Skessuhorn - 24.08.2022, Qupperneq 6
MIÐVIKUDAGUR 24. ÁGÚST 20226
Skortir á að
heimasmölun
sé sinnt
LUNDARR.D: Þrír sauð-
fjárbændur í Lundarreykjal
sendu nýverið bréf til sveitar-
stjórnar Borgarbyggðar þar
sem þeir vekja athygli á að
smölunarskyldu nokkurra
jarða í innanverðum dalnum
sé ekki sinnt. Farið er þess
á leit að sveitarstjórn geri
úrbætur. Í bókun byggðar-
ráðs síðastliðinn fimmtu-
dag segir að fjallskilanefndir
sendi ábúendum og jarða-
eigendum fjallskilaseðil, þar
sem m.a. komi fram hvenær
heimalandasmölun skuli
fara fram. Smölun heima-
landa er ekki eitt af hlut-
verkum fjallskilanefnda, og
því hlutast þær ekki til um
heimasmölun að öðru leyti.
„Byggðarráð telur sig ekki
geta hlutast til um smölun
heimalanda að svo stöddu
en leggur áherslu á að þetta
er víða vandi og leita þarf
lausna þar sem um mikið
hagsmunamál er að ræða,“
segir í bókun byggðarráðs.
-mm
Ökumenn enn
að kitla pinnann
VESTURLAND: Mikið
var um hraðakstur í liðinni
viku eins og undanfarið í
umdæmi Lögreglunnar á
Vesturlandi. 78 ökumenn
voru teknir af lögreglunni
á vettvangi í liðinni viku á
ólöglegum hraða, þar af einn
ökumaður á 146 kílómetra
hraða í Norðurárdalnum. Á
hann von á sekt yfir 200 þús-
und krónur og einn mánuð í
sviptingu. Nærri sex hund-
ruð mál hafa á öllu landinu
farið í gegnum hraðamynda-
vélar í vikunni og þykir ansi
mikið. -vaks
Datt í lausamöl
AKRANES: Á þriðjudags-
kvöld í liðinni viku datt
maður á mótórhjóli á Akra-
fjallsvegi við gatnamótin upp
á Akranes. Malbikunarfram-
kvæmdir voru í gangi og láð-
ist verktaka að merkja að
þær væru í gangi. Maðurinn
var á mjög litlum hraða en
datt í lausamöl og skemmd-
ist hjólið lítillega og galli og
hjálmur mannsins einnig. -
vaks
Svala í
launalaust leyfi
AKRANES: Á fundi bæjar-
ráðs Akraneskaupstaðar 11.
ágúst sl. kom fram beiðni
frá Svölu Kristínu Hreins-
dóttur, sviðsstjóra velferðar-
og mannréttindasviðs Akra-
neskaupstaðar, þar sem
hún óskaði eftir launalausu
leyfi í eitt ár. Bæjarráð sam-
þykkti erindið og að starfið
verði auglýst. Ráðið verður
tímabundið í stöðuna til eins
árs og fól ráðið bæjarstjóra
frekari úrvinnslu málsins.
-vaks
Fuglaflensusmit
viðvarandi
LANDIÐ: Matvælastofnun
varar enn við hættu á
fuglaflensusmiti frá villtum
fuglum yfir í alifugla. „Stofn-
unin lítur svo á að smit með
skæðum fuglaflensuveirum
sé viðloðandi í villtum
fuglum víða á landinu. Þó
hafa færri veikir eða dauðir
villtir fuglar verið tilkynntir
til Matvælastofnunar í júlí
og það sem af er ágúst, en
mánuðina á undan.“ -mm
Efla útvarp
Grundaskóla
AKRANES: Grundaskóli
tilkynnti um helgina á face-
book síðu skólans að eitt af
því sem hann vill efla í vetur
er Útvarp Grundaskóli.
„Útvarpstækni sem gefur
nemendum okkar tækifæri til
að búa til hlaðvarpsþætti og
senda út eða eiga sjálf. Með
slíkum hætti má efla nem-
endur í talmáli eða rökræðu
sem og að gera eitthvað
skemmtilegt og nýtt í nám-
inu.“ Til að fylgja verkefn-
inu eftir hefur nýr útvarps-
stjóri tekið til starfa en það
er gamall nemandi skól-
ans, Margrét Saga Gunnars-
dóttir Clothier. „Hún ætlar
að vinna með einstaklingum
og hópum að skemmti-
legum valsvæðum í vetur og
aldrei að vita nema að for-
eldrum verði boðið að taka
þátt í gegnum svo kallað frí-
stundaval,“ segir einnig á
síðu Grundaskóla. -vaks
Laurent og Lola Balmer í Narfa-
seli í Melasveit eru nú á förum
og hafa selt jörðina. Þar hafa þau
stundað grænmetisrækt og fleira og
selt afurðirnar gestum og gangandi
í um tvö ár. Leið þeirra liggur nú
á vit nýrra ævintýra í Suður Ame-
ríku þangað sem þau flytja bráðlega
ásamt sonum sínum fjórum. Þau
hafa byggt íbúðarhús og gróðurhús
í Narfaseli auk geymslu og lítillar
verslunaraðstöðu og hafa selt fram-
leiðslu sína víða, meðal annars í
Ljómalind í Borgarnesi.
Nýir eigendur jarðarinnar eru
Ásta Karen Helgadóttir og Filip
Polách, ungt par sem flytur nú á
Vesturlandið af höfuðborgarsvæð-
inu. Þau taka við í september og
stefna á að halda ræktuninni áfram,
reikna þó með að þurfa að skala
aðeins niður næsta sumar og vera
með færri grænmetistegundir en
Laurent og Lola hafa verið með
fyrst um sinn. gj
Íbúafjöldi á Vesturlandi hefur auk-
ist mjög á síðustu árum og má sem
dæmi nefna að fyrir tíu árum vou
íbúar á Akranesi 6.578 talsins, en
1. febrúar í ár var talan hins vegar
7.845 sem er fjölgun um 1.267 íbúa
á áratug. Annað dæmi er Borgar-
byggð sem er næstfjölmennasta
sveitarfélag Vesturlands. Þar hefur
fjölgað umtalsvert á síðustu tíu
árum, þar af mest í Borgarnesi þar
sem íbúatalan hefur farið úr 1.763
í ársbyrjun árið 2012 yfir í 2.152 í
upphafi þessa árs. Er það aukning
um 389 íbúa. Íbúar í Borgarbyggð
voru 3.470 að tölu fyrir tíu árum en
töldust vera 3.865 1. febrúar síðast-
liðinn. Verið er að fara yfir tölur um
íbúafjölda frá því í sumar, en líkur
eru til þess að þá hafi íbúafjöldi í
sveitarfélaginu komist í fyrsta sinn
yfir fjögur þúsund íbúa markið.
Skessuhorn hafði samband við
Stefán Brodda Guðjónsson sveitar-
stjóra sem sagði að verið væri að
rýna nýjustu íbúatölur og að það
yrði tilhlökkunarefni ef hægt yrði
að gleðjast með tímamótaíbúa
númer 4000 innan tíðar. Hann
bætti því kíminn við að vonandi
reyndist það ekki hafa verið hann
sjálfur, en hann flutti lögheimili sitt
í sveitarfélagið nýlega.
gj
Frá Borgarnesi. Ljósm. gj.
Íbúafjöldi í fyrsta sinn á fimmta
þúsundið í Borgarbyggð
Fráfarandi og nýir grænmetisræktendur í Narfaseli. Til vinstri Ásta Karen og Filip
og til hægri Lola og Laurent Balmer.
Grænmetissala verður
áfram í Narfaseli