Víkurfréttir - 23.02.2022, Blaðsíða 18

Lýðheilsa og þjónusta við íbúa
í Reykjanesbæ
Anna Sigríður Jóhannesdóttir, bæjarfulltrúi fyrir Sjálfstæðisflokkinn.
2.–3. sæti í prófkjöri Sjálfstæðisflokksins í Reykjanesbæ 26. febrúar.
Hvers vegna er lýðheilsa og heilsulæsi
mikilvæg? Hvers vegna vil ég leggja
mitt af mörkum í bæjarstjórn til að
berjast fyrir því að áhersla verði lögð
á lýðheilsu bæjarbúa?
Reykjanesbær hefur skapað sér
gott orð af góðum hjóla- og göngu-
stígum en bæta þarf upplýsingar um
staðsetningu stíganna fyrir bæjar-
búa. Þannig má gera ráð fyrir því að
almenningur nýti sér þá fyrir daglega
hreyfingu og tómstundir. Áherslan
í heilsueflandi samfélagi er á dag-
lega hreyfingu fyrir alla íbúa. Því er
mikilægt að bjóða upp á aðstöðu sem
hvetur til útivistar með góðum stígum
og grænum svæðum. Þrátt fyrir að
hreyfing sé mikilvæg þurfum við einnig
góða heilbrigðisþjónustu. Við þurfum
á góðum læknum að halda á svæðinu
fyrir unga sem aldna. Heilbrigðisþjón-
usta er ekki nægilega mikil fyrir íbúa
Reykjanesbæjar sem eru orðnir rúm-
lega tuttugu þúsund en talið er að ein
heilsugæsla þjónusti um ellefu þúsund
íbúum. Heilbrigðisstofnun Suðurnesja
á að þjónusta öll Suðurnesin sem eru
um 28.000 íbúar. Dæmið gengur ekki
upp. Búið er að skrifa undir að ný
heilsugæsla muni rísa í Reykjanesbæ
en áherslan verður að vera á heilsu-
gæslu í húsnæði sem er til þannig að
starfssemi geti hafist sem fyrst. Bæj-
arbúar geta ekki beðið lengur. Ég tel
að heilsulæsi sé mjög mikilvægt fyrir
alla svo fólk taki ábyrgð á sinni eigin
heilsu og sé meðvitað um að sinna
eigin heilsueflingu. Hún á að vera
hluti af lífsstílnum. Reykjanesbær
hefur boðið íbúum 65 ára og eldri
upp á heilsueflingu Janusar frá árinu
2017. Því miður hefur verið ákveðið
af núverandi meirihluta að styðja ekki
frekar við verkefnið þrátt fyrir einstak-
lega mikinn ávinning. Það sýna niður-
stöður úr mælingum á verkefninu og
ekki síður það hól sem þátttakendur
hafa gefið verkefninu. Ávinningur af
heilsueflingu hefur verið mikill, bæði
líkamlega og andlega. Ekki má gleyma
félagslega þættinum sem er öllum
nauðsynlegur. Hvað vakti fyrir núver-
andi meirihluta að draga úr stuðningi
við eldri bæjarbúa?
Mínar áherslur í bæjarstjórn er á
lýðheilsustarfi þar sem stuðlað verður
að markvissri heilsueflingu og for-
vörnum fyrir alla aldurshópa í Reykja-
nesbæ. Ráðgjöf og þátttaka um heil-
brigða lifnaðarhætti er lykilatriði. Góð
heilsa er forspárgildi á lífsgæði seinni
tíma. Því er mikilvægt að bæjarfélagið
og heilsugæslan taki virkan þátt í að
þessum málum í sameiningu.
Fögnum fjölbreytileika
Reykjanesbæjar
Eyjólfur Gíslason,
frambjóðandi í 2. sæti í prófkjöri Sjálfstæðisflokksins.
