Flug : málgagn Flugmálafélags Íslands - 01.03.1939, Qupperneq 21

„Modelflugfélag Reykjavíkur" hefir nú
undanfarið unnið að smíði nokkurra líkana og
er verið að ljúka við þau fyrstu þessa dagana.
Húsrúm hefir það sem stendur í Þjóðleikhús-
inu. Hefir þar verið komið upp litlu verkstæði
og er unnið þar þrjú kvöld í viku frá kl. 8—10.
En sökum skorts á byggingarefni, hefir ekki
verið hægt að bæta við fleiri nemendum og er
það mjög bagalegt, þar sem áhugi virðist vera
geysimikill meðal unglinga fyrir þessari iðn.
Þegar tekið er tillit til alls þess, sem að framan
greinir, býst ég við, að allir verði sammála um
að nauðsynlegt sé og tímabært að hefjast
handa og koma betra skipulagi á í þessum at-
riðum sem öðrum, er að flugi lúta hér hjá oss.
Það, sem þyrfti að gera að mínum dómi
þessu máli til framdráttar, er sem hér segir:
Að halda námskeið í ,,modelflugi“ víðsvegar
um landið og barnakennurum gefinn kostur á
að taka þátt í þeim, svo að þeir geti kennt það
í skólum sínum. — I öðru lagi: Koma á model-
flugsmíði í öllum barnaskólum og hafa sem
einn lið í handavinnukennslunni. — I þriðja
lagi: Stofna modelflugfélög svo víða um land-
ið sem tök eru á.
Ég geng þess ekki dulinn,að margir,sérstak-
lega meðal þeirra, sem lítið hafa kynnst flug-
málum yfirleitt, munu líta á modelsmíði sem
fánýtt barnaleikfang, sem enga þýðingu geti
haft fyrir hina veigameiri þætti þeirra mála.
Þeim vil ég segja til viðbótar því, sem að
framan greinir, að í modelsmíðinni lærir ung-
lingurinn flugbyggingarfræði, flugeðlisfræði
og öll önnur undirstöðuatriði, sem að flugi lúta
og með því er hinn trausti grundvöllur lagður,
sem ég gat um hér að framan.
Þeirrar kynslóðar, sem nú er að vaxa upp,
bíða óteljandi verkefni að leysa. Meðal þeirra
veigamestu eru þau, sem heyra flugmálum til.
fslenzkir æskumenn! Tökum höndum sam-
an og strengjum þess heit, að vinna ótrauðir
að eflingu flugmála hér á Iandi unz marki er
náð, sem er, að vér ísltndingar stöndum jafn-
fætis öðrum menningarþjóðum í þeim efnum.
Heitum á alla góða og gegna menn til lið-
veizlu í baráttunni fyrir hugsjónum vorum.
Byrjum á byrjuninni, sem er ,,modelflug“.
Höldum svo stig af stigi, unz framtíðardraum-
arnir hafa ræzt, og vér getum „á vængjum
sælum svifið—“.
Verkfæri
Mdlningarvörur
Vinnufatnaður
FLUG
Helgi Filippusson.
19