Flug : málgagn Flugmálafélags Íslands - 01.03.1939, Side 5
FYRSTA FLUGIÐ Á ÍSLANDI
Tuttugu ára minning eftir Halldór Jónasson
I þessum mánuði eru liðin 20 ár síðan fyrstu
samtökin voru gerð um flugtilraunir hér á
landi.
Menn furða sig oft á því, hvað snemma var
hafist handa um flugmálin, svo langt sem við
Islendingar vorum á eftir á flestum öðrum
sviðum. Gamla flugfélagið mundi nú vera með
allra elstu flugfélögum í heimi ef það væri enn
við lýði. — Skulu nú í stuttu máli raktir helstu
þættir tildraga og starfsemi þessarar tilraunar.
Arin 1918—’19 var mjög sterk hreyfing á
hugum landsmanna og bjartsýni ráðandi á
marga lund. Fargi heimsstyrjaldarinnar var
þa að létta — sjálfstæði þjóðarinnar var við-
urkent — innlent siglingafélag fyrir skömmu
stofnað — atvinnuvegir og innlend verzlun í
hröðum uppgangi og peningaráð yfirleitt meiri
en nokkru sinni áður í sögu landsins.
Fluglistin hafði þá að vísu ekki nema svo
sem áratug að baki sér en á síðari helming
þess tíma — í stríðinu, hafði henni fleygt fram
meira en dæmi eru til um nokkra iðn eða í-
þrótt fyr og síðar, bæði um gerð flugtækja og
kunnáttu flugmanna. Var því skiljanlegt að
upp kæmi sterk hreyfing meðal flestra þjóða
um það, að gera fluglistina hagnýta til sam-
göngubóta. Stríðsþjóðirnar höfðu sett upp
fjölda af verksmiðjum til að smíða hernaðar-
flugvélar, er stóðu nú reiðubúnar til að snúa
sér að flugvélagerð til friðsamlegra afnota. Þá
var og til fjöldi flugvéla, sem losnaði úr her-
þjónustu og talið var að mætti fá ódýrt og
breyta, t. d. í póstflugur.
Að þessu athuguðu fannst ýmsum þeirra
manna, sem fyrir hálfum áratug höfðu átt þátt
i stofnun Eimskipafélagsins, ekki mega láta
þessa áhugaöldu Iíða framhjá án þess að gerð
yrði tilraun með flug hér á landi.. Voru allir
á einu máli um það, að hér á landi væri hin
mesta þörf á að koma á fót flugferðum með
tilliti til hinna löngu vegalengda og torveldu
og kostnaðarsömu samgangna á Iandi og sjó.
Enda voru þá aðeins fáir vegir á landinu ak-
færir og bílferðir aðeins í byrjun.
Fremstir í flokki um að koma á fót félags-
skap til eflingar flugi voru Garðar Gíslason
stórkaupmaður, Knútur Zimsen borgarstjóri,
Pétur Halldórsson bóksali, Pétur A. Ólafsson
1
FLUG
3