Fréttablaðið - 26.11.2022, Page 124

AUGLÝSINGADEILDIR – AUGLÝSINGASTJÓRI: Guðmundur Örn Jóhannsson gudmundur@torg.is ALMENNAR AUGLÝSINGAR: SÍMI 550 5050: Auður Húnfjörð audur@
frettabladid.is, Sverrir Birgir Sverrisson sverrir@frettabladid.is , Reynir Elís Þorvaldsson reynir@frettabladid.is, Örn Geirsson orn@frettabladid.is FÓLK/SÉRBLÖÐ SÍMI 550 5078:
Arnar Magnússon arnarm@frettabladid.is, Jón Ívar Vilhelmsson jonivar@frettabladid.is, Kolbeinn Kolbeinsson kolbeinn@frettabladid.is, Ruth Bergsdóttir ruth@frettabladid.is
FÓLK OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR/FASTEIGNIR SÍMI 550 5056: Hrannar Helgason hrannar@frettabladid.is TÍMAMÓTA- OG
ÞJÓNUSTUAUGLÝSINGAR: SÍMI 550 5055: Arna Rut Kristinsdóttir arnarut@frettabladid.is
Kjartan Ólafsson er einn skipuleggjenda ErkiTíðar, elstu raftónlistarhátíðar á Íslandi. FRÉTTABLAÐIÐ/ERNIR
Tónlistarhátíðin ErkiTíð hefst
í dag. Hátíðin var haldin í
fyrsta sinn árið 1994 og er
því elsta raftónlistarhátíð
landsins. Íslensk tónlist er í
brennidepli á hátíðinni þar
sem flutt eru fjörutíu íslensk
verk fjögurra kynslóða raf-
tónskálda.
ninarichter@frettabladid.is
Ferill Þorkels Sigurbjörnssonar tón-
skálds er í forgrunni á hátíðinni.
Að sögn skipuleggjenda á Þorkell
heiðurinn af fyrsta raftónlistarverki
sem samið hefur verið á Íslandi auk
fyrsta tölvutónverksins. Þá efna
hátíðin og RÚV til tónverkasam-
keppni fyrir ung tónskáld, þar sem
þátttakendur semja ný verk með
tengingu við Þorkel.
Í dag verður slegið upp svoköll-
uðum maraþontónleikum í Mengi
við Óðinsgötu, þar sem flutt eru sér-
valin raftónlistarverk. Tónleikarnir
standa frá 15.00 til miðnættis.
„Þar eru flutt íslensk verk frá 1959
til dagsins í dag. Þar verða um 20
verk frumflutt,“ segir Kjartan Ólafs-
son, tónlistarmaður og einn skipu-
leggjenda um dagskrána í Mengi.
„Listamennirnir verða sumir á
staðnum. Bæði eru þetta vídeóverk
og hljóðverk og sum verkin eru fjöl-
rása. Þetta er sett upp þannig að
maður getur bara farið í tímavél til
ársins 1975,“ segir Kjartan og hlær.
Að sögn Kjartans er ókeypis inn á
flesta viðburði hátíðarinnar. „Þar er
hægt að kynna sér íslenska raftón-
list og tilraunatónlist sem á sínum
tíma var líka svona framúrstefnu-
tónlist.“
Athygli vekur að engin verk eftir
konur má finna á neinum dagskrár-
hluta, en elsta verkið eftir kvenskáld
er Adagio eftir Karólínu Eiríks-
dóttur frá árinu 1992. „Konur komu
seint inn í raftónlistina og ég held að
þær séu komnar í meirihluta núna.
