Borgfirðingabók - 01.12.2011, Síða 262

262 Borgfirðingabók 2011
skrár viðkomandi jarða að Hvanneyri og segðu til um staðsetningu
nafnanna. Sú vinna hófst í ágúst, en vegna þess hve langt var liðið á
ráðningartíma skrásetjaranna og einnig þess að ýmsir áttu erfitt með
að mæta á Hvanneyri með litlum fyrirvara náðist ekki að skrá örnefni
nema fárra jarða. Samt gaf þessi byrjun ljóslega til kynna að grunnur
Landmælinga hentaði ágætlega til starfsins. Þó var greinilega ekki
raunhæft að gera ráð fyrir að allir þeir aðilar sem fróðastir væru um
örnefni einstakra jarða ættu heimangengt niður að Hvanneyri. Eins
væri líklegt að skráning yrði öruggari og auðveldari ef skrásetjari
kæmi sjálfur á vettvang með tölvu sína og gæti þar með áttað sig
betur á staðháttum.
Örnefnanefnd FAB ákvað því – í samráði við stjórn félagsins og
Landmælingar – að ráða sérstakan skrásetjara til að ferðast um hér-
aðið, hitta þá heimamenn sem fróðastir væru, og slá önefnin inn á
grunninn eftir leiðsögn þeirra. Enn var leitað til Ragnhildar Helgu í
Ausu, hvort hún væri fáanleg til að vinna verkið. Tók hún því vel og
hóf störf strax í september. Í byrjun febrúar hafði verið lokið við að
setja inn á grunninn örnefni 16 jarða. Hefur nú verið gerður við hana
verksamningur um áframhaldandi störf.
Framtíðarhorfur
FAB er ekki auðugt félag og tekjur þess varla aðrar en árgjöld
félagsmanna sjálfra. Þegar ráðist er í verkefni af þessu tagi er því
nauðsynlegt að leita víðar eftir fjárframlögum. Stjórn félagsins og
örnefnanefndin ákváðu í sameiningu að framkvæmdahraðinn skyldi
miðaður við það fé sem til ráðstöfunar yrði á hverjum tíma. Einnig að
kostnaði við innskráningu örnefnanna ætti að halda vel aðskildu frá
öðrum fjárreiðum félagsins. Því hefur nú verið stofnaður sérstakur
bankareikningur í þessu skyni. Fara öll framlög til verkefnisins inn á
þann reikning, og þaðan verður allur kostnaður greiddur.
Ýmsir hafa brugðist vel við umsóknum félagsins um fjárstuðning.
Á liðnu hausti úthlutaði Þjóðhátíðarsjóður hálfri milljón króna til
þessa verks. Nú nýlega styrkti líka Menningarráð Vesturlands ör-
nefnaskráninguna með þrjúhundruð þúsund króna framlagi. Einnig
hafa bæði Borgarbyggð og útibú Arionbanka í Borgarnesi verið svo
vinsamleg að veita nokkrar fjárhæðir til starfsins. Kann félagið öllum
þessum aðilum bestu þakkir fyrir rausn þeirra og velvild. Von okkar