Fréttablaðið - 26.11.2022, Síða 16

Anna Sigríður Jökulsdóttir
segir að landsmönnum líði
ekki verr en venjulega þetta
haustið. Sveiflur í kvíða og
þunglyndi séu litlar. Hún
hvetur fólk til að taka frá tíma
fyrir sjálft sig og gleyma sér
ekki á hamstrahjólinu.
odduraevar@frettabladid.is
HEILSA Anna Sigríður Jökulsdóttir,
sálfræðingur hjá Kvíðameðferðar-
stöðinni (KMS), segist ekki greina
sveif lur þetta dimma snjólausa
haust þegar kemur að andlegri
heilsu.
„Við sjáum aðallega að það er
kúfur á haustin og svo á miðju ári.
Það gerist bara aftur og aftur, enda
eru þeir sem koma til okkar á KMS
kannski sá hópur sem grunar að
hann sé með einhvern kvíða, rösk-
un eða þunglyndi, þannig að sveifl-
urnar frá ári til árs eru ekki miklar.“
Anna segir andlega heilsu vera
svo gríðarlega persónubundna.
Sumt hafi neikvæð áhrif á suma en
jákvæð á aðra. „Þetta Covid-tíma-
bil til dæmis var kannski þægilegt
fyrir suma á meðan fyrir aðra var
það olía á einhvern eld. Þeim sem er
með sýklafóbíu leið til dæmis mun
verr í faraldrinum á meðan sumir
kannski nutu þess að vinna heima.“
Alltaf séu einhver viðfangsefni
sem lífið hefur í för með sér og hafi-
áhrif á andlega heilsu. „Núna eru til
dæmis að koma jól og þá eru margir
kvíðnir yfir fjárhag eða í fjárhags-
vandræðum og halda þá jafnvel að
sér höndum varðandi eigin heilsu.
Geyma sálfræðitímann kannski
fram í febrúar.“
Anna segir eðlilegt að slíkt hafi
áhrif á andlega heilsu. „Og þá er
mikilvægt að þegar það koma upp
flækjur, eða nýjar áskoranir, að fara
ekki að grufla um það eins og við
köllum það. Að velkjast ekki hring
eftir hringt í hugsunum um hvað
þetta er hræðilegt, hvernig þetta
verði og hvenær þetta verði búið.
Þetta eru spurningar sem í raun eiga
sér engin svör.“
Anna segir um að ræða viðleitni
heilans til að finna lausnir og eðli-
legt að detta í þær hugsanir. „En
þetta er ekki góð aðferð og það er
mikilvægara að spyrja sig hvort það
sé hægt að gera eitthvað í málunum,
á ég að gera eitthvað eða þarf þetta
kannski bara að koma í ljós?“
Þá sé gríðarlega mikilvægt að taka
frá tíma fyrir sjálfan sig. „Þannig að
við séum ekki alltaf bara að sinna
skyldum okkar, heldur séum við að
velja stundum fyrir mig: Hvað ætla
ég að setja orku í núna? Hvað gerir
mér gott og er mikilvægt fyrir mig?“
segir Anna.
„Annars endum við eins og
hamstur í hjóli og maður verður
eiginlega að stýra út úr hjólinu og
spá í: Nú ætla ég ekki að vera að spá
í hvað samfélaginu finnst að ég ætti
að vera að gera eða vinum mínum
eða fjölskyldunni. Ég ætla að reyna
að finna út hvað væri næs fyrir mig
núna. Það eru 24 tímar í sólarhring.
Ef ég get aldrei tekið hálftíma eða
klukkutíma í að gera eitthvað sem
er bara fyrir mig, þá er það eitthvað
skakkt og maður þarf að endur-
skoða þetta.“ n
Mikilvægt að gleyma sér
ekki á hamstrahjólinu
Ef ég get aldrei tekið
hálftíma eða klukku-
tíma í að gera eitthvað
sem er bara fyrir mig,
þá er það eitthvað
skakkt.
Anna Sigríður
Jökulsdóttir,
sálfræðingur
hjá Kvíðameð-
ferðarstöðinni
Við efnum til morgunfundar þann 1. desember í Norðurljósum
í Hörpu. Á fundinum verður farið yfir farþegaspá Keflavíkurflug-
vallar fyrir árið 2023 sem og uppbyggingu og framkvæmdir sem
framundan eru á flugvellinum. Við förum yfir stefnu Isavia og
kynnum áherslur okkar í sjálfbærni.
Salurinn verður opnaður kl. 8.30 og boðið verður upp á kaffi
og létta morgunhressingu. Fundurinn stendur frá kl. 9-10 og
verður streymt á vef Isavia.
Skráning á fundinn og nánari upplýsingar má finna á isavia.is.
Morgunfundur Isavia um farþegaspá,
uppbyggingu og nýja stefnu
Ábyrg uppbygging
í takt við fjöldann
16 Fréttir 26. nóvember 2022 LAUGARDAGURFRÉTTABLAÐIÐ