Heilbrigðisskýrslur - 02.12.1972, Page 8

IBM á Islandi hefur síðan séð um götum spjalda. Undanfarin
ár hefur regluleg úrvinnsla á þennan hátt farið fram á þriggja
mánaða fresti, þannig að nú á að vera hægt að fullvinna hvert ár
eigi síðar en í marzlok árið eftir.
Lokaúrvinnsla efnisins, eins og hún er hér birt í fyrsta sinn,
er síðan unnin í skýrsluvélum ríkisins og Reykjavíkurborgar.
Þar sem þetta er fyrsta skýrsla sinnar tegundar, höfum við
kosið að geta hér á eftir nánari aðdraganda úrvinnslunnar.
Verður víða skyggnst aftur í tímann og rakið sögulegt yfirlit
við einstaka kafla skýrslunnar.
I, 2. ÞÁTTAKA ISLMDS I NTRRI FÆBINGASKRMINGU A VEGUM WHO,
I febrúarmánuði 1971 fékk fyrrverandi landlæknir dr.med.
Sigurður Sigurðsson bréf frá Heilbrigðisstofnun Sameinuðu þjéð-
anna I Genf(VÍHO), þar sem óskað var eftir, að Island tæki þátt
I könnun á notkun nýrrar fæðingartilkynningar.
Undirbúningsfundur hafði nokkrum mánuðum áður verið haldinn
í Genf undir forsæti dr. Kupka og dr. Logan, deUdarstjóra hjá VíHO
I Genf. Hafði þar verið ákveðið að fá minni lönd og tiltekin
svæði stærri landa til þess að taka upp nána samvinnu um skráningu
fæðinga, en reynsla slíkrar skráningar yrði notuð til fyrirmyndar
um framtíðarskráningu fæðinga í heiminum.
Eftirfarandi lönd og landsvæði voru valin til þess að taka
þátt í þessari könnun: Kýpur, Nancy-svæðið í Frakklandi, Jerusalem-
svæðið í Israel, hluti af Bangkok í Thailandi og Island.
Lönd þessi og landsvæði voru valin með það fyrir augum, að árleg
fæðingatíðni væri að meðaltali 5000 fæðingar á ári, að svæðin væru
vel afmarkaðar heildir, annaðhvort eylönd eða svæði, þar sem lítið
væri um fólksflutninga að eða frá svæðinu og heilbrigðisþjónusta
með mismunandi móti.
6