Það er sannfæring mín að tækifærin
liggi víða í Reykjanesbæ en þau þarf að
grípa. Bærinn er fjórða stærsta sveit-
arfélag landsins og hefur alla burði til
að vera framúrskarandi. Við eigum að
geta laðað að okkur fólk með iðandi
mannlífi, tryggri grunnþjónustu og
sterkum innviðum.
Heilbrigðismál
Hér starfar margt framúrskarandi fólk
á sviði heilbrigðismála, sem gerir sitt
besta í starfi, hins vegar hefur stjórn-
endum ekki tekist að auka þjónustustig
á undanförnum árum. Bæjaryfirvöld
eiga að krefjast þess að hér geti ríkt
fjölbreytt rekstrarform í heilbrigðis-
þjónustu og skilaboðin ættu að vera
skýr – ekki verður beðið lengur eftir
úrbótum.
Forvarnarstarf fyrir öll
Forvarnir eru mér hjartans mál. Bær-
inn býr yfir frábæru fólki með sérþekk-
ingu á ýmsum sviðum geðheilbrigðis,
íþrótta og annarra tómstunda sem
mikilvægt er að taki höndum saman
og myndi með bæjaryfirvöldum upp-
færða framtíðarstefnu sem nýtir hefð-
bundar jafnt sem óhefðbundnar leiðir
í átt að enn öflugra forvarnarstarfi
fyrir alla aldurshópa. Sérstaklega þarf
að skoða úrræði fyrir börn og unglinga
sem eiga erfitt uppdráttar í skólakerf-
inu. Það hentar sumum að ganga til sál-
fræðings en öðrum ekki. Úrræðin þurfa
að endurspegla fjölbreytileikann. For-
varnarstarf er mikilvægur liður í því
að koma í veg fyrir brottfall úr fram-
haldsskólum, íþróttum sem og öðru
tómstundarstarfi. Ég hef sérstakar
áhyggjur af íbúum af erlendum upp-
runa, finna þarf leiðir til að hvetja þau
til að stunda íþróttir og aðrar tóm-
stundir.
Aðlaðandi bæjarfélag
Hvetja á framsækið fólk til að nýta
krafta sína og einkaframtak í atvinnu-
lífinu en þá þarf að tryggja þeim ákveð-
inn sveigjanleika í ýmsu regluverki og
efla samvinnuna. Hvers vegna tekst
okkur ekki að byggja upp spennandi
miðbæjarkjarna líkt og önnur minni
bæjarfélög hafa nú þegar gert? Hug-
myndir hafa komið fram en við eigum
að hugsa hlutina upp á nýtt og líta til
reynslu annarra. Bæjarkjarninn getur
orðið miðpunktur iðandi mannlífs sem
bæjarbúar geta verið stoltir af og fólk
úr öðrum bæjarfélögum sótt þangað
þjónustu. Ásbrú er sömuleiðis gott
dæmi um svæði þar sem tækifærin
eru til staðar, þar bý ég og veit að
íbúar svæðisins kalla eftir aðgerðum
til að efla hverfið og gera íbúavænna.
Þjónusta bæjarins á að miðast út frá
þörfum bæjarbúa en ekki öfugt.
Kæru bæjarbúar
Framboð mitt er til marks um að ég
þori að takast á við áskoranir. Ég vil
komast í bæjarstjórn og hafa áhrif. Til
þess þarf ég ykkar stuðning.
Reykjanesbær
– við boðum breytingar
Margrét Sanders,
rekstrarráðgjafi og oddviti Sjálfstæðisflokksins í Reykjanesbæ.
Ég býð mig fram í 1. sæti í prófkjöri
Sjálfstæðisflokksins í Reykjanesbæ
sem haldið verður 26. febrúar. Ég
brenn fyrir því að efla orðspor Reykja-
nesbæjar sem er fjórða stærsta sveitar-
félag landsins, efla fjölbreytt atvinnulíf,
efla innviði og efla mannlífið. Ég boða
breytingar.
Breytingar í atvinnulífi. Vinnum
saman að fjölbreyttara atvinnulífi,
bíðum ekki með hendur í skauti eftir
að haft er samband, það þarf einnig að
sækja fram og fá fyrirtæki hingað og
taka vel á móti þeim sem áhuga hafa á
að koma til Reykjanesbæjar.
