Heilbrigðisskýrslur - 02.12.1972, Page 36

Rák Helga heimilið til ársloka 1939. SíSasta barn, sem fæddist
þar, fæddist í byrjun janúar 1940, og höfðu þá alls fæðst þar
1560 börn.
Tveim áratugum síðar var Pæðingaheimili Reykjavíkurborgar sett
á stofn 1 sama húsnæði og Helga hafði rekið sitt heimili áður.
Guðrún Halldórsdóttir ljósmóðir setti á fót fæðingaheimili á
Rauðarárstíg um 1950, og hefur hún rekið það fæðingáheimili allt
til þessa dags.
Einnig má geta Guðrúnar Valdemarsdóttur ljósmóður, sem rak fæðinga-
heimili um nokkurra ára skeið í Stórholti í Reykjavik. Allar þessar
ljósmæður höfðu nána samvinnu við lækna, og voru læknar að jafnaði
viðstaddir fæðingar á þessum heimilum.
Allmiklar upplýsingar eru til um starfsemi ofangreindra fæð-
ingaheimila, sem fyrirhugað er að vinna nánar úr og birta á öðrum
vettvan,gi síðar.
Víða á landinu hafa verið rekin fæðingáheimili ljósmæðra á sl.2-3
áratugum. Má nefna fæðingáheimili í Kópavogi, sem rekið var um
nokkurra ára skeið, en er nú hætt störfum.
Auk þess hafa ljósmæður í Grindavík, Borgarnesi, Olafsfirði, Horna-
firði og fleiri stöðum rekið fæðingaheimili eða tekið konur heim
til sín til fæðinga, ýmist á eigin vegum eða í samráði við héraðs-
lækna og sveitarfélög viðkomandi staða.
Upplýsingar um fæðingar á þessum stöðum er gjarnan að finna í
skýrslum héraðslækna, og verður því ekki saga þeirra rakin hér.
34