur skotárása. Á síðasta
ári var gerð skotárás í Hafnarfirði og skotið á skrifstofur stjórnmálaflokks
og borgarstjóra. Þá var maður skotinn til bana við heimili sitt í Rauða-
gerði í febrúar, skotárás var gerð á Egilsstöðum og skotið á hús í Kópavogi
í desember. Þetta er áhyggjuefni sem yfirvöld hljóta að taka til sérstakrar
skoðunar. Hneykslan okkar er alger og við fylgjumst með í forundran. Á
sama tíma óttast fólk með geðrænan vanda að fordómar fái byr undir vængi
þegar slíkt kemur upp. Slíkt ber að varast.
Fyrir nokkrum dögum varð íslenska þjóðin vitni að miklum harmleik í
litlu samfélagi fyrir norðan. Við slíkar aðstæður verður manni orða vant.
Hluttekning, skilningur og samúð er það eina sem gildir og sannar um
leið tilvist gæskunnar sem grunneiginleika mannsins. Hún gegnir hlutverki
hvítu blóðkornanna; vinnur gegn hinu illa og dæmir ekki.
Við leitum í smiðju skáldsins Jóhannesar úr Kötlum, sem fæddur var árið
1899 á bænum Goddastöðum í Dölum og ólst upp í Ljárskógaseli í sömu
sveit. Skáldanafnið úr Kötlum er eftir örnefni við ána Fáskrúð sem þar
rennur. Í fallegu kvæði eftir Jóhannes vekur hann athygli á kærleikanum
sem hann velur að formgera í Jesú Kristi sem samnefnara manngæsku og
samúðar. Það getur enginn drepið gæskuna, við trúum á líf hennar þrátt
fyrir allt. Kvæðið ber heitið Jesús Maríuson og endar á þessum orðum:
En hvað svo sem ég geri er hann mín eina hlíf
er hrynur neðsta þrepið
því hvað oft sem hann deyr þá er eftir eitthvert líf
sem enginn getur drepið.
Og Jesús sonur Maríu mætir oss eitt kvöld
sem mannlegleikans kraftur:
æ, vertu ekki að grafa ‘onum gröf mín blinda öld
- hann gengur sífellt aftur.
Guðrún Jónsdóttir
Á fundi byggðarráðs Borgar-
byggðar síðastliðinn fimmtudag
var til umfjöllunar möguleg upp-
bygging nýs flugvallar til stuðnings
núverandi flugvöllum í landinu.
Borgarbyggð hefur verið nefnd
sem valkostur fyrir nýjan flug-
völl og Mýrar nefndar sérstaklega
í því sambandi. Þingkonan Halla
Signý Kristjánsdóttir, sem sæti á
í umhverfis- og samgöngunefnd
Alþingis, vakti máls á þessu fyrr í
sumar. Horft er til þess að finna
nýjum flugvelli stað utan t.d. virkra
eldfjallasvæða.
Í ályktun byggðarráðs segir
m.a: „Borgarbyggð er steinsnar
frá höfuð borgarsvæðinu en liggur
jafnframt á krossgötum milli lands-
hluta. Samgöngur innan sveitarfé-
lagsins og til höfuðborgarsvæðis-
ins eru nær undantekningarlaust
greiðar. Fyrirhugaðar þjóðhags-
lega hagkvæmar samgöngubætur á
borð við Sundabraut munu stytta
ferðatíma og auka öryggi enn
frekar. Lega sveitarfélagsins hlýtur
að kalla á að landsvæði í Borgar-
byggð, t.d. Mýrar, verði tekin til
ítarlegrar greiningar ef ákveðið
verður að ráðast í umfangsmikla
fjárfestingu í flugvelli, hvort sem
hann er hugsaður til vara við
núverandi millilandaflugvelli eða
til að létta álagi af öðrum flug-
völlum á suðvesturhorni landsins.
