Veiðimaðurinn - 01.04.2005, Blaðsíða 55

Svalbarðsá er töfraheimur stórlaxa. Margir eru tilbúnir að leita á þau mið. Ljósmynd Rafn Hafnfjörð.
Svalbarðsá í Þistilfirði var boðin út nýlega. Hæsta tilboð
gerði félagið Hreggnasi sem meðal annars leigir Grímsá. Með
félaginu að þessu tilboði stóð Gísli Ásgeirsson leiðsögumaður.
Ekki hefur verið gefið upp hversu hátt boðið var. Gengið hefur
verið til samninga milli veiðiréttarhafa og tilboðsgjafa. Stefnt
er að langtímasamningi og mun nýtt veiðihús vera hluti af því
samkomulagi sem handsalað hefur verið.
Svalbarðsá er stórlaxaá. Meðalþyngd er með því hæsta sem gerist
á Islandi eða ríflega 10 pund. Heimild er fyrir 210 stangardögum
í ánni sem þýðir að hluta veiðitímans er veitt á tvær stangir.
Gangi þetta allt eftir munu nýir leigutakar reka ána sumarið
2006 og til loka samningsins. Víst er að spennandi tímar eru
fram undan á norðausturhorninu enda var mikið af smálaxi
á ferðinni víðast hvar í fyrra og margir bíða spenntir eftir að
sjá hvernig framhaldið verður næsta sumar og sumarið 2006.
Meðalveiði í Svalbarðsá er rúmlega 200 laxar á sumri
Halli Eiríks til liðs við SVFR
Hinn reyndi leiðsögumaður Haraldur Eiríksson mun hefja störf hjá Stangaveiðifélagi
Reykjavíkur um mánaðamótin mars - apríl. Haraldur, sem er oftast kallaður Halli,
er ráðinn sem markaðs- og þjónustufulltrúi en hér er um nýtt starf að ræða. Það
er mikill fengur í að fá Halla í lið SVFR og mun hann móta nýtt starf í samráði við
framkvæmdastjóra og stjórn félagsins. Hlutverk Halla verður að selja og markaðssetja
söluvöru SVFR eins og starfsheitið gefur til kynna. Hann mun einnig sjást við árnar
í sumar þar sem hann mun aðstoða og miðla veiðimönnum af sinni yfirgripsmiklu
veiðiþekkingu. Halli hefur undanfarin misseri alið manninn hjá fyrirtækinu Lax-á
þar sem víðtæk reynsla hans hefur komið sér vel. Einnig hefur hann getið sér afar
gott orð sem leiðsögumaður meðal annars við Hítará og Laxá í Kjós. Halli opinberar
einmitt leyndarmál Hítarár í þessu tölublaði. Við bjóðum Harald Eiríksson velkominn
til starfa fyrir félagið.
Halli prýddi forsíðu Veiðimannsins fyrir tveimur árum.
Hér er hann að sleppa fallegum fiski í Kjósinni.
APRÍL 2003 NR. 170

aðurim
m
mm
mm
éið
VEIDDU
LAXINN ER
ÞJÓÐARGERSEMI
SÖGUR AF
STORFISKUM
Heilræoi handa
veiðimönnum
VEIÐISAGA
KRISTÍNAR HELGU
HVAD ER AÐ GERAST I
Apríl 2005 Veiðimaðurinn 55