Breytingar í skólamálum þannig að
fjölbreytileikinn fái að njóta sín með
markvissum stuðningi. Komið hefur
fram að allir í skólasamfélaginu sjái í
menntun án aðgreiningar sem leið til
að gefa öllum nemendum kost á gæða-
menntun. Við þurfum að finna leiðir
með okkar besta fólki í skólakerfinu að
því að af þessu geti orðið.
Breytingar í leikskólamálum þannig
að öll börn frá tólf mánaða aldri verði
komin í í leikskóla ef foreldrar vilja
fyrir lok næsta kjörtímabils, settur
verði upp tímasettur aðgerðarlisti.
Foreldrar eiga ekki að þurfa að kvíða
því að komast ekki í vinnu að loknu
fæðingarorlofi.
Breytingar í íþrótta-, tómstunda-
og menningarstarfi. Sjálfboðastarf í
frjálsum félagasamtökum eru ómetan-
leg í öllum samfélögum. Við í Reykja-
nesbæ höfum verið mjög lánsöm
hversu duglegt fólk er í stjórnum, for-
eldrafélögum, aðstoð við sýningar ýmis
konar svo eitthvað sé nefnt. Reykja-
nesbær þarf að koma inn sem öfl-
ugur stuðningsaðili á allan hátt, ekki
einungis með fjármagni. Væri hægt
að samþætta frístundarstarf meira
með þessum félögum þannig að það
kæmi fjárhagslega betur út fyrir alla
og sé heildstæðara fyrir notendur? Er
ekki ástæða til að færa meira íþrótta-,
tómstunda- og menningarstarf út í
hverfin?
Breytingar í skipulagsmálum. Við
þurfum að horfa á sveitarfélagið í heild
og fá bæjarbúa meira að borðinu. Aðal-
skipulag Reykjanesbæjar er metnaðar-
fullt plagg en ég sakna meira samráðs
og samtals við bæjarbúa. Við þurfum
að horfa á stærri þróunarreiti heldur
en nú er gert þannig að heildarmyndin
verði sem glæsilegust. Þjónusta tengd
skipulagsmálum þarf að eflast.
Breytingar í þjónustu. Stofnanir
og starfsfólk Reykjanesbæjar, ásamt
bæjarfulltrúum eru til þjónustu reiðu-
búin fyrir bæjarbúa. Við eigum ávallt
að gera betur og veita bestu mögulegu
þjónustu.
Breytingar á nýtingu fjármagns.
Það þarf að stýra vel verklegum fram-
kvæmdum og leggja áherslu á að und-
irbúningurinn sé góður. Ráðstöfun á
fjármagni sveitarfélagsins þarf að vera
gert af virðingu fyrir því að verið sé að
fara með fé annarra þ.e. bæjarbúa.
Breytingar í samskiptum við ríkis-
valdið. Við eigum ekki að sætta okkur
við mismunun á fjármagni til Reykja-
nesbæjar miðað við önnur sveitarfélög,
þurfum að sækja fram og vera skýr í
okkar kröfugerð.
Við boðum breytingar. Hér að ofan
hefur einungis verið stiklað á stóru. Ef
þú vilt breytingar þá er eina leiðin að
kjósa Sjálfstæðisflokkinn. Mig langar til
þess að leiða breytingar með ykkur og
óska því eftir stuðningi þínum í 1. sæti.
Fjölskyldan
í fyrirrúmi
Arnbjörg Elsa Hannesdóttir
og Guðbergur Reynisson.
Sem foreldrar og sem fjölskylda
höfum við miklar skoðanir á því
hvernig góður bær á að vera með
tilliti til öryggis og velferðar þegar
kemur að þessum hornsteini sam-
félagsins. Við hjónin eigum fjögur
börn og höfum töluverða reynslu á
flestum sviðum þegar kemur að kerf-
inu í okkar bæ.