Þetta var miklu meira kynjabundið
áður fyrr. Þegar Sinfóníuhljóm-
sveit Íslands byrjaði voru þar mest
karlmenn, en núna eru í meirihluta
konur.“
Hátíðin var fyrst haldin árið
1994. „Hún var haldin svo til óslitin
á tveggja ára fresti til ársins 2000,“
segir Kjartan. „Þá tók ég við sem for-
maður Tónskáldafélagsins og fékk
þá eina hátíð, eða reyndar tvær. Ég
fékk Myrka músíkdaga til að sjá um
hana. Ég sá um Myrka músíkdaga í
sautján ár ásamt fleirum og þegar
það var búið tók ég upp þráðinn
aftur. Nú er ErkiTíð sívaxandi hátíð
sem vex með hverju árinu. Nú er
unga fólkið að koma inn í þetta líka,
sem kemur með sinn stíl og sinn
tíma, sem er frábært.“
Kjartan segir nýbreytnina ein-
kennast af fjölbreytni. „Það sem við
sjáum fyrst og fremst er mun meiri
fjölbreytni en hefur sést áður. Þar
kemur unga fólkið sterkt inn. Það
er ekki bundið við neinn stíl og er
að móta sinn stíl. Einstaklingur sem
listamaður er það mikilvægasta sem
til er, með sinn persónulega stíl og
sína tónlist, eins og við sjáum með
þá þekktustu tónlistarmenn sem
við eigum.“
Barnaóperan Robbi rafmagns-
heili eftir Þorkel Sigurbjörnsson frá
árinu 1968 er dagskrárliður á hátíð-
inni. Að sögn Kjartans á óperan
alveg jafn sterkt erindi við almenn-
ing í dag og þegar hún var samin,
ef ekki meira. Orðið rafmagnsheili
er forveri orðsins tölva, og leitast
verkið meðal annars við að finna
nýtt orð yfir nýmælið sem rafheil-
arnir voru í þá daga. Kjartan segir
Þorkel hafa séð fyrir hversu veiga-
mikinn þátt tölvurnar áttu eftir að
eiga í lífi fólks.
Nánari upplýsingar um dagskrá
hátíðarinnar má finna á vefsvæðinu
erkitid.is.n
Segir fjölbreytni einkenna
íslensku raftónlistarsenuna
Bæði eru þetta vídeó-
verk og hljóðverk og
sum verkin eru fjöl-
rása. Þetta er sett upp
þannig að maður getur
bara farið í tímavél til
ársins 1975.
Kjartan Ólafsson
„Það sem mér dettur fyrst í hug –
og það er ekki í mínum karakter, en
kannski er þetta nýi karakterinn
minn, er þetta mál með Heims-
meistaramótið og One love-borð-
ana sem þeim er meinað að spila
með,“ segir Steinunn Rögnvalds-
dóttir, félags- og kynjafræðingur.
„OneLove„-armböndin eru hluti
af herferð sem er ætlað að taka
afstöðu gegn mismunun.
Steinunn kveðst reið yfir lyddu-
skap FIFA í Katar sem hafi afráðið
að banna armböndin að beiðni
stjórnvalda þar í landi. Gagnrýni
Steinunnar á mótið snýr einnig að
dómgæslunni. „Ég veit ekki mikið
en ég hélt að dómarar ættu að fylgja
leikjabók og ekki fylgja skipunum
frá FIFA um hvernig þeir eiga að
dæma sína leiki,“ segir hún.
Steinunn segir samstöðuaðgerðir
þýska landsliðsins vera hjóm eitt
við hliðina á því sem íranska lands-
liðið gerði til að sýna samlöndum
sínum stuðning með að syngja ekki
sinn eigin þjóðsöng á mótinu. Alda
óeirða ríkir í Íran vegna mannrétt-
indabrota klerkastjórnarinnar gegn
eigin þegnum.
„Maður verður ótrúlega hugsi yfir
því hvað skiptir máli í þessu sam-
hengi, hvernig við metum hlutina og
hvað við metum. Metum við hæfni
í að spila fótbolta eða hug-
rekki, samstöðu og mann-
réttindi? Það er umhugs-
unarvert af því að þetta
sport er ekkert án
fólksins sem tekur þátt
og horfir og mætir og
styður.“ n
Dáist að hugrekki íranska landsliðsins
n Frétt vikunnar
Steinunn Rögnvaldsdóttir,
félags- og kynjafræðingur:
Steinunn Rögnvaldsdóttir,
félags- og kynjafræðingur
Holtagörðum, Reykjavík | Smáratorgi, Kópavogi | Dalsbraut 1, Akureyri | Skeiði 1, Ísafirði
20-50%
AFSLÁTTUR
ALLA HELGINA
* Afsláttur gildir af öllum vörum nema Simba
80 Lífið 26. nóvember 2022 LAUGARDAGURFRÉTTABLAÐIÐ