Veiðimaðurinn - 01.04.2005, Blaðsíða 20

WáJMí VS '/'■ ' -Jé<-Æ
w w ^ 1 ÉMl. f ■■ vf ■
Bjössi með 18 punda fisk sem var tekinn í svarta myrkri á Sunray Shadow. Og það enga smáflugu eins og sjá má í kjaftinum á honum.
og ganga frá. Veiðistaðurinn heitir því heillandi nafni Daisy
Island. Þetta er fremur langur en grunnur strengur sem
breiðir úr sér þegar neðar dregur. Við hylinn á bjórafjölskylda
heimili með tilheyrandi drasli og trjágreinum. Bjórinn
velur sér gjarnan bólstað þar sem dýpið er mest og á það
sameiginlegt með silungnum í Rio Grande. Það þurfti að kasta
alveg að útidyrunum hjá bjórnum og fjölskyldu til að egna
fyrir silunginn. Gústi náði góðu kasti alveg á dyrabjölluna
og "mendaði" vel svo að Peacock púpan sökk hratt enda
þyngd með kúlu. Þetta var Peacock að heiman sem Gústi
hafði sjálfur hnýtt. Það var þrifið í línuna og boldangsfiskur
lyfti sér upp úr vatninu skömmu eftir að Gústi tók á honum.
"Leiðsögumaðurinn öskraði eins og stunginn grís þegar
hann áttaði sig á því hvað þetta var stór fiskur." Gústi hlær
að minningunni. Svona stór fiskur beitir öllum brögðum
sem finnast í bókinni og þessi hálftíma langa barátta var
æði tvísýn. Ekki þurfti að forðast grjót, miklu fremur híbýli
bjórsins þar sem greinar sköguðu út í ána og hefðu kubbað
átta punda tauminn í sundur eins og tvinna. Þetta slapp þó
og Gústi landaði fiskinum og fékk flotta mynd. "Hann var 28
pund í háfnum." Þegar þyngd háfsins hafði verið dregin frá
var fiskurinn bókaður 25 pund. Gústi segir að þeir bóki bara
í heilum pundum og telur sjálfur að þessi fiskur hafi verið
nær 26 pundum.
Steik og rauðvín, steik og ...
Rio Grande er svipuð að stærð og Ytri Rangá. Gústi notaði
einhendu fyrir línu átta og flotlínu. Bjössi var með margs
konar útfærslur, allt frá flotlínu til sökklínu og allt þar á
milli. Þeir veiddu ekki mikið andstreymis. Gústi kastaði
þvert og var ýmist að strippa eða "menda" vel til tryggja að
flugan sykki. Mikið var af fiski í ánni og sums staðar alveg
pakkað, stöðugt var fiskur á lofti á löngum kafla.
Allur aðbúnaður var til fyrirmyndar eins og Gústi lýsir
honum. Maturinn var steik og rauðvín, steik og rauðvín,
steik og rauðvín og svo framvegis. "Maður fær ekki leið á
slíku. Dýralífið er mjög fjölskrúðugt. Við sáum ref á hverjum
degi og ótal tegundir fugla."
Langar þig að fara aftur? "Já!"
Ætlarðu að fara aftur? "Þegar ég verð búinn að gleyma
rokinu."
20 Veiöimaðurinn Apríl2005