Vaka : tímarit um þjóðfélags- og menningarmál - 01.03.1939, Side 24

VAKA 2. árg. . Jan.-marz 1939
• Dugnadarmenn III. •
Arnf
Kjarnarsoii
Árni er fœddur að Pálsgerði í Höfðahverfi við Eyjafjörð 4. fe-
brúar árið 1910. Þaðan fluttist hann tuttugu og tveggja ára gamall
og tók að stunda bifreiðaakstur á Akureyri. Hugðist hann að gera
það að framtíðaratvinnu sinni. En þegar til kom, festi hann ekki
yndi í kaupstaðnum. Eftir fjögur ár ákvað hann að láta af starfi sem
bifreiðarstjóri. Bauðst honum þá föst staða á Akureyri, en hann þáði
ekki það boð, því að hugur hans stefndi að rœktun og sveitavinnu
í lok ársins 1936 fluttist Árni að Mógili á Svalbarðsströnd og vorið
eftir kvœntist hann dóttur bóndans þar, Gerði Sigmarsdóttur. Árið
áður hafði hann tekið land á leigu og látið brjóta af því tvcer dag-
sláttur. Vorið 1937 sáði hann kartöflum í þessar tvcer dagsláttur, en
vegna árferðisins varð uppskeran vonum minní. Vorið 1938 sáði hann
á 2% dagsláttu lands og fékk góða uppskeru. Sama vor sáði hann
grasfræi í þœr tvœr dagsláttur, sem hann hafði áður sáð í kartöflum.
Síðastliðið haust braut Árni enn 2% dagsláttu og í vor œtlar hann að
sá kartöflum í fimm dagsláttur. Vandaða kartöflugeymslu, sem rúmar
80 tunnur, reisti Árni árið 1936 og nú í sumar œtlar hann að byggja
aðra geymslu, sem er fyrirhugað að rúmi 400 tunnur.
Árni er dugnaðarmaður í orðsins víðtœkustu merkingu.
Hann sýnir fölskvalausan áhuga fyrir hverju þvi verki, sem hann
gengur að, og afköstin sýna dugnaðinn. En þó að hann sé góður liðs-
maður á vettvangi margra ólíkra starfsgreina, eiga ræktunarstörfin
ríkust ítök í huga hans og að þeim vill hann fyrst og fremst beina
starfsorku sinni. Árni er bindindismaður á tóbak og áfengi. Hann hefir
nokkuð lagt stund á íþróttir, t. d. hefir hann tvívegis synt yfir Eyja-
fjarðarál, í annað skiptið fram og til baka, án þess að taka sér hvíld.
Hann er bókamaður mikill. Les mikið og á eitt af stœrstu bókasöfnum
sem til eru í einstakra manna eigu hérlendis.
Það er ánœgjulegt að kynnast Árna Bjarnarsyni. Viðkynningin
við hann, og aðra honum líka, skapar ósjálfrátt aukna bjartsýni um
framtíð íslenzku þjóðarinnar.
22