Heilbrigðisskýrslur - 11.12.1990, Qupperneq 4

Sjúkraflutningaráð
í lögum um heilbrigðisþjónustu er meðal annars kveðið svo á að á
heilsugæslustöðvum eða í tengslum við þær skuli veitt ýmiskonar
þjónusta, þar á meðal sjúkraflumingar, samanber grein 19.1.
I framhaldi af þessu og í samræmi við grein 34.5 sömu laga gaf
heilbrigðisráðherra út og staðfesti reglugerð 18. nóvember 1986, nr. 503
um sjúkraflutninga.
í reglugerðinni segir að skipulagðir sjúkraflutningar skuli vera á
vegum heilsugæslustöðva og/eða sjúkrahúsa og að rekstur sjúkraflutninga
skuli háður leyfi heilbrigðisráðherra. Ennfremur segir að á vegum
landlæknis skuli starfa sjúkraflutningaráð skipað þremur mönnum
tilnefndum af landlækni, Rauða Krossi íslands og Landssambandi
sjúkraflutningamanna. Þar eru og nánari ákvæði um starfsemi ráðsins.
Tekið er fram að sjúkraflutningaráð geri tillögur til ráðherra um veitingu
leyfa og að umsóknir um leyfi til sjúkraflutninga skuli sendar
sjúkraflumingaráði. Ennfremur segir að sjúkraflutningaráð eigi að vera
ráðgefandi um allt er varðar sjúkraflutninga í landinu og skuli gefa út
staðla um flutningatæki og búnað þeirra.
Sjúkraflutningaráð
Skrifstofu landlæknis
Laugavegi 116
150 Reykjavík