Veiðimaðurinn - 01.04.2005, Blaðsíða 26

Einar Guðmann tekst á uið bleikju í Héðinsfjarðará. Hún tók púpu alveg niðri við botn og var á réttum hraða.
Komdu pupunni til hans a
/ i » 1 X
rettum hraða
~ Valli í Veiðibúðinni við Lœkinn skrifar um andstreymisveiði ~
Vinur minn sagði mér eitt sinn að til að ná sem mestum
árangri í urriðaveiði í straumvatni væri áhrifamesta leiðin
að nota púpur og veiða andstreymis. Líf urriðans helgast af
því að ná sér í sem mesta orku án þess að þurfa að eyða of
mikilli orku sjálfur og þess vegna er púpuveiðin svona öflug
veiðiaðferð.
Það eru þrjú atriði sem skipta mestu máli þegar á að veiða
með púpum. Fyrst þarf að lesa vatnið. í öðru lagi þarf agnið
að berast fyrir urriðan eins náttúrlega og eins nálægt honum
og mögulegt er. Þetta þarf að gerast á hraða straumsins. I
þriðja lagi þarf maður að átta sig á því hvenær fiskurinn
tekur.
Að lesa vatnið getur oft verið erfitt og það er alltaf mjög
gott að fá sem mestar upplýsingar frá mönnum sem þekkja
svæðin og vita um legustaði fiska. Ef maður er einn á báti
þá eru líklegir staðir í kringum steina og í straummótum
þar sem hraður og hægur straumur mætast því þar myndast
svokallaðar fæðurásir. Slíkar aðstæður eru kjörnar fyrir
fiskinn. Þar berst fæðan í átt að fiskinum og hann þarf aðeins
að færa sig til hliðar og grípa matinn. Við steina myndast
misstreymi og þar er ákjósanlegur staður fyrir fiska. Það eru
náttúrulega miklu fleiri legustaðir hagkvæmir fyrir urriðann
en taldir eru upp hér og það lærist með tímanum að finna
þá.
Til að ná góðum árangri þarf púpan að vera eins nálægt
botninum og hægt er. Púpan má alls ekki fara hraðar eða
hægar en straumurinn því þá hættir hún að veiða. Það eru
til ýmsar aðferðir til að koma púpunni niður. T.d. er hægt að
þyngja hana með kúlum, blývír eða blýhöglum en það sem
hefur reynst best eru tungstenhausar og -filmur. Tungsten
er mikið þyngri en blý og þess vegna þarf ekki að kasta eins
langt til þess að flugan fari að veiða. Hluti af aðferðinni
er að sökkva púpunni eins hratt niður í vatnið og hægt er
og fá hana til að reka með hraða straumsins eins lengi og
mögulegt er. Einnig þarf að gæta vel að línunni ef kastað er
upp í strauminn. Allan slaka þarf að taka jafn óðum þegar
línan rennur í átt að veiðimanninum. Línan á helst ekki að
fara niður fyrir veiðimanninn og það á heldur ekki að toga í
hana þannig að línan fari hraðar en straumurinn.
Það mikilvægasta í þessu öllu er að verða var við þegar
fiskurinn tekur og til þess er notaður tökuvari. Hann er
eins konar flotholt sem fest er á tauminn um það bil tíu
J
26 Veiðimaðurinn April 2005