Veiðimaðurinn - 01.04.2005, Blaðsíða 50

Hítará á Mýrum
~ veiðistaðalýsing frá ósi að Kattarfossi ~
Hítará rennur úr Hítarvatni 29 km frá sjó. Eftir fiskvegargerð í
Kattarfossi árið 1971 er áin fiskgeng alla leið upp í vatn. Helstu
þveráreru Grjótá ásamt Tálma, sem eru afmarkað veiðisvæði og
ekki til umfjöllunar að þessu sinni, aukMelsár. Tvœr fyrmefndu
ámar eru ágœtar veiðiár og sannað þykir að lax skjótist í Melsá
til hrygningar er hausta tekur.
Meðalveiði íHítará árin 1974-2003 var 336 laxar á tímablilinu
18. júní til 16. september.
Sex stangir eru leyfðar á aðalsvæði árinnar yfir miðsumarið en
fjórar á jaðartímum.
Snemmsumars er leyfilegt að veiða á flugu og maðk en eftir
16. júlí og til loka veiðitímabilsins er aðeins fluguveiði leyfð í
Hítará.
Veiðistaðir í Hítará
Hörpukarl (1), Hjálmarskvörn(2),
Náttmálaholt(3) og Hrafnakór(4)
Þessir veiðistaðir eiga það sammerkt að þarna stansar lax
ákaflega sjaldan. Hins vegar má fá þarna góða bleikjuveiði
síðast í júlí og í ágústmánuði þegar þannig hittist á. í
Náttmálaholti hef ég fengið mínar stærstu bleikjur úr ánni
á eftirlíkingar af marfló. Stöku sjóbirtingur er þarna á
ferðinni.
Skiphylur(5)
Stór og mikill hylur niður undan útihúsum samnefndrar
jarðar. Hylurinn er ekki þekktur sem laxveiðistaður en þarna
er oft prýðisgóð bleikjuveiði.
Kotdalsfljót(6)
Var laxveiðistaður í gamla daga en líkt og aðrir staðir í
neðanverðri ánni má hann muna sinn fífil fegri. Þarna fæst
einstaka sinnum sjóbirtingur og bleikja.
Vað(7),Sveljandi(8) og Dýjabörð(9)
Tímanum er betur varið annars staðar. Reynt var að mynda
veiðistað í ánni með grjótgarði neðan Vaðs en grjótinu var
komið fyrir á leirklöpp svo að áin gróf sig aldrei niður. í
Sveljanda stansaði áður lax í göngu undir háum bakka en nú
rennur stór hluti árinnar annan farveg niður undan Fiskilæk.
Þarna mætti gera bragarbót á árfarveginum.
Flesjufljót(ll)
Fyrsti alvöru laxveiðistaður árinnar og mér sérlega kær frá
fyrri tíð er Flesjufljót. Það er þó ekki sami veiðistaður og
áður þegar áin rann nær vesturbakkanum. Garði var ýtt upp
gegnt Reyðarlækjarósnum, hann átti að laga veiðistaðinn
en betur má ef duga skal. Nú er mesta dýpið niður undan
áðurnefndum garði og óveiðilegt yfir að líta. Lítið mál er
að laga staðinn með því að fá strauminn nær miðju árinnar
en þar iá laxinn í malargjótum sem myndast höfðu milli
ljósra leirfleka. Til þess að svo verði þarf að setja garðinn
mun ofar en hann er nú. Þó má hér enn finna lax, sér í lagi
þegar sumri tekur að halla. Hylurinn er veiddur af eyrinni
að austanverðu.
Oddafljót( 12) og Festarfljót(13)
Oddafljót, stór og lygn breiða sem var og er enn
aðalhrygningarstaður bleikjunnar í Hítará.
Oft fékk ég að skjótast í Oddafljót eftir veiðitíma þegar
klakveiði fór fram og veiddi nýgengnar bleikjur í tugatali.
Þarna bunkar bleikjan sig á haustin, á grynningum með
vesturlandinu, því er vænlegast að vaða ána og veiða bakkann
fjær bílastæðinu. Lax hrygnir við grjót neðarlega í Oddafljóti,
þar hef ég séð hann stökkva á haustin eftir veiðitíma þegar
skyggja tekur á kvöldin. í Festarfljóti er oft lax. Á göngutíma
má setja í fisk á grynningunum ofan hylsins þar sem stútur
rennunnar myndast og eins í aðalstrengnum sjálfum.
Nœst komum við að Steinastreng(15) og Steinabroti(16)
Steinastrengur hefur verið mönnum erfiður sökum þess að
laxinn stansar ekki lengi í honum.
Lax liggur þó þarna allt sumarið og þá helst fyrir miðju þar
sem straumur hægist. Ráðlegg ég mönnum að kasta alltaf
á Steinastreng, sjálfur geri ég það frá vesturbakkanum,
veð út að straumnum og veiði niður strenginn. Oftast eltir
laxinn inn á dauða vatnið. Nú hafa skemmdir verið unnar
á Steinastreng með því að loka lænu sem rann úr honum
til vesturs. í lænunni var mikill hrygningarstaður bleikju og
þar var mörgum veiðitúrnum bjargað með bleikjuveiði, sér í
lagi síðsumars þegar laxinn gaf sig ekki. Legg ég til að lænan
verði opnuð á nýjan leik enda gerir ruðningurinn ekkert
gagn. Steinabrot er magnaður staður þegar lax er í göngu
og virkilega vanmetinn veiðistaður. Fæstir vita líklegast
um tökustaðinn en hann er í trektinni ofan klappanna
sem mynda Steinastreng. Þótt áin hafi breytt sér aðeins
og skolað burt steinum þá stansar laxinn oft á blábrotinu
ofan Steinastrengs, nánast með sporðinn fram af klöppinni,
50 Veiðimaðurinn Apríl 2005
Apríl 2005 Veiðimaðurínn 51