Fréttablaðið - 26.11.2022, Page 128

frettabladid.is
550 5000
RITSTJÓRN ritstjorn@frettabladid.is
AUGLÝSINGADEILD auglysingar@frettabladid.is
PRENTUN Torg ehf.
DREIFING Póstdreifing ehf.
dreifing@postdreifing.is 2022 - 2025
Arnars Tómasar
Valgeirssonar
n Bakþankar
„Þetta sprengir krúttskalann!“ er
setning sem ég sé ansi oft þegar
ég skruna í gegnum Facebook.
Hún tengist oftast börnum af
mismunandi stærðum og gerðum
sem eru ýmist klædd einhvers
konar búningum eða hafa nýlega
áorkað einhverju mismerkilegu.
Ég hef aldrei tengt neitt sérstak-
lega mikið við þessa setningu
enda hefur minn krúttskali aldrei
sprungið. Ég er kannski að nota
einhvern annan kvarða, rétt eins
og Bandaríkjamenn sem kunna
ekki á Celsíus.
Skali sem er síspringandi er
greinilega ekki nógu góður,
alveg eins og röntgenmælirinn í
Tjernobyl sem mældi bara upp
í þrjá. Ef krúttskalinn þolir ekki
þetta meinta álag þá er augljóst að
við þurfum eitthvað að hliðra efri
mörkum hans til svo að við sem
samfélag getum betur metið hvað
sé raunverulega krúttlegt og hvað
ekki.
Það getur verið erfitt fyrir fólk
sem á börn að taka þátt í þessari
enduruppbyggingu kvarðans enda
eru foreldrar hlutdrægir þar sem
hverjum þykir sinn fugl fagur. Ég á
hins vegar engan fugl og væri þess
vegna fullfær um að endurhugsa
skalann sem hluti af þar til gerðri
nefnd.
Til að byrja með þurfum við
að skilgreina hvað felst í orðinu
krútt og setja upp nýjan skala
með mælanlegar kríteríur á bak
við hverja tölu. Er hor krúttlegt?
En spangir? Hvort er krúttlegra á
öskudeginum, Marvel-búningur
úr Hagkaup eða heimagerður
íkornabúningur? Er hrafnaspark
krúttlegra en óaðfinnanleg tengi-
skrift? Þetta eru spurningar sem
við þurfum að svara til þess að
meint krútt séu ekki að sprengja
skalann okkar í tíma og ótíma. n
Krúttskalinn
Jólafjör í IKEA um helgina!
©
Inter IKEA System
s B.V. 2022
Taktu þátt í jólafjöri IKEA um helgina frá kl. 13-17. Smakkaðu sætar smákökur
og ljúffengt jólaglögg, sjáðu rétta handbragðið við að setja saman og skreyta
piparkökuhús í eldhúsdeildinni og fáðu mynd með jólasveininum í rammadeildinni.
Safaríku jólaklementínurnar eru komnar í IKEA og úrval af hátíðlegum réttum
á veitingastaðnum færa þér bragð af jólum. Við hlökkum til að sjá þig!
Verslun opin 11-20 alla daga
Skoðaðu alla afgreiðslutíma á IKEA.is
Er það sem þú
keyptir í gær
ennþá ótryggt?
Reykjavík • Mörkin 3 | Akureyri • Undirhlíð 2
ALLT AÐ 75% AFSLÁTTUR AF YFIR 1.000 VÖRUM
ALLA VIKUNA 20-27. NÓVEMBER
OPIÐ
10-18
ALLA HELGINA
I
ALLA HELGINA
Allt að
75%
AFSLÁTTUR