Við viljum eiga hlýtt og notalegt
heimili í góðu hverfi þar sem börn-
unum okkar líður vel. Þar sem við
teljum okkur vera örugg og getum
heilsað nágrönnum okkar með bros
á vör. Góðar samgöngur þurfa að
vera til fyrirmyndar svo við komumst
óhult til og frá vinnu og í helstu þjón-
ustur sem fjölskyldur þurfa að nota.
Og ekki má gleyma að börnin okkar
þurfa að komast heil á húfi í skóla og
í íþrótta- og tómstundastarf.
Það sem einkennir góðan bæ fyrir
fjölskyldur er meðal annars gott
skólakerfi. Leikskólinn okkar er fyrsta
skólastigið. Þar fer fram mikilvægt
nám ungra barna sem bera þarf virð-
ingu fyrir. Við þurfum að huga vel að
námi þeirra og það gerum við með
góðu starfsfólki og kennurum sem
hafa menntað sig til að standa vörð
um velferð þeirra og nám. Einnig er
mikilvægt að leikskólinn okkar sé í
stakk búinn til að taka á móti öllum
börnum frá tólf mánaða aldri.
Grunnskólinn okkar er næsta
skólastig og sama gildir þar. Þeir
eiga að geta sinnt öllum nemendum,
geta gefið hverjum nemanda tíma og
hugað að velferð þeirra í samstarfi
við foreldra og eflt læsi þeirra í víð-
asta skilningi. Huga þarf vel að fjölda
innan hvers bekkjar, fjölga bekkjum,
stækka og betrumbæta innviði skól-
ans og láta þjónustuna vaxa með
bæjarfélaginu.
Á báðum skólastigum þarf að
huga að starfsumhverfi kennara og
nemenda svo um munar. Það þarf
að samræma umhverfið þannig að
bæði skólastigin heilla því í okkar
skólaumhverfi höfum við kennara
sem brenna fyrir námi barnanna og
eru framsækin í sínu starfsumhverfi.
Miklu fleiri úrræði þarf fyrir
börnin okkar sem eru með sérþarfir.
Öspin, Eikin og Björgin eru bjargir
innan skólans sem taka á móti
þessum börnum en þessar bjargir
þurfa að vera fleiri til að anna öllum
þeim börnum sem bíða eftir úrræði
en við teljum að jafnvel ætti að vera
ein slík stofnun í hverjum skóla bæj-
arins.
Búsetuúrræði fyrir börn og full-
orðna með sérþarfir eftir grunnskóla
þarf heldur betur að stokka upp og
bæta. Við þurfum að hugsa þá aðstoð
upp á nýtt sem við höfum verið að
veita þeim sem ekki geta bjargað sér
sjálf á vinnumarkaðnum. Forvarnir
og snemmtæk inngrip eru miklu betri
en „eftir á reddingar“. Við verðum að
hjálpa fólki til sjálfshjálpar.
Margsannað er að hverskonar
íþróttir, tómstundir eða menningar-
starfsemi eru besta forvörnin. Þar
viljum við sjá fjölbreytni. Sum börn
finna sig ekki í hópíþróttum en geta
svo orðið meistarar í einstaklingsí-
þrótt. Það þarf ekki lýðheilsufræð-
inga til að segja okkur að hreyfing
og þátttaka skapar vellíðan og ham-
ingju. En við erum ólík og allir þurfa
að finna sinn stað.
Við verðum að fara að gera stór
plön í uppbyggingu íþróttamann-
virkja í þessu fjórða stærsta sveitar-
félagi landsins. Vissulega höfum við
séð margt til bóta en betur má ef
duga skal.
Amma og afi, langamma og langafi
skipta sköpum eins og gefur að skilja
í öllu þessu og við verðum að bera
miklu meiri virðingu fyrir okkar
heldra fólki. Við þurfum að hugsa
heimahjúkrun aftur. Eldra fólk á að
geta verið heima hjá sér eins lengi og
það vill. Þetta reynslumikla fólk sem
hefur lagt grunninn að okkar velferð
á fá að vinna eins lengi og það vill
og hefur krafta til án þess að því sé
refsað fyrir af kerfinu.
