Fréttablaðið - 26.11.2022, Síða 48

Útgefandi: Torg ehf. Veffang: frettabladid.isÁbyrgðarmaður: Jón Þórisson Sölumaður auglýsinga: Ruth Bergsdóttir, ruth@frettabladid.is, s. 694 4103
Árleg bókamessa Félags íslenskra
bókaútgefenda hefst í dag
klukkan 11 í Hörpu í Reykjavík
og stendur yfir til klukkan 17 á
morgun. Það eru Félag íslenskra
bókaútgefenda og Bókmennta-
borgin sem standa saman að
bókamessunni en þar mætast
saman útgefendur, höfundar og
lesendur og njóta samvista hvert
annars og alls þess sem heldur
orðlistinni í öndvegi, segir Bryn-
dís Loftsdóttir hjá Félagi íslenskra
bókaútgefenda.
„Rúmlega 30 útgefendur munu
kynna bækur sínar svo gera má
ráð fyrir að megnið af jólabóka-
flóðinu taki sér helgarbólfestu í
Hörpu. Þetta er í tólfta sinn sem
messan er haldin, síðustu tvö
ár var hún þó aðeins á vefnum í
formi fjölbreyttrar bókmennta-
dagskrár. Það fagna því allir að
geta komið saman á ný í Hörpu.“
Fjölbreytt dagskrá
Hægt verður að gera góð kaup um
helgina, spjalla við höfunda og
jafnvel fá bækur sínar áritaðar af
þeim. „Eins er gott að slaka bara
á, rölta um svæðið í rólegheitum,
hitta mann og annan og safna
hugmyndum að góðum jóla-
gjöfum eða eigin jólaóskum og
láta útgáfuna koma sér á óvart.“
Barnabóka-smakkið verður á
sínum stað, segir Bryndís. „Þar má
finna sýnishorn af nýjum barna-
bókum á stóru borði þar sem börn
á öllum aldri geta skoðað, f lett og
auðvitað tyllt sér niður og lesið
heilu og hálfu bækurnar á meðan
þeir fullorðnu rölta um svæðið.
Þetta er líka tilvalinn staður til
þess að ganga frá óskalistum, til
dæmis með því að taka myndir
af þeim bókum sem börnin eru
spenntust fyrir.“
Bókmenntadagskrá í Kaldalóni
Vegleg bókmenntadagskrá á
vegum Bókmenntaborgar verður
að þessu sinni í Kaldalóni og hefst
klukkan 13 og 15 báða dagana. „Í
dag laugardag klukkan 13 ræðir
Dagný Kristjánsdóttir við Guðna
Elísson, Rögnu Sigurðardóttur og
Silju Aðalsteinsdóttur um ástina
í verkum þeirra og klukkan 15
ræðir Yrsa Sigurðardóttir um
glæpasögur við Katrínu Jakobs-
dóttur og Ragnar Jónasson.“
Á sunnudag klukkan 13 stýrir
Björn Halldórsson pallborðsum-
ræðum um smásögur og fær til
sín rithöfundana Maríu Elísabetu
Bragadóttur, Örvar Smárason,
Guðjón Baldursson og Kristínu
Guðrúnu Jónsdóttur þýðanda.
Klukkan 15 stýrir Sunna
Dís Másdóttir pall borðs-
umræðum um erlend
skáld á íslenskum ritvelli.
Þátttakendur í pallborð-
inu verða þau Natasha S.,
Jakub Stachowiak og Ewa
Marcinek.
Bókatíðindin bæði
prentuð og á vef
Búið er að dreifa prent-
aðri útgáfu Bókatíðinda
en hægt er að nálgast
eintök á messunni um
helgina. „Þá má líka
benda á að Bókatíðind-
in eru nú komin með
eigin vefsíðu, boka-
tidindi.is, þar sem
hægt er að kynna sér
allar bækur á einum
stað og auðvelt að
deila bókaóskum
með vefslóðum. Það
er sérstök ástæða til þess að benda
lesendum íslenskra bóka sem
búsettir eru erlendis á vefsíðuna
á meðan enn vinnst tími til bóka-
sendinga fyrir jól.“
Sterkt skáldverkaár
Bryndís segir að ekki þurfi að
sökkva sér á bólakaf í bókaflóðið
til þess að sjá að hér er á ferðinni
feiknarsterkt skáldsagnaár sem
endast mun þjóðinni vel fram yfir
jól. „Margir þekktir rithöfundar
eiga bækur þetta árið en líka stór
hópur yngri höfunda sem ástæða
er til að kynnast. Annars er
útgáfan fjölbreytt að vanda og má
til dæmis finna fjölmargar fínar
fræðibækur og ævisögur.“
Styttist í tilnefningar
Nú styttist í tilnefningar til
Íslensku bókmenntaverð-
launanna en þær verða kynntar
á Kjarvalsstöðum 1. desember.
„Það eru líklega erfiðir dagar hjá
dómnefndum sem setið hafa að
lestri frá því í byrjun september
og þurfa að velja þær fimm bækur
sem tilnefndar verða í hverjum
flokki.“ Verðlaunin skiptast sem
áður í þrjá f lokka, fræðibækur,
barnabækur og skáldverk.
Hún hvetur sem flesta til að
kíkja við í Hörpu um helgina.
„Það er einlæg von okkar sem að
bókaútgáfu stöndum að bækur
rati í pakka sem flestra lands-
manna í ár. Það er gamall og góður
siður að læða nýrri bók með sér í
rúmið á jólanótt.“
Bókamessan fer fram dagana
26.-27. nóvember milli klukkan 11
og 17. n
Nánari upplýsingar má finna á
Facebook-síðu Reykjavíkur Bók-
menntaborgar UNESCO (Bok-
menntaborginReykjavik) og
á heimasíðu Félags íslenskra
bókaútgefenda, fibut.is.
Þórdís Kolbrún Reykfjörð Gylfadóttir og Páll Baldvin Baldvinsson djúpt sokkin í Síldarárin á Bókamessunni 2019.
Barnabækur í vandaðri uppstillingu sem miða við hæð lesenda.
Bryndís Loftsdóttir ásamt forsvarsmönnum elstu bókaforlaganna, Hrefnu
Róbertsdóttur og Ólöfu Dagnýju Óskarsdóttur.
Höfundar Forlagsins spjalla við gesti og árita bækur sínar.
Þetta er líka tilval-
inn staður til þess
að ganga frá óskalistum,
til dæmis með því að
taka myndir af þeim
bókum sem börnin eru
spenntust fyrir.
Bryndís Loftsdóttir
2 kynningarblað 26. nóvember 2022 LAUGARDAGURBók amessa