Veiðimaðurinn - 01.04.2005, Blaðsíða 17

verstu til bestu ára. Því skiptir sjávarþátturinn meiru máli
en ferskvatnsþátturinn hvað varðar breytingar í laxgengd
milli ára. Sem dæmi tekið ef 10 þúsund gönguseiði fara
árlega út úr einhverri á og 2% koma til baka eru það 200
laxar en ef endurheimtan verður fimmfalt hærri, eða 10%,
þá koma 1000 laxar til baka. Því vegur hvert prósentustig
þungt í stofnstærðinni.
Smálaxagöngur sumarið 2004 gáfu til kynna að
endurheimtur hafi verið betri á Norðurlandi heldur en mörg
undanfarin ár og á það sérstaklega við um ár á Norðurlandi
vestra. Því má vænta góðs af stórlaxinum á komandi sumri
en hafa ber í huga þá þróun síðustu tvo áratugi að stórlaxi
hefur fækkað þegar á heildina er litið og kemur hann því
varla í sama hlutfalli og áður.
Hvernig verðandi smálaxi reiðir af á beitarslóðum sínum
í hafi þessa mánuðina er erfiðast að spá um en skiptir samt
hvað mestu máli fyrir komandi laxavertíð. Þar skortir
nokkuð á þekkingu okkar. Þó hafa verið gerðar rannsóknir
sem tengja með óbeinum hætti laxagöngur í árnar við
umhverfisþætti og skilyrði í sjó. Einnig hafa hreistursýni
verið skoðuð með það fyrir augum að lesa út úr þeim
vaxtarsögu laxa í sjó og hvernig hún tengist fjölda og þyngd
einstaklinganna í laxveiðinni. Fyrirhugað er að fyrstu
beinu mælingarnar með merktum laxi fari fram á þessu ári,
í gönguseiði verða sett mælimerki sem skrá hita og dýpi
fisksins yfir dvalartíma hans í sjó. Við vitum þó að hlýsjór
hefur náð vel norður fyrir land síðustu ár og hafsvæði þar
því verið með ákjósanlegum hætti fyrir lífríkið. Það á að
boða gott fyrir smálaxaveiði komandi sumars þótt ekki sé
hægt með neinni vissu að segja fyrir um magn.
Horfur næsta sumar
Meginforsendurnar eru þar með að seiðabúskapur hefur
verið góður víðast hvar þótt undantekningar séu frá því.
Vöxtur smáseiða hefur verið hraður síðustu ár. Því ættu
árnar að skila vel sínum hlut. Ástand sjávar hefur verið
"gott" fyrir Norðurlandi síðustu árin, það á að koma
verðandi smálaxi vel. Fjöldi smálaxa gekk í ár á Norður-
og Austurlandi síðasta ár sem bendir til að fjöldi stórlaxa
verði með betra móti að teknu tilliti til þróunar mála síðasta
áratug. Þegar þetta er allt lagt saman er ekki hægt annað en
að vera fremur bjartsýnn hvað næsta sumar varðar.
Þórólfur Antonsson fiskifræðingur
Veiðimálastofnun
V(ða hefur vöxtur laxaseiöa aukist síðustu ár. Hér er sem dæmi Selá í Vopnafiröi þar sést þróun
meðallengdar 1-3 ára seiða árabilið 1979-2004.
SV-land -11,9%
Ár
Vesturland - 40,3%
Ár
N-eystra -10,1%
6000
SCD CO O CN ■'fr (O CD
03 CO O) O) O) O) O)
0)0)0)0)0)010)0)0)0)0)0)0)0)0)
<N CN CM
Ár
Austurland - 7,3%
Laxveiði 1970-2004 eftir landshlutum. Bláar súlur tákna smálax en rauðar
stórlax. Prósentur í svigum eru hlutdeild landshlutans í heildarveiðinni. Takið
eftir minnkandi hlut stórlax í gegnum tíðina.
Apríl 2005 Veiðimaðurinn 17