Svo er það heilbrigðiskerfið. Það
er morgunljóst að þar þarf að taka
til hendinni. Það gengur ekki að fólk
þurfi að flytja viðskipti sín til höf-
uðborgarinnar í stórum stíl. Það er
óboðlegt!
Við viljum búa í öruggu sam-
félagi sem virkar og við getum verið
hreykin af. Við viljum vera stolt af
okkar bæjarfélagi. Við viljum hafa
fjölskylduna í fyrirrúmi.
Innri-Njarðvík
– hverfið mitt
Steinþór Jón Gunnarsson Aspelund,
frambjóðandi í 5. sæti í prófkjöri Sjálfstæðisflokksins
í Reykjanesbæ þann 26. febrúar.
Ég er búinn að búa í Innri-Njarðvík
í tæp fjögur ár. Á þessum tíma hefur
hverfið stækkað hratt en á sama tíma
hefur þjónustan við hverfið minnkað.
Hér býr mikið af ungu fólki sem finnst
hverfið sitt vera afskipt.
Í hverfinu eru þrír leikskólar og eru
umsóknir barna fædd árið 2020 eða
fyrr 74. Laus pláss í leikskóladeild
Stapaskóla eru sautján og vantar því
57 leikskólapláss í dag. Núverandi
meirihluti hefur sofið á verðinum og
ekki hlustað á ábendingar frá starfs-
fólki Reykjanesbæjar um skort á leik-
skólaplássum. Lausn núverandi meiri-
hlutans er að setja upp lausa leik-
skólaeiningu við leikskólann Holt sem
myndi rúma tvær átján barna deildir.
Ljóst er að dæmið gengur ekki upp og
viðvarandi vandi verður enn til staðar.
Strætó gengur hér en fer ekki hring-
inn með tilheyrandi óþægindum fyrir
ungmenni og íbúa sem þurfa oft að
ganga langa vegalengd í gegnum
hverfið í leit að næstu stoppustöð.
Þrátt fyrir mikil mótmæli íbúa var gott
sem engu breytt.
Núverandi meirihluti reyndi hljóð-
lega að koma inn öryggisvistun á aðal-
skipulag án samráðs við íbúa en var
síðar tekið út úr endurskoðun á aðal-
skipulagi þegar íbúar tóku sig til og
stofnuðu íbúasamtök hverfisins.
Ég segi nei við öryggisvistun í Innri-
Njarðvík.
Ég átti samtal við aðila sem vilja
opna veitingastað/kaffihús í hverfinu.
Vöntun er á þjónustu- og verslunarhús-
næði sem kemur í veg fyrir þessar fyr-
irætlanir. Von mín er sú að við getum
byggt hér upp eins konar kjarna þar
sem verslun og þjónusta getur þrifist.
Þá vil ég efla nágrannavörslu í hverf-
inu. Hugmynd mín er að hér verði
myndavélar við aðalgötur inn og út
úr hverfinu. Slíkt hefur verið gert t.d. í
nýju hverfi Mosfellsbæjar.
Ég vil bæta lýsingu við göngu- og
hjólastíga og leggja rækt við gróður í
hverfinu. Ég sé fyrir mér að eftir fjögur
ár verði hverfið okkar gróðursælt með
góðar samgöngur ásamt verslun og
þjónustu. Heilsugæslan verði komin í
gagnið.
Sundlaug og íþróttahús verði orðið
starfrækt við Stapaskóla og biðlisti
eftir leikskólavistun verði ekki lengur
vandamál.
„Bætum lífsgæði íbúanna og grípum
tækifærin.“
Skil á aðSeNdu efNi
Greinar og annað aðsent efni sem óskað er að birtist í Víkurfréttum
þarf að hafa borist ritstjórn fyrir hádegi mánudags á netfangið vf@vf.is
18 // vÍkurfrÉttir á SuðurNeSJuM