Veiðimaðurinn - 01.04.2005, Blaðsíða 49

Noregur og Svíþjóð stóðu ekki undir vœntingum veiðimanna.
Niðursveifla í Noregi
Eftir nokkurn bata í laxveiði í Noregi hin síðari ár olli
árið 2004 vonbrigðum. Veiðin minnkaði eftir fjögur góð
sumur. í ljós hefur komið að göngur í norskar ár voru undir
meðallagi og eins og gerist gjarnan við þessar aðstæður
brást smálaxinn. í það minnsta miðað við þær væntingar
sem menn höfðu. Lax gekk líka seint í margar ár og ekki var
mikið um stórlax. Óhætt er að segja að sumarið 2004 hafi
valdið stangveiðimönnum í Noregi miklum vonbrigðum.
Mjög spennandi verður að fylgjast með þróun mála þar
næsta sumar.
Slakt í Svíþjóð
Svipaða sögu er að segja af Svíþjóð. Bæði á austur- og
vesturströndinni var veiðin minni en menn vonuðu og
sumar ár voru hreinlega afspyrnuslakar. Þetta kemur í kjölfar
nokkurs uppgangs síðari ár og þá einkum í ám sem falla í
Eystrasalt. Sá bati var ekki merkjanlegur árið 2004 og því telur
blaðamaður Fiske Avisen þetta sumar hafa valdið sænskum
stangaveiðimönnum og gestum þeirra vonbrigðum. Raunar
hafa sænskar laxveiðiár átt mjög misjöfnu gengi að fagna
undanfarin ár. Þó ber að geta þess að stærsti lax veiddur í
sænsku ánni Mörrum vó 20,02 kíló og veiddist 14 maí.
Frjálst fall í Ameríku!
Bandaríki Norður-Ameríku og Kanada eru að mati Fiske
Avisen í frjálsu falli þegar kemur að laxveiði. Greinarhöfundur
bendir á að árið 1974 er talið að 1,5 milljónir laxa hafi gengið
upp í ár í þessum löndum. Nú er aftur á móti fullyrt að
göngufiskar árlega séu langt innan við þriðjungur af þeirri
tölu. Sérstaklega hafa menn áhyggjur af stórlaxinum sem
er a.m.k tvö ár í sjó við Grænland áður en hann heldur á
æskustöðvarnar á ný. Á sjöunda áratug síðustu aldar var
talið að fjöldi stórlaxa í þessum stofni væri á bilinu átta
til níu hundruð þúsund einstaklingar. Nú er þessi tala
komin niður fyrir hundrað þúsund. Það eru til hlaðar af
skýrslum og greinargerðum um þennan stofn og þær eru
vægast sagt niðurdrepandi lesefni. Blaðamaður Fiske Avisen
segir að í Bandaríkjum Norður-Ameríku og í Kanada sé
mengun einn af stóru skaðvöldunum og að ár séu notaðar
upp á gamla móðinn, sem sagt til að losa verksmiðjur við
úrgang. Fiskvegir séu skemmdir, hrygningasvæði eyðilögð
og svo mætti lengi telja. Loks segir að það sé pínlegt að
lesa veiðiblöð frá þessum svæðum þar sem farið er fögrum
orðum um dásemdina að veiða göfuga fiska í fallegri náttúru.
Látið sé hjá líða að tala um aðalatriði málsins sem er - að
fiskurinn er allur horfinn.
April 2005 Veiðimaðurinn 49