Hér má t.d. horfa til kennslu- og
æfingaflugs, einkaflugs og vöru-
flutninga.“
Byggðarráð fól sveitarstjóra að
koma skoðun byggðarráðs á fram-
færi við yfirvöld samgöngumála
og leggja mat á hvort ástæða sé til
að sveitarfélagið hafi frumkvæði
að frumathugun á mögulegum
kostum. mm
Jóhannes Geir Guðmundsson á
Reykhólum fór í göngu á dögunum
með heimilishundinn Kleinu Karen
með í för. Í ferðinni rákust þau á
hnísukálf sem var rekinn. Fram
kemur á heimasíðu Reykhólahrepps
að annað slagið sjáist hvalir þar inni
á fjörðum, lítil háhyrningavaða sást
í Berufirðinum fyrir fáeinum árum
og í vor í Þorskafirði. Að öllum lík-
indum eru þeir að elta æti.
Flestir hvalirnir fara þegar þeir
hafa lokið erindum en sumir eru
ekki jafn heppnir. Fyrir nokkrum
árum gekk ferðafólk fram á
háhyrnings kálf uppi í fjöru inn-
arlega í Þorskafirði og hjálpuðu
bræðurnir Brynjólfur og Ólafur
Smárasynir honum á flot. Seinna
um sumarið fannst svo samskonar
kálfur rekinn utar í firðinum hjá
Hlíð og mjög líklegt að það hafi
verið sama dýrið. vaks
Náttúrufræðistofnun vaktar við-
komu rjúpnastofnsins hér á landi.
Talning sem gerð var á Vestur-
landi og Norðausturlandi í lok júlí
og byrjun ágúst nú í sumar gefur
slæmar vísbendingar um stofninn.
Þannig hefur viðkoma rjúpunnar á
Norðausturlandi aldrei verið lakari
frá því mælingar hófust árið 1964
og á Vesturlandi var útkoman með
því lakari frá því mælingar hófust
sumarið 1995.
Í talningum á Vesturlandi fund-
ust 34 kvenfuglar og 184 ungar.
Hlutfall kvenfugla án unga var
13%, ungar á kvenfugl voru
einungis 5,41 og hlutfall unga í
stofni 73%. Á Norðausturlandi
fundust 64 kvenfuglar og 186
ungar. Hlutfall kvenfugla án unga
var 44%, ungar á kvenfugl voru 2,9
og hlutfall unga var 59%. Hlut-
fall kvenfugla án unga var miklu
hærra en nokkurn tímann áður
og eins voru ungahópar þeirra
mæðra sem enn héldu einhverjum
ungum mun minni en oftast áður.
Náttúru fræðistofnun bendir á að
kvenfuglar án unga hafa örugglega
reynt varp en annað hvort afrækt
á eggjatíma eða, sem líklegra er,
að ungarnir hafa drepist frá þeim.
„Væntanlega ræður hér mestu sú
vætutíð sem einkennt hefur sum-
arið á Norðausturlandi. Marktæk
fylgni er á milli úrkomu og vinda-
fars og viðkomu rjúpunnar,“ segir í
frétt Náttúrufræðistofnunar.
Rjúpnatalningar síðastliðið vor
sýndu að rjúpnastofninn var í mik-
illi uppsveiflu víðast hvar. Við-
komumælingar sýna að nú hefur
stofninn mætt mótbyr, staðan á
Norðausturlandi er afleit og ekki
heldur góð á Vesturlandi. Ekki
er vitað um viðkomu rjúpunnar í
öðrum landshlutum.
mm
Á Mýrum. Ljósm. gj.
Byggðarráð ræddi mögulega stað-
setningu nýs flugvallar á Mýrum
Rjúpa með ungahópinn sinn. Myndin er tekin við Miðnes í júní.
Ljósm. Sigurður Bjarnason.
Viðkomubrestur í rjúpnastofninum
Hundurinn Kleina Karen er ekki mjög stór en ekkert minni en hvalurinn.
Ljósm. Jóhannes Geir Guðmundsson.
Hvalreki á stærð við hund