Heilbrigðisskýrslur - 07.12.1982, Page 31

Öldrunarlækningadeild Landspítalans er eina hjúkrunarstofnunin
sem tekur inn sjúklinga á grundvelli svonefnds raðaðs biðlista.
Á slíkan biðlista er sjúklingum raðað í samræmi við sérhæft
mat á þörf þeirra fyrir vistun. Samkvæmt upplýsingum yfirlækn-
is deildarinnar og félagsráðgjafa voru um sl. áramót 4-5 ein-
staklingar á biðlistanum sem bráðnauðsynlega þurftu á vistun
að halda.
Könnunin meðal heimilislækna £ Reykjavík bar ekki þann árangur
sem nefndin hafði vænst. Af viðtölum við nokkra lækna þótti
sýnt að ekki væri mögulegt að afla hjá þeim upplýsinga um fjölda
og aðstæður aldraðra hjúkrunarsjúklinga í heimahúsum. Kemur
þar einkum til að fæstir heimilislæknar halda skipulegar sjúkra-
skrár yfir sjúklinga sína og marga af þessum eldri sjúklingum
stunda þeir ekki reglulega.
Samkvæmt upplýsingum forstöðumanns heimilishjálpar Eélagsmála-
stofnunar má lauslega áætla að á sl. ári hafi að meðaltali
á milli 20 og 30 aldraðir hjúkrunarsjúklingar, sem ekki nutu
heimaþjónustu, þarfnast vistunar á hjúkrunarstofnun. Hér væri
fyrst og fremst um að ræða fólk sem vegna breytilegs heilsu-
farsástands væri til skiptis á sjúkrastofnunum eða heima hjá
sér.
Með hliðsjón af þeim athugunum sem hér er getið, er gert ráð
fyrir að á árinu 1981 hafi að jafnaði dvalið í heimahúsum í
Reykjavík 30 aldraðir hjúkrunar- eða langlegusjúklingar, sem
ekki fengu neina heimaþjónustu á vegum Reykjavíkurborgar en
höfðu brýna þörf fyrir að vistast á hjúkrunarstofnun. Gengið
er út frá því að aldursskipting þessa hóps hafi verið svipuð
og meðal þeirra hjúkrunarsjúklinga sem vistuðust á eiginlegum
hjúkrunarstofnunum 31. mars 1981 í Reykjavík.
29